រដ្ឋធានីណៃពិដោរ៖ រហូតមកដល់ពេលនេះ ក្រុមមន្ដ្រីការទូតរបស់បស្ចិមលោក បានមើលខើញថា មេដឹកនាំរបបសឹកមីយ៉ាន់ម៉ា កំពុងតែបំភិតបំភ័យក្រុមអ្នកអ្នកប្រឆាំង ហើយបណ្ដេញមេទ័ពកំពូលៗច្រើន ដើម្បីបង្រួមអំណាច និង បង្កើតរបបបក្ខពួកនិយម នៅក្នុងប្រទេសអាស៊ានមួយនេះ។
សារព័ត៌មាន Al Jazeera បានចេញផ្សាយ កាលពីព្រឹក ថ្ងៃពុធ ទី១៧ ខែសីហា ថា ដោយសារតែការបរាជ័យ នៅក្នុងការបង្ក្រាប ទៅលើចលនាតស៊ូប្រឆាំង នៅទូទាំងប្រទេសមីយ៉ាន់ម៉ា នោះមក លោកឧត្ដមសេនីយ៍ មីន អ៊ោងហ្លាង (Min Aung Hlaing) មេដឹកនាំរបបយោធា នៅក្នុងប្រទេសអាស៊ានមួយនេះ កំពុងតែងាកទៅរកវិធានការ អស់សង្ឃឹម កាន់តែខ្លាំងឡើង សម្រាប់ការកាន់អំណាចរបស់ខ្លួន ដោយថែមទាំងបានបណ្តេញរដ្ឋមន្ត្រីជាន់ខ្ពស់ មន្ត្រីយោធា និង បោសសម្អាតនៅក្នុងក្រុមបក្ខពួកនិយម។
មេទ័ពជើងទឹកកំពូលមីយ៉ាន់ម៉ា និង ប្រមុខកងទ័ពអាកាសមីយ៉ាន់ម៉ា ស្ថិតក្នុងចំណោមមន្ដ្រីជាន់ខ្ពស់យោធារបស់របបសឹកមួយនេះ ត្រូវបាត់បង់តំណែងរបស់ពួកគេ ខណៈលោកឧត្ដមសេនីយ៍ Min Aung Hlaing កំពុងតែស្វែងរកការបង្រួបបង្រួមតំណែងរបស់គាត់ ចំពេលមានការតស៊ូប្រដាប់អាវុធ កំពុងតែបន្ត ប្រឆាំងនឹងរបបគ្រប់គ្រងផ្ដាច់ការរបស់គាត់ រួមទាំង ក្រុមប្រដាប់អាវុធជនជាតិភាគតិច នៅតាមព្រំដែន កើតចេញពីប្រជាជន ងើបបះបោរឡើង។
ក្រោយការធ្លាក់ចុះសេដ្ឋកិច្ច ជិត២០ភាគរយ នៅឆ្នាំមុន ក្រោយការធ្វើរដ្ឋប្រហារយោធា នាថ្ងៃទី១ ខែកុម្ភៈ ឆ្នាំ២០២១ នោះ ធនាគារពិភពលោក បានព្យាករ អំពីកំណើនសេដ្ឋកិច្ចរបស់មីយ៉ាន់ម៉ាន កើនដល់៣ភាគរយ នៅឆ្នាំនេះ ប៉ុន្ដែក៏បានព្រមាន អំពី«ហានិភ័យច្រើន» ផងដែរ។
ក្រុមអ្នកការទូតបស្ចិមលោក ប្រចាំនៅទីក្រុង Yangon បានប្រាប់ដល់សារព័ត៌មាន Al Jazeera ថា «នៅពេលរដ្ឋាភិបាលសឹកមីយ៉ាន់ម៉ា ចាប់ផ្តើមបណ្តេញក្រុមមន្ដ្រីជាន់ខ្ពស់របស់ខ្លួន ហើយបង្កើតរបបបក្ខពួកនិយម កំពុងតែបង្ហាញថា រដ្ឋាភិបាលនេះ ស្ថិតក្នុងភាពផុយស្រួយខ្លាំង ហើយការដឹកនាំរបស់របបសឹកមីយ៉ាន់ម៉ា កំពុងតែកើតអសន្តិសុខ។ ដោយឡែក អាទិភាពចម្បងរបស់របបគ្រប់គ្រងនេះ អាចរស់រានមានជីវិតទៅបាន ក៏នៅក្នុងតម្លៃណានោះដែរ។ របបយោធានេះ បានផ្តល់អន្តរាគមន៍ផ្នែកសេដ្ឋកិច្ច ប្រកបដោយគ្រោះថ្នាក់ ហើយសកម្មភាពនេះ នឹងបង្ហាញឱ្យឃើញថា មីយ៉ាន់ម៉ា និង ប្រជាជនរបស់ខ្លួន កំពុងតែប្រឈមមុខនឹងបញ្ហា»។
របបយោធាមីយ៉ាន់ម៉ា កាលពីថ្ងៃទី២៥ ខែកក្កដា ឆ្នាំ២០២២ បានកាត់ទោសប្រហារជីវិតសកម្មជន ចំនួន៤នាក់ នៅក្នុងទង្វើមួយ បង្កឲ្យមានការផ្ទុះកំហឹង មកពីជុំវិញពិភពលោក។
លោក ឡាអេទីទៀ វ៉ាន់ដេន អាសស៊ុម (Laetitia van den Assum) អតីតឯកអគ្គរាជទូតហូល្លង់ដ៍ ប្រចាំនៅប្រទេសមីយ៉ាន់ម៉ា បានសង្កត់ធ្ងន់ថា ការកាត់ទោសប្រហារជីវិតនេះ បង្ហាញថា រដ្ឋាភិបាលយោធាមីយ៉ាន់ម៉ា បានទាត់ចោលនូវកិច្ចសន្ទនាណាមួយ អំពីអនាគតរបស់មីយ៉ាន់ម៉ា លុះត្រាតែមានលក្ខខណ្ឌផ្ទាល់ខ្លួន។
លោក ម៉ាតធូ អាណូលដ៍ (Matthew Arnold) អ្នកវិភាគគោលលនយោបាយ បានមើលឃើញថា លោកឧត្ដមសេនីយ៍ មីន អ៊ោងហ្លាង (Min Aung Hlaing) មេដឹកនាំរបបយោធាមីយ៉ាន់ម៉ បានផ្ញើសារថា គាត់ត្រៀមខ្លួនរួចជាស្រេច សម្រាប់ការប្រើប្រាស់នូវអំពើហិង្សាបន្ថែមទៀត។
អ្នកវិភាគគោលនយោបាយរូបនេះ បានសង្កត់ធ្ងន់ថា «ដោយមិនបានគិត អំពីរចនាសម្ព័ន្ធ ពិធីការ និង រដ្ឋធម្មនុញ្ញ នោះ លោកឧត្ដមសេនីយ៍ Min Aung Hlaing គ្រាន់តែបង្រួបបង្រួមអំណាច ជាមួយក្រុមអ្នកស្មោះត្រង់របស់គាត់តែប៉ុណ្ណោះ។ គាត់មិនចាំបាច់ឲ្យមានភាពស៊ីសង្វាក់គ្នាណាមួយ សម្រាប់រចនាសម្ព័ន្ធទាំងមូលទេ ដរាបណា សកម្មភាពណាមួយ ធានាថា គាត់នៅតែជាប្រមុខ តួនាទីរបស់គាត់ នៅជាជាឧត្តមសេនីយ៍កំពូលផុតលេខ។ ចំណែកការកាត់ទោសប្រហារជីវិត គឺទាំង២នេះ មានន័យ សម្រាប់ការបំភិតបំភ័យដល់សាធារណជនមីយ៉ាន់ម៉ា ប៉ុន្ដែក៏សម្រាប់លោកឧត្ដមសេនីយ៍ ដើម្បីបង្ហាញដល់ប្រជាជាតិរបស់គាត់ ជាពិសេស ដល់ក្រុមអ្នករឹងរូស ប្រឆាំងនឹងបញ្ហាសន្ដិសុខទូទៅ ដំណោះស្រាយ និង ចេតនារបស់គាត់ ដើម្បីប្រើប្រាស់នូវអំពើហិង្សា»៕
សារព័ត៌មាន Al Jazeera បានចេញផ្សាយ កាលពីព្រឹក ថ្ងៃពុធ ទី១៧ ខែសីហា ថា ដោយសារតែការបរាជ័យ នៅក្នុងការបង្ក្រាប ទៅលើចលនាតស៊ូប្រឆាំង នៅទូទាំងប្រទេសមីយ៉ាន់ម៉ា នោះមក លោកឧត្ដមសេនីយ៍ មីន អ៊ោងហ្លាង (Min Aung Hlaing) មេដឹកនាំរបបយោធា នៅក្នុងប្រទេសអាស៊ានមួយនេះ កំពុងតែងាកទៅរកវិធានការ អស់សង្ឃឹម កាន់តែខ្លាំងឡើង សម្រាប់ការកាន់អំណាចរបស់ខ្លួន ដោយថែមទាំងបានបណ្តេញរដ្ឋមន្ត្រីជាន់ខ្ពស់ មន្ត្រីយោធា និង បោសសម្អាតនៅក្នុងក្រុមបក្ខពួកនិយម។
មេទ័ពជើងទឹកកំពូលមីយ៉ាន់ម៉ា និង ប្រមុខកងទ័ពអាកាសមីយ៉ាន់ម៉ា ស្ថិតក្នុងចំណោមមន្ដ្រីជាន់ខ្ពស់យោធារបស់របបសឹកមួយនេះ ត្រូវបាត់បង់តំណែងរបស់ពួកគេ ខណៈលោកឧត្ដមសេនីយ៍ Min Aung Hlaing កំពុងតែស្វែងរកការបង្រួបបង្រួមតំណែងរបស់គាត់ ចំពេលមានការតស៊ូប្រដាប់អាវុធ កំពុងតែបន្ត ប្រឆាំងនឹងរបបគ្រប់គ្រងផ្ដាច់ការរបស់គាត់ រួមទាំង ក្រុមប្រដាប់អាវុធជនជាតិភាគតិច នៅតាមព្រំដែន កើតចេញពីប្រជាជន ងើបបះបោរឡើង។
ក្រោយការធ្លាក់ចុះសេដ្ឋកិច្ច ជិត២០ភាគរយ នៅឆ្នាំមុន ក្រោយការធ្វើរដ្ឋប្រហារយោធា នាថ្ងៃទី១ ខែកុម្ភៈ ឆ្នាំ២០២១ នោះ ធនាគារពិភពលោក បានព្យាករ អំពីកំណើនសេដ្ឋកិច្ចរបស់មីយ៉ាន់ម៉ាន កើនដល់៣ភាគរយ នៅឆ្នាំនេះ ប៉ុន្ដែក៏បានព្រមាន អំពី«ហានិភ័យច្រើន» ផងដែរ។
ក្រុមអ្នកការទូតបស្ចិមលោក ប្រចាំនៅទីក្រុង Yangon បានប្រាប់ដល់សារព័ត៌មាន Al Jazeera ថា «នៅពេលរដ្ឋាភិបាលសឹកមីយ៉ាន់ម៉ា ចាប់ផ្តើមបណ្តេញក្រុមមន្ដ្រីជាន់ខ្ពស់របស់ខ្លួន ហើយបង្កើតរបបបក្ខពួកនិយម កំពុងតែបង្ហាញថា រដ្ឋាភិបាលនេះ ស្ថិតក្នុងភាពផុយស្រួយខ្លាំង ហើយការដឹកនាំរបស់របបសឹកមីយ៉ាន់ម៉ា កំពុងតែកើតអសន្តិសុខ។ ដោយឡែក អាទិភាពចម្បងរបស់របបគ្រប់គ្រងនេះ អាចរស់រានមានជីវិតទៅបាន ក៏នៅក្នុងតម្លៃណានោះដែរ។ របបយោធានេះ បានផ្តល់អន្តរាគមន៍ផ្នែកសេដ្ឋកិច្ច ប្រកបដោយគ្រោះថ្នាក់ ហើយសកម្មភាពនេះ នឹងបង្ហាញឱ្យឃើញថា មីយ៉ាន់ម៉ា និង ប្រជាជនរបស់ខ្លួន កំពុងតែប្រឈមមុខនឹងបញ្ហា»។
របបយោធាមីយ៉ាន់ម៉ា កាលពីថ្ងៃទី២៥ ខែកក្កដា ឆ្នាំ២០២២ បានកាត់ទោសប្រហារជីវិតសកម្មជន ចំនួន៤នាក់ នៅក្នុងទង្វើមួយ បង្កឲ្យមានការផ្ទុះកំហឹង មកពីជុំវិញពិភពលោក។
លោក ឡាអេទីទៀ វ៉ាន់ដេន អាសស៊ុម (Laetitia van den Assum) អតីតឯកអគ្គរាជទូតហូល្លង់ដ៍ ប្រចាំនៅប្រទេសមីយ៉ាន់ម៉ា បានសង្កត់ធ្ងន់ថា ការកាត់ទោសប្រហារជីវិតនេះ បង្ហាញថា រដ្ឋាភិបាលយោធាមីយ៉ាន់ម៉ា បានទាត់ចោលនូវកិច្ចសន្ទនាណាមួយ អំពីអនាគតរបស់មីយ៉ាន់ម៉ា លុះត្រាតែមានលក្ខខណ្ឌផ្ទាល់ខ្លួន។
លោក ម៉ាតធូ អាណូលដ៍ (Matthew Arnold) អ្នកវិភាគគោលលនយោបាយ បានមើលឃើញថា លោកឧត្ដមសេនីយ៍ មីន អ៊ោងហ្លាង (Min Aung Hlaing) មេដឹកនាំរបបយោធាមីយ៉ាន់ម៉ បានផ្ញើសារថា គាត់ត្រៀមខ្លួនរួចជាស្រេច សម្រាប់ការប្រើប្រាស់នូវអំពើហិង្សាបន្ថែមទៀត។
អ្នកវិភាគគោលនយោបាយរូបនេះ បានសង្កត់ធ្ងន់ថា «ដោយមិនបានគិត អំពីរចនាសម្ព័ន្ធ ពិធីការ និង រដ្ឋធម្មនុញ្ញ នោះ លោកឧត្ដមសេនីយ៍ Min Aung Hlaing គ្រាន់តែបង្រួបបង្រួមអំណាច ជាមួយក្រុមអ្នកស្មោះត្រង់របស់គាត់តែប៉ុណ្ណោះ។ គាត់មិនចាំបាច់ឲ្យមានភាពស៊ីសង្វាក់គ្នាណាមួយ សម្រាប់រចនាសម្ព័ន្ធទាំងមូលទេ ដរាបណា សកម្មភាពណាមួយ ធានាថា គាត់នៅតែជាប្រមុខ តួនាទីរបស់គាត់ នៅជាជាឧត្តមសេនីយ៍កំពូលផុតលេខ។ ចំណែកការកាត់ទោសប្រហារជីវិត គឺទាំង២នេះ មានន័យ សម្រាប់ការបំភិតបំភ័យដល់សាធារណជនមីយ៉ាន់ម៉ា ប៉ុន្ដែក៏សម្រាប់លោកឧត្ដមសេនីយ៍ ដើម្បីបង្ហាញដល់ប្រជាជាតិរបស់គាត់ ជាពិសេស ដល់ក្រុមអ្នករឹងរូស ប្រឆាំងនឹងបញ្ហាសន្ដិសុខទូទៅ ដំណោះស្រាយ និង ចេតនារបស់គាត់ ដើម្បីប្រើប្រាស់នូវអំពើហិង្សា»៕
