ទីក្រុងតៃប៉ិ៖ ស្របពេលស្ថានភាពកំពុងតែឡើងកម្ដៅ ក្រោយពេលលោកស្រី ណានស៊ី ផេឡូស៊ី ប្រធានសភាសហរដ្ឋអាមេរិក បានធ្វើដំណើរទៅបំពេញទស្សនកិច្ច នៅទីក្រុងតៃប៉ិ កាលពីដើមខែសីហានោះមក ក្រុងវ៉ាស៊ីនតោន និង សម្ពន្ធមិត្ដ បានសង្កត់ធ្ងន់ ទៅលើស្ថិរភាព នៅច្រកសមុទ្រតៃវ៉ាន់ ព្រោះវាជាផ្លូវដឹកជញ្ជូនដ៏សំខាន់មួយរបស់ពិភពលោក។
សារព័ត៌មាន Taiwan News បានចេញផ្សាយ កាលពីព្រឹក ថ្ងៃអង្គារ ទី២៣ ខែសីហា ថា លោក ណែដ ប្រាយស៍ (Ned Price) អ្នកនាំពាក្យ ក្រសួងការបរទេសសហរដ្ឋអាមេរិក បានថ្លែង កាលពីថ្ងៃចន្ទ ថា សហរដ្ឋអាមេរិក កូរ៉េខាងត្បូង និង សម្ពន្ធមិត្តដទៃទៀត បានចែករំលែកតម្លៃ និង ផលប្រយោជន៍ជាច្រើន ឲ្យគ្នាទៅវិញទៅមក ដោយរួមទាំងស្ថិរភាព នៅច្រកសមុទ្រតៃវ៉ាន់។ ដោយឡែក ការប៉ុនប៉ងគ្រប់គ្រងរបស់ក្រុងប៉េកាំង កាលពីពេលថ្មីៗនេះ នៅក្នុងធ្វើឱ្យខូចខាតដល់ស្ថិរភាពច្រកសមុទ្រ និង ស្ថានភាពបច្ចុប្បន្ន នៅច្រកសមុទ្រតៃវ៉ាន់ នឹងក្លាយជាប្រធានបទ សម្រាប់ការពិភាក្សា នាពេលនេះ រវាងសហរដ្ឋអាមេរិក ជប៉ុន និង កូរ៉េខាងត្បូង។ ប៉ុន្ដែអ្វីដែលសហរដ្ឋអាមេរិក និង សម្ពន្ធមិត្ត ចង់បំផុត គឺការរក្សាស្ថានភាពបច្ចុប្បន្ន ឲ្យនៅដដែល និង ស្ថិរភាព នៅច្រកសមុទ្រតៃវ៉ាន់។
សារព័ត៌មានតៃវ៉ាន់ United Daily News បានរាយការណ៍ថា អ្នកនាំពាក្យ ក្រសួងការបរទេសសហរដ្ឋអាមេរិក បានសង្កត់ធ្ងន់ ថា ច្រកសមុទ្រតៃវ៉ាន់ ក្លាយជាផ្លូវដឹកទំនិញដ៏សំខាន់មួយ នៅលើពិភពលោក ហើយនាវាពាណិជ្ជកម្មជាច្រើនរបស់សកលលោក បានឆ្លងកាត់ច្រកសមុទ្រនេះ អស់រយៈពេល៤០ឆ្នាំកន្លងមកនេះហើយ។ ដោយសារតែសហរដ្ឋអាមេរិកយល់អំពីសារៈសំខាន់ នៃច្រកសមុទ្រតៃវ៉ាន់ មិនត្រឹមតែបម្រើផលប្រយោជន៍ សម្រាប់តៃវ៉ាន់ប៉ុណ្ណោះទេ ប៉ុន្តែវាថែមទាំងបម្រើផលប្រយោជន៍ ដល់ប្រទេសក្នុងតំបន់ និង ប្រទេសពាក់ព័ន្ធផ្សេងៗទៀត ទើបក្រុងវ៉ាស៊ីនតោន និង សម្ពន្ធមិត្ត នៅក្នុងតំបន់ តែងតែក្រោកឈរឡើង ដើម្បីការពារ និងរក្សាស្ថានភាពបច្ចុប្បន្នឲ្យនៅដដែល។
អ្នកនាំពាក្យ រូបនេះ បានគូសបញ្ជាក់ថា រដ្ឋមន្ត្រីក្រសួងការបរទេសសហរដ្ឋអាមេរិក លោក អេនតូនី ប្ល៊ីនខែន (Antony Blinken) កាលពីថ្ងៃទី១៩ ខែសីហា កន្លងទៅថ្មីៗនេះ បាននិយាយជាមួយសមភាគីកូរ៉េខាងត្បូង លោក ប៉ាក ជិន (Park Jin) ស្ដីអំពីកិច្ចពិភាក្សា លើការបន្តកិច្ចសហប្រតិបត្តិការទ្វេភាគី នៅក្នុងការដោះស្រាយបញ្ហាប្រឈមជាសកល។ ប្រមុខការទូតទាំង២ ក៏បានចែករំលែកទស្សនៈគ្នា ស្តីពីសារៈសំខាន់នៃការធ្វើការរួមគ្នា ដើម្បីរក្សាសណ្តាប់ធ្នាប់ និង ស្ថិរភាពអន្តរជាតិ នៅច្រកសមុទ្រតៃវ៉ាន់ និង តំបន់ផ្សេងៗទៀត នៅឥណ្ឌូ-ប៉ាស៊ីហ្វិក។ ជាមួយគ្នានេះដែរ សហរដ្ឋអាមេរិក នៅតែបន្ដការប្ដេជ្ញាចិត្តរបស់ខ្លួន នៅក្នុងការការពារដល់ប្រទេសកូរ៉េខាងត្បូង និង ជប៉ុន ដដែល៕
សារព័ត៌មាន Taiwan News បានចេញផ្សាយ កាលពីព្រឹក ថ្ងៃអង្គារ ទី២៣ ខែសីហា ថា លោក ណែដ ប្រាយស៍ (Ned Price) អ្នកនាំពាក្យ ក្រសួងការបរទេសសហរដ្ឋអាមេរិក បានថ្លែង កាលពីថ្ងៃចន្ទ ថា សហរដ្ឋអាមេរិក កូរ៉េខាងត្បូង និង សម្ពន្ធមិត្តដទៃទៀត បានចែករំលែកតម្លៃ និង ផលប្រយោជន៍ជាច្រើន ឲ្យគ្នាទៅវិញទៅមក ដោយរួមទាំងស្ថិរភាព នៅច្រកសមុទ្រតៃវ៉ាន់។ ដោយឡែក ការប៉ុនប៉ងគ្រប់គ្រងរបស់ក្រុងប៉េកាំង កាលពីពេលថ្មីៗនេះ នៅក្នុងធ្វើឱ្យខូចខាតដល់ស្ថិរភាពច្រកសមុទ្រ និង ស្ថានភាពបច្ចុប្បន្ន នៅច្រកសមុទ្រតៃវ៉ាន់ នឹងក្លាយជាប្រធានបទ សម្រាប់ការពិភាក្សា នាពេលនេះ រវាងសហរដ្ឋអាមេរិក ជប៉ុន និង កូរ៉េខាងត្បូង។ ប៉ុន្ដែអ្វីដែលសហរដ្ឋអាមេរិក និង សម្ពន្ធមិត្ត ចង់បំផុត គឺការរក្សាស្ថានភាពបច្ចុប្បន្ន ឲ្យនៅដដែល និង ស្ថិរភាព នៅច្រកសមុទ្រតៃវ៉ាន់។
សារព័ត៌មានតៃវ៉ាន់ United Daily News បានរាយការណ៍ថា អ្នកនាំពាក្យ ក្រសួងការបរទេសសហរដ្ឋអាមេរិក បានសង្កត់ធ្ងន់ ថា ច្រកសមុទ្រតៃវ៉ាន់ ក្លាយជាផ្លូវដឹកទំនិញដ៏សំខាន់មួយ នៅលើពិភពលោក ហើយនាវាពាណិជ្ជកម្មជាច្រើនរបស់សកលលោក បានឆ្លងកាត់ច្រកសមុទ្រនេះ អស់រយៈពេល៤០ឆ្នាំកន្លងមកនេះហើយ។ ដោយសារតែសហរដ្ឋអាមេរិកយល់អំពីសារៈសំខាន់ នៃច្រកសមុទ្រតៃវ៉ាន់ មិនត្រឹមតែបម្រើផលប្រយោជន៍ សម្រាប់តៃវ៉ាន់ប៉ុណ្ណោះទេ ប៉ុន្តែវាថែមទាំងបម្រើផលប្រយោជន៍ ដល់ប្រទេសក្នុងតំបន់ និង ប្រទេសពាក់ព័ន្ធផ្សេងៗទៀត ទើបក្រុងវ៉ាស៊ីនតោន និង សម្ពន្ធមិត្ត នៅក្នុងតំបន់ តែងតែក្រោកឈរឡើង ដើម្បីការពារ និងរក្សាស្ថានភាពបច្ចុប្បន្នឲ្យនៅដដែល។
អ្នកនាំពាក្យ រូបនេះ បានគូសបញ្ជាក់ថា រដ្ឋមន្ត្រីក្រសួងការបរទេសសហរដ្ឋអាមេរិក លោក អេនតូនី ប្ល៊ីនខែន (Antony Blinken) កាលពីថ្ងៃទី១៩ ខែសីហា កន្លងទៅថ្មីៗនេះ បាននិយាយជាមួយសមភាគីកូរ៉េខាងត្បូង លោក ប៉ាក ជិន (Park Jin) ស្ដីអំពីកិច្ចពិភាក្សា លើការបន្តកិច្ចសហប្រតិបត្តិការទ្វេភាគី នៅក្នុងការដោះស្រាយបញ្ហាប្រឈមជាសកល។ ប្រមុខការទូតទាំង២ ក៏បានចែករំលែកទស្សនៈគ្នា ស្តីពីសារៈសំខាន់នៃការធ្វើការរួមគ្នា ដើម្បីរក្សាសណ្តាប់ធ្នាប់ និង ស្ថិរភាពអន្តរជាតិ នៅច្រកសមុទ្រតៃវ៉ាន់ និង តំបន់ផ្សេងៗទៀត នៅឥណ្ឌូ-ប៉ាស៊ីហ្វិក។ ជាមួយគ្នានេះដែរ សហរដ្ឋអាមេរិក នៅតែបន្ដការប្ដេជ្ញាចិត្តរបស់ខ្លួន នៅក្នុងការការពារដល់ប្រទេសកូរ៉េខាងត្បូង និង ជប៉ុន ដដែល៕