រដ្ឋធានីមូស្គូ៖ ដោយសារតែទណ្ឌកម្ម ពីបណ្ដាប្រទេសលោកលិច និង សម្ពន្ធមិត្ត លើការនាំចេញផលិតផលថាមពលរបស់ប្រទេសរុស្ស៊ី ប្រឆាំងនឹងសង្គ្រាម នៅអ៊ុយក្រែន នោះ ក្រុងមូស្គូកំពុងតែស្វះស្វែង រកអ្នកទិញប្រេងរបស់ខ្លួន ពីបណ្ដាប្រទេស នៅតំបន់អាស៊ី និង ប្លុកអាស៊ាន ក្រោមការបញ្ចុះតម្លៃ រហូតដល់៣០ភាគរយ ទាបជាងតម្លៃទីផ្សារអន្ដរជាតិ។
សារព័ត៌មានជប៉ុន The Japan Times បានចេញផ្សាយ កាលពីថ្ងៃពុធ ទី២៤ ខែសីហា ថា មន្ដ្រីលោកខាងលិច បានប្រាប់ដល់សារព័ត៌មាន Bloomberg កាលពីថ្ងៃពុធ ថា ឥឡូវ រុស្ស៊ី កំពុងតែពិភាក្សា ជាមួយបណ្ដាប្រទេសអាស៊ីមួយចំនួន សម្រាប់កិច្ចសន្យាទិញប្រេង រយៈពេលវែង ប្រកបដោយសក្ដានុពលជាមួយនឹងការបញ្ចុះតម្លៃយ៉ាងច្រើនបំផុត។ ប្រសិនមានការពិភាក្សានេះ ឈានដល់កិច្ចព្រមព្រៀងគ្នានោះ រុស្ស៊ី នឹងបញ្ចុះតម្លៃប្រេងរបស់ខ្លួន រហូតដល់៣០ភាគរយ សម្រាប់អ្នកទិញ នៅអាស៊ី ខណៈ G7 គ្រោងនឹងជំរុញតម្លៃប្រេងរបស់ខ្លួន។
បើតាមរបាយការណ៍នោះ បានឲ្យដឹងថា ការបញ្ចុះតម្លៃ អាចមានរហូតដល់ទៅ៣០ភាគរយ ហើយករណីនេះ អាចបង្ហាញថា រដ្ឋាភិបាលក្រុងម៉ូស្គូ កំពុងតែសម្លឹងមើល អំពីការប្រឆាំងនឹងកិច្ចពិភាក្សា ដែលកំពុងបន្ត ដោយសហរដ្ឋអាមេរិក និង បណ្ដាប្រទេស G7 ទាក់ទងនឹងតម្លៃ ប្រេងឆៅរបស់រុស្ស៊ី។
លើសពីនេះទៅទៀត កិច្ចពិភាក្សារបស់រុស្ស៊ី ជាមួយបណ្ដាប្រទេស នៅអាស៊ី ក៏អាចឆ្លុះបញ្ចាំងអំពីការជំរុញឲ្យមានការធានាដល់អ្នកទិញ កាន់តែច្រើនឡើងផងដែរ ខណៈបណ្ដាប្រទេស នៅអឺរ៉ុប បដិសេធនូវការផ្គត់ផ្គង់របស់ក្រុងមូស្គូ។
លោក សានឌីយ៉ាហ្គា អ៊ុយណូ (Sandiaga Uno) រដ្ឋមន្ដ្រីក្រសួងទេសចរណ៍ឥណ្ឌូនេស៊ី បានបញ្ជាក់ នៅក្នុងបណ្ដាញសង្គម Instagram ថា រុស្ស៊ី បានបញ្ចុះតម្លៃលក់ប្រេង មកដល់ប្រទេសឥណ្ឌូនេស៊ី រហូតដល់៣០ភាគរយ គឺទាបជាងតម្លៃទីផ្សារអន្ដរជាតិ។ ប៉ុន្ដែបើទោះជាយ៉ាងនេះក្ដី គាត់បានបង្ហាញនូវកត់សម្គាល់ថា ឥណ្ឌូនេស៊ី នៅតែមានការព្រួយបារម្ភ ចំពោះការដាក់ទណ្ឌកម្ម ដែលអាចកើតមាន ពីសហរដ្ឋអាមេរិក ផងដែរ។
សហភាពអឺរ៉ុប បានដាក់បម្រាម លើការនាំចូលប្រេងតាមសមុទ្រ មកពីប្រទេសរុស្សី គ្រោងនឹងចាប់ផ្តើម នៅថ្ងៃទី៥ ខែធ្នូ ឆ្នាំ២០២២។ ប៉ុន្តែការព្រួយបារម្ភ ថា វាអាចនឹងធ្វើឱ្យតម្លៃប្រេងកើនឡើង ហើយយន្ដការនេះ នឹងនាំឲ្យមានប្រាក់ចំណេញច្រើន សម្រាប់រុស្ស៊ី ទើបមានការអំពាវនាវឱ្យលើកលែងនូវការហាមឃាត់ ដែលនឹងធ្វើឱ្យប្រេងបន្តដំណើរការ និង កាត់បន្ថយតម្លៃ។
ដោយឡែក Rystad Energy ជាក្រុមហ៊ុនស្រាវជ្រាវថាមពល និង ស៊ើបអង្កេតពាណិជ្ជកម្មឯករាជ្យ នៅក្នុងប្រទេសន័រវ៉ែស បានព្យាករថា ទិន្នផលប្រេងឆៅរបស់រុស្ស៊ី នឹងធ្លាក់ចុះ ជាង១លានបារ៉ែល នៅក្នុងមួយថ្ងៃ នាពេលឆាប់ៗនេះ ដោយសារតែតម្រូវការទាប នៅអាស៊ី ហើយការហាមឃាត់របស់សហភាពអឺរ៉ុប នឹងចូលមកដល់។
ក្រុមហ៊ុនស្រាវជ្រាវរបស់ន័រវ៉ែស ដដែលនេះ បានបញ្ជាក់ កាលពីថ្ងៃអង្គារ ថា «រហូតមកដល់ពេលនេះ ប្រទេសរុស្ស៊ី បានបង្ហាញពីភាពធន់ខ្ពស់ ចំពោះសម្ពាធមិនធ្លាប់មានពីមុនមក ដោយការដាក់ទណ្ឌកម្ម ពីសហភាពអឺរ៉ុប និង សហរដ្ឋអាមេរិក ប៉ុន្តែអ្វីដែលអាក្រក់បំផុតនោះ មិនទាន់មកដល់នោះឡើយ។ ចំណែកការប្រើប្រាស់ក្នុងស្រុក បានជួយបំពេញគម្លាត នៅក្នុងរដូវកាលមានតម្រូវការខ្ពស់បំផុត ប៉ុន្តែតម្រូវការនៅក្រៅប្រទេស សម្រាប់ផលិតថាមពលរបស់រុស្ស៊ី បានធ្លាក់ចុះ ហើយវានឹងធ្វើឲ្យមានបញ្ហាបន្ថែមទៀត នាពេលខាងមុខនេះ»៕
សារព័ត៌មានជប៉ុន The Japan Times បានចេញផ្សាយ កាលពីថ្ងៃពុធ ទី២៤ ខែសីហា ថា មន្ដ្រីលោកខាងលិច បានប្រាប់ដល់សារព័ត៌មាន Bloomberg កាលពីថ្ងៃពុធ ថា ឥឡូវ រុស្ស៊ី កំពុងតែពិភាក្សា ជាមួយបណ្ដាប្រទេសអាស៊ីមួយចំនួន សម្រាប់កិច្ចសន្យាទិញប្រេង រយៈពេលវែង ប្រកបដោយសក្ដានុពលជាមួយនឹងការបញ្ចុះតម្លៃយ៉ាងច្រើនបំផុត។ ប្រសិនមានការពិភាក្សានេះ ឈានដល់កិច្ចព្រមព្រៀងគ្នានោះ រុស្ស៊ី នឹងបញ្ចុះតម្លៃប្រេងរបស់ខ្លួន រហូតដល់៣០ភាគរយ សម្រាប់អ្នកទិញ នៅអាស៊ី ខណៈ G7 គ្រោងនឹងជំរុញតម្លៃប្រេងរបស់ខ្លួន។
បើតាមរបាយការណ៍នោះ បានឲ្យដឹងថា ការបញ្ចុះតម្លៃ អាចមានរហូតដល់ទៅ៣០ភាគរយ ហើយករណីនេះ អាចបង្ហាញថា រដ្ឋាភិបាលក្រុងម៉ូស្គូ កំពុងតែសម្លឹងមើល អំពីការប្រឆាំងនឹងកិច្ចពិភាក្សា ដែលកំពុងបន្ត ដោយសហរដ្ឋអាមេរិក និង បណ្ដាប្រទេស G7 ទាក់ទងនឹងតម្លៃ ប្រេងឆៅរបស់រុស្ស៊ី។
លើសពីនេះទៅទៀត កិច្ចពិភាក្សារបស់រុស្ស៊ី ជាមួយបណ្ដាប្រទេស នៅអាស៊ី ក៏អាចឆ្លុះបញ្ចាំងអំពីការជំរុញឲ្យមានការធានាដល់អ្នកទិញ កាន់តែច្រើនឡើងផងដែរ ខណៈបណ្ដាប្រទេស នៅអឺរ៉ុប បដិសេធនូវការផ្គត់ផ្គង់របស់ក្រុងមូស្គូ។
លោក សានឌីយ៉ាហ្គា អ៊ុយណូ (Sandiaga Uno) រដ្ឋមន្ដ្រីក្រសួងទេសចរណ៍ឥណ្ឌូនេស៊ី បានបញ្ជាក់ នៅក្នុងបណ្ដាញសង្គម Instagram ថា រុស្ស៊ី បានបញ្ចុះតម្លៃលក់ប្រេង មកដល់ប្រទេសឥណ្ឌូនេស៊ី រហូតដល់៣០ភាគរយ គឺទាបជាងតម្លៃទីផ្សារអន្ដរជាតិ។ ប៉ុន្ដែបើទោះជាយ៉ាងនេះក្ដី គាត់បានបង្ហាញនូវកត់សម្គាល់ថា ឥណ្ឌូនេស៊ី នៅតែមានការព្រួយបារម្ភ ចំពោះការដាក់ទណ្ឌកម្ម ដែលអាចកើតមាន ពីសហរដ្ឋអាមេរិក ផងដែរ។
សហភាពអឺរ៉ុប បានដាក់បម្រាម លើការនាំចូលប្រេងតាមសមុទ្រ មកពីប្រទេសរុស្សី គ្រោងនឹងចាប់ផ្តើម នៅថ្ងៃទី៥ ខែធ្នូ ឆ្នាំ២០២២។ ប៉ុន្តែការព្រួយបារម្ភ ថា វាអាចនឹងធ្វើឱ្យតម្លៃប្រេងកើនឡើង ហើយយន្ដការនេះ នឹងនាំឲ្យមានប្រាក់ចំណេញច្រើន សម្រាប់រុស្ស៊ី ទើបមានការអំពាវនាវឱ្យលើកលែងនូវការហាមឃាត់ ដែលនឹងធ្វើឱ្យប្រេងបន្តដំណើរការ និង កាត់បន្ថយតម្លៃ។
ដោយឡែក Rystad Energy ជាក្រុមហ៊ុនស្រាវជ្រាវថាមពល និង ស៊ើបអង្កេតពាណិជ្ជកម្មឯករាជ្យ នៅក្នុងប្រទេសន័រវ៉ែស បានព្យាករថា ទិន្នផលប្រេងឆៅរបស់រុស្ស៊ី នឹងធ្លាក់ចុះ ជាង១លានបារ៉ែល នៅក្នុងមួយថ្ងៃ នាពេលឆាប់ៗនេះ ដោយសារតែតម្រូវការទាប នៅអាស៊ី ហើយការហាមឃាត់របស់សហភាពអឺរ៉ុប នឹងចូលមកដល់។
ក្រុមហ៊ុនស្រាវជ្រាវរបស់ន័រវ៉ែស ដដែលនេះ បានបញ្ជាក់ កាលពីថ្ងៃអង្គារ ថា «រហូតមកដល់ពេលនេះ ប្រទេសរុស្ស៊ី បានបង្ហាញពីភាពធន់ខ្ពស់ ចំពោះសម្ពាធមិនធ្លាប់មានពីមុនមក ដោយការដាក់ទណ្ឌកម្ម ពីសហភាពអឺរ៉ុប និង សហរដ្ឋអាមេរិក ប៉ុន្តែអ្វីដែលអាក្រក់បំផុតនោះ មិនទាន់មកដល់នោះឡើយ។ ចំណែកការប្រើប្រាស់ក្នុងស្រុក បានជួយបំពេញគម្លាត នៅក្នុងរដូវកាលមានតម្រូវការខ្ពស់បំផុត ប៉ុន្តែតម្រូវការនៅក្រៅប្រទេស សម្រាប់ផលិតថាមពលរបស់រុស្ស៊ី បានធ្លាក់ចុះ ហើយវានឹងធ្វើឲ្យមានបញ្ហាបន្ថែមទៀត នាពេលខាងមុខនេះ»៕