រាជធានីបាងកក៖ ស្របពេលតុលាការធម្មនុញ្ញថៃកំពុងតែពិចារណាលើអាណត្ដិ រយៈពេល៨ឆ្នាំរបស់លោក ប្រាយុទ្ធ ចាន់អូចា នាយករដ្ឋមន្ដ្រីនោះ សភាជាតិបានអនុម័តលើកញ្ចប់ថវិកាឆ្នាំសារពើពន្ធ ២០២៣ ហើយនេះជាជ័យជម្នះថ្មីមួយសម្រាប់គាត់ក្រោយពលឆ្លងផុតពីការបោះឆ្នោតដកសេចក្ដីទុកចិត្ដលើការគ្រប់គ្រងសេដ្ឋកិច្ច មិនបានល្អកាលពីខែកក្កដា។
សារព័ត៌មាន The Straits Times បានចេញផ្សាយ កាលពីព្រឹក ថ្ងៃពុធ ទី២៤ ខែសីហា ថា រដ្ឋសភា កាលពីថ្ងៃអង្គារ បានអនុម័តនូវកញ្ចប់ថវិកាប្រចាំឆ្នាំ ចំនួន ៣,១៩ពាន់ពាន់លានបាត (លុយថៃ) ឬស្មើនឹងប្រហែល ជាង ៨៨,០៥៨ពាន់លានដុល្លារសហរដ្ឋអាមេរិក សម្រាប់ឆ្នាំសារពើពន្ធ ២០២៣។ ការអនុម័តកញ្ចប់ថវិកាឆ្នាំសារពើពន្ធរបស់សភាថៃ នាពេលនេះ ហាក់បីដូចជា ការប្រគល់ជ័យជម្នះថ្មីមួយបន្ថែមទៀត ជូនដល់នាយករដ្ឋមន្ត្រី លោក ប្រាយុទ្ធ ចាន់អូចា (Prayut Chan-o-cha) ដែលបានរួចផុត ពីការបោះឆ្នោត ដកសេចក្ដីមិនទុកចិត្ត កាលពីខែកក្កដា ក្រោយពេលគណបក្សប្រឆាំង បានចោទប្រកាន់គាត់ អំពីការគ្រប់គ្រងសេដ្ឋកិច្ច មិនត្រឹមត្រូវ។
ផែនការចំណាយថវិកាជាតិ សម្រាប់ឆ្នាំ២០២៣ នេះ ក៏រាប់រួមបញ្ចូលទាំងឱនភាព ចំនួន ៦៩៥ពាន់លានបាត ឬស្មើនឹងជាង ១៩,១៨៥ពាន់លានដុល្លារសហរដ្ឋអាមេរិក សម្រាប់ឆ្នាំសារពើពន្ធ ដែលនឹងចាប់ផ្តើម ពីថ្ងៃទី១ ខែតុលា ដោយបានទទួលសំឡេងគាំទ្រ ពីសភាជាន់ទាប ដែលមានចំនួន៥០០អាសនៈ នៅក្នុងអំឡុងបោះឆ្នោតចុងក្រោយ។ ខណៈសមាជិកសភា សរុប ចំនួន២៥៨បានបោះឆ្នោតគាំទ្រ និង សមាជិកសភាចំនួន១៨០ បានបោះឆ្នោតប្រឆាំង ក្រោយការជជែកដេញដោលគ្នា នៅក្នុងរដ្ឋសភា អស់រយៈពេលប្រាំថ្ងៃកន្លងមក។ ក្រោយសភាជាន់ទាបអនុម័តលើកញ្ចប់ថវិកាជាតិនេះរួច នឹងបញ្ជូនទៅកាន់ព្រឹទ្ធសភា សម្រាប់ការពិភាក្សា និង អនុម័ត នៅក្នុងរយៈពេល២០ថ្ងៃ។
លោកឧត្ដមសេនីយ៍ Prayut Chan-o-cha និង រដ្ឋាភិបាលរបស់គាត់ បានរងនូវការរិះគន់យ៉ាងខ្លាំង ខណៈរដ្ឋាភិបាលកំពុងតែពុះពារនឹងការស្តារសេដ្ឋកិច្ច ដែលរងការរាតត្បាត ពីជំងឺកូវីដ-១៩។ បច្ចុប្បន្ន សេដ្ឋកិច្ចរបស់ប្រទេសថៃ ត្រូវគេមើលឃើញថា កំពុងតែរីកចម្រើនយឺតយ៉ាវ ជាងបណ្ដាប្រជាជាតិអាស៊ាន ដោយសារអតិផរណាកើនឡើង ក្នុងកម្រិតខ្ពស់បំផុត នៅក្នុងរយៈពេល ១៤ឆ្នាំកន្លងមកនេះ។
លោកឧត្ដមសេនីយ៍ ប្រាយុទ្ធ ចាន់អូចា ជាមេដឹកនាំរបបយោធា ក្រោយការធ្វើរដ្ឋប្រហារយោធា នាឆ្នាំ២០១៤ ហើយបន្តធ្វើជានាយករដ្ឋមន្ត្រីស៊ីវិល បន្ទាប់ពីការបោះឆ្នោត នៅឆ្នាំ ២០១៩។ បច្ចុប្បន្ន គាត់កំពុងតែប្រឈមមុខនឹងសេចក្តីសម្រេចរបស់តុលាការធម្មនុញ្ញ ស្តីពីសិទ្ធិរបស់គាត់ នៅក្នុងការបន្តកាន់តំណែង ជានាយករដ្ឋមន្ដ្រី។
គណបក្សប្រឆាំងរបស់ប្រទេសថៃ បានអះអាងថា លោក ប្រាយុទ្ធ បានកាន់តំណែង ជានាយករដ្ឋមន្ដ្រី អស់រយៈពេល៨ឆ្នាំ ត្រឹមពីថ្ងៃអង្គារ ទី២៣ ខែសីហា ឆ្នាំ២០២២ ស្របតាមការកំណត់ នៅក្នុងរដ្ឋធម្មនុញ្ញរបស់ប្រទេសថៃ ដែលត្រូវឲ្យបុគ្គលម្នាក់ កាន់តំណែងជានាយករដ្ឋមន្ដ្រី ត្រឹមតែរយៈពេល៨ឆ្នាំ។ គណបក្សប្រឆាំង បានដាក់ញត្ដិ ស្វែងរកសេចក្តីសម្រេច ពីតុលាការធម្មនុញ្ញថៃ ដើម្បីបញ្ចប់អាណត្ដិរបស់លោក ប្រាយុទ្ធ។
ជាមួយគ្នានេះដែរ ក្រុមបាតុករយ៉ាងតិច ចំនួន៣ក្រុមផ្សេងគ្នា បានធ្វើបាតុកម្ម ទាមទារឲ្យលោកនាយករដ្ឋមន្ដ្រី ចុះចេញពីតំណែង។ បច្ចុប្បន្ន លោក ប្រាយុទ្ធ ចាន់អូចា កំពុងតែរងសម្ពាធនយោបាយ កាន់តែខ្លាំងឡើងបន្ថែមទៀត៕
សារព័ត៌មាន The Straits Times បានចេញផ្សាយ កាលពីព្រឹក ថ្ងៃពុធ ទី២៤ ខែសីហា ថា រដ្ឋសភា កាលពីថ្ងៃអង្គារ បានអនុម័តនូវកញ្ចប់ថវិកាប្រចាំឆ្នាំ ចំនួន ៣,១៩ពាន់ពាន់លានបាត (លុយថៃ) ឬស្មើនឹងប្រហែល ជាង ៨៨,០៥៨ពាន់លានដុល្លារសហរដ្ឋអាមេរិក សម្រាប់ឆ្នាំសារពើពន្ធ ២០២៣។ ការអនុម័តកញ្ចប់ថវិកាឆ្នាំសារពើពន្ធរបស់សភាថៃ នាពេលនេះ ហាក់បីដូចជា ការប្រគល់ជ័យជម្នះថ្មីមួយបន្ថែមទៀត ជូនដល់នាយករដ្ឋមន្ត្រី លោក ប្រាយុទ្ធ ចាន់អូចា (Prayut Chan-o-cha) ដែលបានរួចផុត ពីការបោះឆ្នោត ដកសេចក្ដីមិនទុកចិត្ត កាលពីខែកក្កដា ក្រោយពេលគណបក្សប្រឆាំង បានចោទប្រកាន់គាត់ អំពីការគ្រប់គ្រងសេដ្ឋកិច្ច មិនត្រឹមត្រូវ។
ផែនការចំណាយថវិកាជាតិ សម្រាប់ឆ្នាំ២០២៣ នេះ ក៏រាប់រួមបញ្ចូលទាំងឱនភាព ចំនួន ៦៩៥ពាន់លានបាត ឬស្មើនឹងជាង ១៩,១៨៥ពាន់លានដុល្លារសហរដ្ឋអាមេរិក សម្រាប់ឆ្នាំសារពើពន្ធ ដែលនឹងចាប់ផ្តើម ពីថ្ងៃទី១ ខែតុលា ដោយបានទទួលសំឡេងគាំទ្រ ពីសភាជាន់ទាប ដែលមានចំនួន៥០០អាសនៈ នៅក្នុងអំឡុងបោះឆ្នោតចុងក្រោយ។ ខណៈសមាជិកសភា សរុប ចំនួន២៥៨បានបោះឆ្នោតគាំទ្រ និង សមាជិកសភាចំនួន១៨០ បានបោះឆ្នោតប្រឆាំង ក្រោយការជជែកដេញដោលគ្នា នៅក្នុងរដ្ឋសភា អស់រយៈពេលប្រាំថ្ងៃកន្លងមក។ ក្រោយសភាជាន់ទាបអនុម័តលើកញ្ចប់ថវិកាជាតិនេះរួច នឹងបញ្ជូនទៅកាន់ព្រឹទ្ធសភា សម្រាប់ការពិភាក្សា និង អនុម័ត នៅក្នុងរយៈពេល២០ថ្ងៃ។
លោកឧត្ដមសេនីយ៍ Prayut Chan-o-cha និង រដ្ឋាភិបាលរបស់គាត់ បានរងនូវការរិះគន់យ៉ាងខ្លាំង ខណៈរដ្ឋាភិបាលកំពុងតែពុះពារនឹងការស្តារសេដ្ឋកិច្ច ដែលរងការរាតត្បាត ពីជំងឺកូវីដ-១៩។ បច្ចុប្បន្ន សេដ្ឋកិច្ចរបស់ប្រទេសថៃ ត្រូវគេមើលឃើញថា កំពុងតែរីកចម្រើនយឺតយ៉ាវ ជាងបណ្ដាប្រជាជាតិអាស៊ាន ដោយសារអតិផរណាកើនឡើង ក្នុងកម្រិតខ្ពស់បំផុត នៅក្នុងរយៈពេល ១៤ឆ្នាំកន្លងមកនេះ។
លោកឧត្ដមសេនីយ៍ ប្រាយុទ្ធ ចាន់អូចា ជាមេដឹកនាំរបបយោធា ក្រោយការធ្វើរដ្ឋប្រហារយោធា នាឆ្នាំ២០១៤ ហើយបន្តធ្វើជានាយករដ្ឋមន្ត្រីស៊ីវិល បន្ទាប់ពីការបោះឆ្នោត នៅឆ្នាំ ២០១៩។ បច្ចុប្បន្ន គាត់កំពុងតែប្រឈមមុខនឹងសេចក្តីសម្រេចរបស់តុលាការធម្មនុញ្ញ ស្តីពីសិទ្ធិរបស់គាត់ នៅក្នុងការបន្តកាន់តំណែង ជានាយករដ្ឋមន្ដ្រី។
គណបក្សប្រឆាំងរបស់ប្រទេសថៃ បានអះអាងថា លោក ប្រាយុទ្ធ បានកាន់តំណែង ជានាយករដ្ឋមន្ដ្រី អស់រយៈពេល៨ឆ្នាំ ត្រឹមពីថ្ងៃអង្គារ ទី២៣ ខែសីហា ឆ្នាំ២០២២ ស្របតាមការកំណត់ នៅក្នុងរដ្ឋធម្មនុញ្ញរបស់ប្រទេសថៃ ដែលត្រូវឲ្យបុគ្គលម្នាក់ កាន់តំណែងជានាយករដ្ឋមន្ដ្រី ត្រឹមតែរយៈពេល៨ឆ្នាំ។ គណបក្សប្រឆាំង បានដាក់ញត្ដិ ស្វែងរកសេចក្តីសម្រេច ពីតុលាការធម្មនុញ្ញថៃ ដើម្បីបញ្ចប់អាណត្ដិរបស់លោក ប្រាយុទ្ធ។
ជាមួយគ្នានេះដែរ ក្រុមបាតុករយ៉ាងតិច ចំនួន៣ក្រុមផ្សេងគ្នា បានធ្វើបាតុកម្ម ទាមទារឲ្យលោកនាយករដ្ឋមន្ដ្រី ចុះចេញពីតំណែង។ បច្ចុប្បន្ន លោក ប្រាយុទ្ធ ចាន់អូចា កំពុងតែរងសម្ពាធនយោបាយ កាន់តែខ្លាំងឡើងបន្ថែមទៀត៕
