រដ្ឋធានីមូស្គូ៖ រហូតមកដល់ពេលនេះ លីទុយអានី ធ្លាប់ជារដ្ឋចំណុះឲ្យសហភាពសូវៀត ក្លាយជាប្រទេសដំបូងគេ កាលពីថ្ងៃព្រហស្បតិ៍ ទី១១ ខែសីហា បានដាក់រុស្ស៊ី ជារដ្ឋគាំទ្រសកម្មភាពភេរវកម្ម ខណៈសហរដ្ឋអាមេរិកកំពុងតែដំណើរការនីតិប្បញ្ញត្ដិដូចគ្នានេះដែរ ទើបមន្ដ្រីជាន់ខ្ពស់ក្រុងមូស្គូ បានព្រមាន ពីការកាត់ផ្ដាច់ចំណងទំនាក់ទំនងការទូតជាមួយគ្នា។
រដ្ឋសភា នៃប្រទេសលីទុយអានី (Lithuania) កាលពីថ្ងៃព្រហស្បតិ៍ កន្លងទៅថ្មីៗនេះ បានប្រកាសជាផ្លូវការ ចាត់ទុករុស្ស៉ី ជារដ្ឋគាំទ្រភេរវកម្ម ពាក់ព័ន្ធនឹងវិបត្តិសង្គ្រាម នៅក្នុងអ៊ុយក្រែន។ ប្រទេសធ្លាប់ជារដ្ឋចំណុះឲ្យអតីតសហភាពសូវៀតមួយនេះ បានចូលមករួមរស់ជាមួយអង្គការសន្ធិសញ្ញាអាត្លង់ទិកខាងជើង ហៅកាត់ ណាតូ (NATO តាមភាសាអង់គ្លេស ឬ OTAN តាមភាសាបារាំង) នៅក្នុងអំឡុងឆ្នាំ២០០៤ ហើយប្រទេសមួយនេះថែមទាំងបានអំពាវនាវដល់បណ្ដាប្រទេស ជាសម្ពន្ធមិត្តរបស់លោកខាងលិច ត្រូវបន្តដាក់ទណ្ឌកម្មគ្រប់ជ្រុងជ្រោយ ឲ្យកាន់តែខ្លាំងឡើងបន្ថែមទៀត ប្រឆាំងនឹងក្រុងមូស្គូ។
ទីភ្នាក់ងារសារព័ត៌មាន គ្រប់គ្រងដោយរដ្ឋរុស្ស៊ី Tass បានចេញផ្សាយ កាលពីព្រឹក ថ្ងៃសៅរ៍ ទី១៣ ខែសីហា ថា លោក អាឡិចសាន់ដឺ ដាឈីយេវ (Alexander Darchiyev) ប្រធាននាយកដ្ឋានទទួលបន្ទុកកិច្ចការអាមេរិកខាងជើង នៃក្រសួងការបរទេសរុស្ស៊ី បានប្រាប់ដល់ Tass នៅក្នុងបទសម្ភាសន៍មួយថា «នៅក្នុងបរិបទនេះ ខ្ញុំចង់និយាយអំពីគំនិតផ្តួចផ្តើមនីតិប្បញ្ញត្តិ ដែលសហរដ្ឋអាមរិក កំពុងតែពិភាក្សា នៅក្នុងសភា ដើម្បីប្រកាសចាត់ទុករុស្ស៊ី ជា«ប្រទេសឧបត្ថម្ភភេរវកម្ម»។
លោក អាឡិចសាន់ដឺ ដាឈីយេវ (Alexander Darchiyev) បានសង្កត់ធ្ងន់ថា ប្រសិនបើព្រឹទ្ធសភាសហរដ្ឋអាមេរិក សម្រេចអនុម័ត លើការប្រកាសចាត់ទុករុស្ស៉ី ជារដ្ឋគាំទ្រភេរវកម្ម មែននោះ នីតិប្បញ្ញត្ដិនេះ នឹងមានន័យថា ក្រុងវ៉ាស៊ីនតោន ឈានជើងឆ្លងចំណុចក្រហមមួយអាចត្រឡប់ក្រោយបាន។ សកម្មភាពបែបនេះ នឹងធ្វើឲ្យខូចខាតយ៉ាងធ្ងន់ធ្ងរបំផុត ដល់ចំណងទំនាក់ទំនងការទូត រវាងប្រទេសមហាអំណាចទាំង២នេះ។
សមាជិកព្រឹទ្ធសភាសហរដ្ឋអាមេរិក ចំនួន២រូប កាលពីខែកក្កដា បានទៅជួបប្រធានាធិបតីអ៊ុយក្រែន លោក វ៉ូឡូឌីមៀរ ហ្សេឡែនស្គី (Volodymyr Zelenskiy) នៅក្នុងរដ្ឋធានីកៀវ។ នៅក្នុងដំណើរទស្សនកិច្ចនោះ ពួកគេបានពិភាក្សាគ្នា អំពីសេចក្តីព្រាងច្បាប់មួយ ស្ដីពីការប្រកាសដាក់រុស្ស៉ី ជារដ្ឋគាំទ្រភេរវកម្ម។
រដ្ឋសភា នៃប្រទេសលីទុយអានី (Lithuania) កាលពីថ្ងៃព្រហស្បតិ៍ កន្លងទៅថ្មីៗនេះ បានប្រកាសជាផ្លូវការ ចាត់ទុករុស្ស៉ី ជារដ្ឋគាំទ្រភេរវកម្ម ពាក់ព័ន្ធនឹងវិបត្តិសង្គ្រាម នៅក្នុងអ៊ុយក្រែន។ ប្រទេសធ្លាប់ជារដ្ឋចំណុះឲ្យអតីតសហភាពសូវៀតមួយនេះ បានចូលមករួមរស់ជាមួយអង្គការសន្ធិសញ្ញាអាត្លង់ទិកខាងជើង ហៅកាត់ ណាតូ (NATO តាមភាសាអង់គ្លេស ឬ OTAN តាមភាសាបារាំង) នៅក្នុងអំឡុងឆ្នាំ២០០៤ ហើយប្រទេសមួយនេះថែមទាំងបានអំពាវនាវដល់បណ្ដាប្រទេស ជាសម្ពន្ធមិត្តរបស់លោកខាងលិច ត្រូវបន្តដាក់ទណ្ឌកម្មគ្រប់ជ្រុងជ្រោយ ឲ្យកាន់តែខ្លាំងឡើងបន្ថែមទៀត ប្រឆាំងនឹងក្រុងមូស្គូ។
ទីភ្នាក់ងារសារព័ត៌មាន គ្រប់គ្រងដោយរដ្ឋរុស្ស៊ី Tass បានចេញផ្សាយ កាលពីព្រឹក ថ្ងៃសៅរ៍ ទី១៣ ខែសីហា ថា លោក អាឡិចសាន់ដឺ ដាឈីយេវ (Alexander Darchiyev) ប្រធាននាយកដ្ឋានទទួលបន្ទុកកិច្ចការអាមេរិកខាងជើង នៃក្រសួងការបរទេសរុស្ស៊ី បានប្រាប់ដល់ Tass នៅក្នុងបទសម្ភាសន៍មួយថា «នៅក្នុងបរិបទនេះ ខ្ញុំចង់និយាយអំពីគំនិតផ្តួចផ្តើមនីតិប្បញ្ញត្តិ ដែលសហរដ្ឋអាមរិក កំពុងតែពិភាក្សា នៅក្នុងសភា ដើម្បីប្រកាសចាត់ទុករុស្ស៊ី ជា«ប្រទេសឧបត្ថម្ភភេរវកម្ម»។
លោក អាឡិចសាន់ដឺ ដាឈីយេវ (Alexander Darchiyev) បានសង្កត់ធ្ងន់ថា ប្រសិនបើព្រឹទ្ធសភាសហរដ្ឋអាមេរិក សម្រេចអនុម័ត លើការប្រកាសចាត់ទុករុស្ស៉ី ជារដ្ឋគាំទ្រភេរវកម្ម មែននោះ នីតិប្បញ្ញត្ដិនេះ នឹងមានន័យថា ក្រុងវ៉ាស៊ីនតោន ឈានជើងឆ្លងចំណុចក្រហមមួយអាចត្រឡប់ក្រោយបាន។ សកម្មភាពបែបនេះ នឹងធ្វើឲ្យខូចខាតយ៉ាងធ្ងន់ធ្ងរបំផុត ដល់ចំណងទំនាក់ទំនងការទូត រវាងប្រទេសមហាអំណាចទាំង២នេះ។
សមាជិកព្រឹទ្ធសភាសហរដ្ឋអាមេរិក ចំនួន២រូប កាលពីខែកក្កដា បានទៅជួបប្រធានាធិបតីអ៊ុយក្រែន លោក វ៉ូឡូឌីមៀរ ហ្សេឡែនស្គី (Volodymyr Zelenskiy) នៅក្នុងរដ្ឋធានីកៀវ។ នៅក្នុងដំណើរទស្សនកិច្ចនោះ ពួកគេបានពិភាក្សាគ្នា អំពីសេចក្តីព្រាងច្បាប់មួយ ស្ដីពីការប្រកាសដាក់រុស្ស៉ី ជារដ្ឋគាំទ្រភេរវកម្ម។