ទីក្រុងតៃប៉ិ៖ ចិនកំពុងតែខឹងសម្បាយ៉ាងខ្លាំង ប្រឆាំងនឹងលោកស្រី ណានស៊ី ផេឡូស៊ី (Nancy Pelosi) មកកាន់តៃវ៉ាន់ កាលពីដើមខែសីហា ហើយឥឡូវគណៈប្រតិភូសភាអាមេរិក បានបន្ដធ្វើដំណើរ មកកាន់ដែនកោះគ្រប់គ្រងដោយខ្លួនមួយនេះ និង ធ្វើឲ្យចំណងការទូតកាន់តែធ្លាក់ចុះយ៉ាងខ្លាំង រវាងក្រុងវ៉ាស៊ីនតោន និង ក្រុងប៉េកាំង។
សារព័ត៌មាន The Guardian បានចេញផ្សាយ កាលពីព្រឹក ថ្ងៃចន្ទ ទី១៥ ខែសីហា ថា គណៈប្រតិភូសភាតំណាងរាស្ដ្ររបស់សហរដ្ឋអាមេរិកមួយក្រុម កាលពីថ្ងៃអាទិត្យ បានកោះតៃវ៉ាន់ ដើម្បីបំពេញទស្សនកិច្ច រយៈពេល២ថ្ងៃ។ គេរំពឹងថា គណៈប្រតិភូរបស់ប្រទេសមហាអំណាចកំពូលលើលោក នឹងជួបពិភាក្សាការងារ ជាមួយនឹងលោកស្រី សៃ អ៊ីងវ៉ិន (Tsai Ing-wen) ប្រធានាធិបតីតៃវ៉ាន់។ ក្រុមគណៈប្រតិភូកម្រិតខ្ពស់ទី២របស់សហរដ្ឋអាមេរិក នេះ បានមកបំពេញទស្សនកិច្ច ចំពេលមានភាពតានតឹងខាងយោធា រវាងរដ្ឋាភិបាលក្រុងតៃប៉ិ និង ក្រុងប៉េកាំង។
ក្រុងប៉េកាំង តែងតែអះអាងតៃវ៉ាន់ ដែលគ្រប់គ្រងដោយខ្លួនឯង តាមបែបលទ្ធិប្រជាធិបតយ្យ ជាដែនដីរបស់ចិន ហើយថែមទាំងគំរាមកំហែង ពីការប្រើប្រាស់កម្លាំងយោធា ប្រសិនបើក្រុងតៃប៉ិ បានប្រកាសពីឯករាជភាពរបស់ខ្លួន កាត់ផ្ដាច់ចេញពីចិន។ ជាមួយនឹងដំណើរទស្សនកិច្ចរបស់លោកស្រី ណានស៊ី ផេឡូស៊ី (Nancy Pelosi) ប្រធានសភាដ៏មានឥទ្ធិពលរបស់សហរដ្ឋអាមេរិក មកកាន់តៃវ៉ាន់នោះ បានធ្វើឲ្យចិនខឹងសម្បាយ៉ាងខ្លាំង។ ជាការតវ៉ាប្រឆាំងតបវិញនោះ ក្រុងប៉េកាំង បានធ្វើសមយុទ្ធយោធាទ្រង់ទ្រាយធំ មិនធ្លាប់មានពីមុនមក ឡោមព័ទ្ធដែនកោះមួយនេះ រំខានដល់ការដឹកជញ្ជូនទំនិញ ឆ្លងកាត់ដែនសមុទ្រ និង តាមផ្លូវអាកាស នៅតំបន់ទាំងនោះ។
ដំណើរទស្សនកិច្ចរបស់លោកស្រី ណានស៊ី ផេឡូស៊ី (Nancy Pelosi) ប្រធានសភាដ៏មានឥទ្ធិពលរបស់សហរដ្ឋអាមេរិក មកកាន់កោះតៃវ៉ាន់ កាលពីថ្ងៃទី២ ខែសីហា បានធ្វើឲ្យចិនខាងសម្បាយ៉ាងខ្លាំង រហូតបង្កនូវភាពតានតឹងដាក់គ្នា រវាងរដ្ឋាភិបាលក្រុងប៉េកាំង និង ក្រុងវ៉ាស៊ីនតោន ហើយក្រុមហ៊ុនធំៗ គ្រប់គ្រងដោយរដ្ឋចិន ចំនួន៥ ក៏បានសម្រេចដកខ្លួន ចេញពីទីផ្សារភាគហ៊ុន នៅសហរដ្ឋអាមេរិក។
សារព័ត៌មាន Alarabiya News បានចេញផ្សាយ កាលពីថ្ងៃសុក្រ ទី១២ ខែសីហា ថា ក្រុមហ៊ុនធំៗរបស់ចិន ចំនួន៥ រួមមាន ទី១-ក្រុមហ៊ុន Sinopec, ទី២-ក្រុមហ៊ុន PetroChina, ទី៣-ក្រុមហ៊ុនសាជីវកម្មអាលុយមីញ៉ូមចិន ដែលគេស្គាល់ថា Chalco, ទី៤-ក្រុមហ៊ុនធានារាប់រង China Life Insurance និង ក្រុមហ៊ុនបុត្រសម្ព័ន្ធរបស់ Sinopec មានមូលដ្ឋាន នៅទីក្រុងសៀងហៃ ប្រទេសចិន។
ក្រុមហ៊ុនធំៗទាំង៥របស់ចិននេះ កំពុងតែស្ថិតនៅក្នុងបញ្ជី ត្រូវបានបោះផ្សាយ ដោយគណៈកម្មការមូលបត្រសហរដ្ឋអាមេរិក អាចប្រឈមនឹងការដកចេញពី Wall Street ប្រសិនបើក្រុមហ៊ុនទាំងនេះ មិនគោរពតាមតម្រូវការសវនកម្មថ្មី។ ក្រុមហ៊ុនរបស់ចិនទាំងនេះ ក៏បានបញ្ជាក់ នៅក្នុងសេចក្ដីថ្លែងការណ៍ដាច់ដោយឡែកពីគ្នាថា ពួកគេនឹងឈប់ធ្វើពាណិជ្ជកម្ម នៅលើទីផ្សារភាគហ៊ុន NYSE ចាប់ពីដើមខែកញ្ញា ខាងមុខនេះទៅ។
ដោយឡែក ទស្សនាវដ្ដី Fortune បានចេញផ្សាយ កាលពីព្រឹក ថ្ងៃសៅរ៍ ទី១៣ ខែសីហា ថាក្រុមហ៊ុនធំៗបំផុតចំនួន៥ គ្រប់គ្រងដោយរដ្ឋចិន ដែលបានចុះបញ្ជី នៅសហរដ្ឋអាមេរិក មានតម្លៃសរុប៣១៨ពាន់លានដុល្លារ បានប្រកាសថា ពួកគេនឹងដកខ្លួន ចេញពីទីផ្សារភាគហ៊ុន Wall Street ។ ការប្រកាសរបស់ក្រុមហ៊ុនចិនទាំងនេះ បានបង្ហាញពីការបង្កើនល្បឿន នៅក្នុងការកាត់ផ្តាច់ផ្នែកហិរញ្ញវត្ថុ រវាងសហរដ្ឋអាមេរិក និង ចិន ផងដែរ។
គណៈប្រតិភូមួយក្រុម មកពីសមាជិកសភាសហរដ្ឋអាមេរិក ដឹកនាំដោយសមាជិកព្រឹទ្ធសភាអាមេរិក លោក អែដ ម៉ាគី (Ed Markey) និង អមដំណើរ ដោយសមាជិកសភាតំណាងរាស្ត្រសហរដ្ឋអាមេរិក ចំនួន៤នាក់ផ្សេងទៀត បានធ្វើដំណើរ មកបំពេញទស្សនកិច្ច នៅតៃវ៉ាន់ រយៈពេល២ថ្ងៃ។ គណៈប្រតិភូទាំងនេះ ត្រូវរំពឹងថា នឹងជួបពិភាក្សាការងារជាមួយប្រធានាធិបតីតៃវ៉ាន់ លោកស្រី សៃ អ៊ីងវ៉ិន នៅថ្ងៃចន្ទ នេះ។
ក្រុងប៉េកាំង បានឆ្លើយតបវិញថា តៃវ៉ាន់ គ្រាន់តែជាខេត្តមួយរបស់ចិន ដូច្នេះគណៈប្រតិភូ មកពីសភាសហរដ្ឋអាមេរិក គួរតែធ្វើសកម្មភាពទាំងឡាយណា ស្របតាមគោលនយោបាយចិនតែមួយ។ ចំណែក ដំណើរទស្សនកិច្ចនេះ កំពុងតែបង្ហាញយ៉ាងច្បាស់ថា សហរដ្ឋអាមេរិក មិនចង់ឃើញស្ថិរភាព នៅតំបន់ច្រកសមុទ្រតៃវ៉ាន់ ក៏ដូចជាមិនចង់បន្ធូរបន្ថយ នៅក្នុងការប្រឈមមុខដាក់គ្នា រវាងប្រទេសមហាអំណាចទាំង២ តាមរយៈការលូកលាន់ចូលកិច្ចការផ្ទៃក្នុងរបស់ចិន។
ដោយឡែក សេតវិមាន បានអះអាងថា សមាជិកសភាសហរដ្ឋអាមេរិក ធ្លាប់ធ្វើដំណើរ ទៅកាន់តៃវ៉ាន់ អស់រយៈពេលជាច្រើនទសវត្សរ៍កន្លងមកហើយ ដូច្នេះសមាជិកសភា នឹងបន្តធ្វើបែបនេះ ព្រោះវាស្របតាមគោលនយោបាយចិនតែមួយរបស់សហរដ្ឋអាមេរិក ផងដែរ៕
សារព័ត៌មាន The Guardian បានចេញផ្សាយ កាលពីព្រឹក ថ្ងៃចន្ទ ទី១៥ ខែសីហា ថា គណៈប្រតិភូសភាតំណាងរាស្ដ្ររបស់សហរដ្ឋអាមេរិកមួយក្រុម កាលពីថ្ងៃអាទិត្យ បានកោះតៃវ៉ាន់ ដើម្បីបំពេញទស្សនកិច្ច រយៈពេល២ថ្ងៃ។ គេរំពឹងថា គណៈប្រតិភូរបស់ប្រទេសមហាអំណាចកំពូលលើលោក នឹងជួបពិភាក្សាការងារ ជាមួយនឹងលោកស្រី សៃ អ៊ីងវ៉ិន (Tsai Ing-wen) ប្រធានាធិបតីតៃវ៉ាន់។ ក្រុមគណៈប្រតិភូកម្រិតខ្ពស់ទី២របស់សហរដ្ឋអាមេរិក នេះ បានមកបំពេញទស្សនកិច្ច ចំពេលមានភាពតានតឹងខាងយោធា រវាងរដ្ឋាភិបាលក្រុងតៃប៉ិ និង ក្រុងប៉េកាំង។
ក្រុងប៉េកាំង តែងតែអះអាងតៃវ៉ាន់ ដែលគ្រប់គ្រងដោយខ្លួនឯង តាមបែបលទ្ធិប្រជាធិបតយ្យ ជាដែនដីរបស់ចិន ហើយថែមទាំងគំរាមកំហែង ពីការប្រើប្រាស់កម្លាំងយោធា ប្រសិនបើក្រុងតៃប៉ិ បានប្រកាសពីឯករាជភាពរបស់ខ្លួន កាត់ផ្ដាច់ចេញពីចិន។ ជាមួយនឹងដំណើរទស្សនកិច្ចរបស់លោកស្រី ណានស៊ី ផេឡូស៊ី (Nancy Pelosi) ប្រធានសភាដ៏មានឥទ្ធិពលរបស់សហរដ្ឋអាមេរិក មកកាន់តៃវ៉ាន់នោះ បានធ្វើឲ្យចិនខឹងសម្បាយ៉ាងខ្លាំង។ ជាការតវ៉ាប្រឆាំងតបវិញនោះ ក្រុងប៉េកាំង បានធ្វើសមយុទ្ធយោធាទ្រង់ទ្រាយធំ មិនធ្លាប់មានពីមុនមក ឡោមព័ទ្ធដែនកោះមួយនេះ រំខានដល់ការដឹកជញ្ជូនទំនិញ ឆ្លងកាត់ដែនសមុទ្រ និង តាមផ្លូវអាកាស នៅតំបន់ទាំងនោះ។
ដំណើរទស្សនកិច្ចរបស់លោកស្រី ណានស៊ី ផេឡូស៊ី (Nancy Pelosi) ប្រធានសភាដ៏មានឥទ្ធិពលរបស់សហរដ្ឋអាមេរិក មកកាន់កោះតៃវ៉ាន់ កាលពីថ្ងៃទី២ ខែសីហា បានធ្វើឲ្យចិនខាងសម្បាយ៉ាងខ្លាំង រហូតបង្កនូវភាពតានតឹងដាក់គ្នា រវាងរដ្ឋាភិបាលក្រុងប៉េកាំង និង ក្រុងវ៉ាស៊ីនតោន ហើយក្រុមហ៊ុនធំៗ គ្រប់គ្រងដោយរដ្ឋចិន ចំនួន៥ ក៏បានសម្រេចដកខ្លួន ចេញពីទីផ្សារភាគហ៊ុន នៅសហរដ្ឋអាមេរិក។
សារព័ត៌មាន Alarabiya News បានចេញផ្សាយ កាលពីថ្ងៃសុក្រ ទី១២ ខែសីហា ថា ក្រុមហ៊ុនធំៗរបស់ចិន ចំនួន៥ រួមមាន ទី១-ក្រុមហ៊ុន Sinopec, ទី២-ក្រុមហ៊ុន PetroChina, ទី៣-ក្រុមហ៊ុនសាជីវកម្មអាលុយមីញ៉ូមចិន ដែលគេស្គាល់ថា Chalco, ទី៤-ក្រុមហ៊ុនធានារាប់រង China Life Insurance និង ក្រុមហ៊ុនបុត្រសម្ព័ន្ធរបស់ Sinopec មានមូលដ្ឋាន នៅទីក្រុងសៀងហៃ ប្រទេសចិន។
ក្រុមហ៊ុនធំៗទាំង៥របស់ចិននេះ កំពុងតែស្ថិតនៅក្នុងបញ្ជី ត្រូវបានបោះផ្សាយ ដោយគណៈកម្មការមូលបត្រសហរដ្ឋអាមេរិក អាចប្រឈមនឹងការដកចេញពី Wall Street ប្រសិនបើក្រុមហ៊ុនទាំងនេះ មិនគោរពតាមតម្រូវការសវនកម្មថ្មី។ ក្រុមហ៊ុនរបស់ចិនទាំងនេះ ក៏បានបញ្ជាក់ នៅក្នុងសេចក្ដីថ្លែងការណ៍ដាច់ដោយឡែកពីគ្នាថា ពួកគេនឹងឈប់ធ្វើពាណិជ្ជកម្ម នៅលើទីផ្សារភាគហ៊ុន NYSE ចាប់ពីដើមខែកញ្ញា ខាងមុខនេះទៅ។
ដោយឡែក ទស្សនាវដ្ដី Fortune បានចេញផ្សាយ កាលពីព្រឹក ថ្ងៃសៅរ៍ ទី១៣ ខែសីហា ថាក្រុមហ៊ុនធំៗបំផុតចំនួន៥ គ្រប់គ្រងដោយរដ្ឋចិន ដែលបានចុះបញ្ជី នៅសហរដ្ឋអាមេរិក មានតម្លៃសរុប៣១៨ពាន់លានដុល្លារ បានប្រកាសថា ពួកគេនឹងដកខ្លួន ចេញពីទីផ្សារភាគហ៊ុន Wall Street ។ ការប្រកាសរបស់ក្រុមហ៊ុនចិនទាំងនេះ បានបង្ហាញពីការបង្កើនល្បឿន នៅក្នុងការកាត់ផ្តាច់ផ្នែកហិរញ្ញវត្ថុ រវាងសហរដ្ឋអាមេរិក និង ចិន ផងដែរ។
គណៈប្រតិភូមួយក្រុម មកពីសមាជិកសភាសហរដ្ឋអាមេរិក ដឹកនាំដោយសមាជិកព្រឹទ្ធសភាអាមេរិក លោក អែដ ម៉ាគី (Ed Markey) និង អមដំណើរ ដោយសមាជិកសភាតំណាងរាស្ត្រសហរដ្ឋអាមេរិក ចំនួន៤នាក់ផ្សេងទៀត បានធ្វើដំណើរ មកបំពេញទស្សនកិច្ច នៅតៃវ៉ាន់ រយៈពេល២ថ្ងៃ។ គណៈប្រតិភូទាំងនេះ ត្រូវរំពឹងថា នឹងជួបពិភាក្សាការងារជាមួយប្រធានាធិបតីតៃវ៉ាន់ លោកស្រី សៃ អ៊ីងវ៉ិន នៅថ្ងៃចន្ទ នេះ។
ក្រុងប៉េកាំង បានឆ្លើយតបវិញថា តៃវ៉ាន់ គ្រាន់តែជាខេត្តមួយរបស់ចិន ដូច្នេះគណៈប្រតិភូ មកពីសភាសហរដ្ឋអាមេរិក គួរតែធ្វើសកម្មភាពទាំងឡាយណា ស្របតាមគោលនយោបាយចិនតែមួយ។ ចំណែក ដំណើរទស្សនកិច្ចនេះ កំពុងតែបង្ហាញយ៉ាងច្បាស់ថា សហរដ្ឋអាមេរិក មិនចង់ឃើញស្ថិរភាព នៅតំបន់ច្រកសមុទ្រតៃវ៉ាន់ ក៏ដូចជាមិនចង់បន្ធូរបន្ថយ នៅក្នុងការប្រឈមមុខដាក់គ្នា រវាងប្រទេសមហាអំណាចទាំង២ តាមរយៈការលូកលាន់ចូលកិច្ចការផ្ទៃក្នុងរបស់ចិន។
ដោយឡែក សេតវិមាន បានអះអាងថា សមាជិកសភាសហរដ្ឋអាមេរិក ធ្លាប់ធ្វើដំណើរ ទៅកាន់តៃវ៉ាន់ អស់រយៈពេលជាច្រើនទសវត្សរ៍កន្លងមកហើយ ដូច្នេះសមាជិកសភា នឹងបន្តធ្វើបែបនេះ ព្រោះវាស្របតាមគោលនយោបាយចិនតែមួយរបស់សហរដ្ឋអាមេរិក ផងដែរ៕