រដ្ឋធានីណៃពិដោរ៖ អាជ្ញាធរ នៃរដ្ឋាភិបាលយោធាមីយ៉ាន់ម៉ា បានចាប់ឃុំខ្លួនអតីតឯកអគ្គរាជទូត ចក្រភពអង់គ្លេស និង ស្វាមីរបស់លោកស្រី ក្រោមការចោទប្រកាន់ ពីបទរំលោភបំពានលើច្បាប់អន្ដោប្រវេសន៍របស់ប្រទេសអាស៊ានមួយនេះ ហើយនាំទៅឃុំខ្លួន នៅក្នុងកន្លែងផ្សេងគ្នា។
សារព័ត៌មាន The Guardian បានចេញផ្សាយ កាលពីព្រឹក ថ្ងៃសុក្រ ទី២៦ ខែសីហា ថា លោកស្រី វិកគី បូវម៉ែន (Vicky Bowman) អតីតឯកអគ្គរាជទូត ចក្រភពអង់គ្លេស ប្រចាំនៅភូមា និង ស្វាមីរបស់លោកស្រី គឺលោក កូ ហាថែន លីន (Ko Htein Lin) ជាវិចិត្រករដ៏លេចធ្លោមួយរូប ត្រូវបានអាជ្ញាធររបបសឹកមីយ៉ាន់ម៉ា ចាប់ខ្លួនកាលពីថ្ងៃពុធ។ ស្របគ្នានេះដែរ រដ្ឋាភិបាលចក្រភពអង់គ្លេស កាលពីថ្ងៃព្រហស្បតិ៍ ក៏បានប្រកាសដាក់ទណ្ឌកម្មជាថ្មី ប្រឆាំងនឹងប្រទេសអាស៊ានមួយនេះ ខណៈជនភៀសខ្លួនរ៉ូហ៊ីងយ៉ា រាប់សែននាក់កំពុងប្រារព្ធខួបលើកទី៥ នៃការជម្លៀសរបស់ពួកគេ ចេញពីមីយ៉ាន់ម៉ា រត់ទៅជ្រកកោន នៅក្នុងប្រទេសបង់ក្លាដែស។
លោកស្រី និង ស្វាមី ត្រូវបានអាជ្ញាធរ នាំទៅឃុំខ្លួន នៅក្នុងពន្ធនាគារ អ៊ីនសេន (Insein) កាលពីយប់ ថ្ងៃព្រហស្បតិ៍ នៅស្ថានីយប៉ូលិស ចំនួន២ផ្សេងគ្នា ចាប់តាំងពីយប់នោះ។
របបយោធាមីយ៉ាន់ម៉ា កាលពីថ្ងៃព្រហស្បតិ៍ បានបញ្ជាក់ ថា អាជ្ញាធរមីយ៉ាន់ម៉ា បានចាប់ខ្លួនអតីតឯកអគ្គរាជទូតចក្រភពអង់គ្លេស ប្រចាំនៅក្នុងប្រទេសអាស៊ានមួយនេះ និង ស្វាមីរបស់គាត់ ដែលជាវិចិត្រករដ៏លេចធ្លោមួយរូប និង ធ្លាប់ជាអ្នកទោសនយោបាយម្ដងរួចមកហើយ ពីបទបំពានច្បាប់អន្តោប្រវេសន៍។
របបសឹកមីយ៉ាន់ម៉ា បានបញ្ជាក់ នៅក្នុងសេចក្ដីថ្លែងការណ៍របស់ខ្លួន ថា លោកស្រី Vicky Bowman ដែលធ្លាប់ធ្វើជាឯអគ្គរាជទូតចក្រភពអង់គ្លេស ចន្លោះពីឆ្នាំ២០០២ ដល់២០០៦ ត្រូវបានចាប់ឃុំខ្លួន ជុំវិញការខកខានប្រកាសថា លោកស្រីកំពុងតែរស់នៅអាសយដ្ឋាន ផ្សេងពីការចុះបញ្ជីបញ្ជាក់ពីកន្លែងស្នាក់នៅរបស់លោកស្រី។ រីឯស្វាមីរបស់លោកស្រី ក៏ត្រូវបានចាប់ខ្លួន ជុំវិញការចោទប្រកាន់ ជួយដល់ប្រពន្ធរបស់ខ្លួន ឲ្យរស់នៅកន្លែងផ្សេង ពីផ្ទះដែលត្រូវបានចុះបញ្ជី ស្ថិតក្នុងតំបន់ឧស្សាហកម្មយ៉ាំងហ្គូន (Yangon) ។
ដោយឡែក អ្នកនាំពាក្យ ស្ថានទូតចក្រភពអង់គ្លេស ប្រចាំនៅក្នុងទីក្រុង Yangon បានបញ្ជាក់ថា មន្ដ្រីស្ថានទូត ចក្រភពអង់គ្លេស មានការព្រួយបារម្ភ ជុំវិញករណីចាប់ខ្លួនស្ដ្រីអង់គ្លេស នៅក្នុងប្រទេសមីយ៉ាន់ម៉ា ដោយមិនបានបញ្ជាក់ ឈ្មោះ Bowman នោះឡើយ។ យើងកំពុងតែទាក់ទងជាមួយអាជ្ញាធរមូលដ្ឋាន ហើយកំពុងតែផ្តល់ជំនួយផ្នែកកុងស៊ុល»។
បើតាមប្រភពព័ត៌មានដែលដឹងអំពីបញ្ហានេះ បានបញ្ជាក់ ថា លោកស្រី Bowman និង ស្វាមីរបស់លោកស្រី គឺលោក Htein ត្រូវបានអាជ្ញាធរមីយ៉ាន់ម៉ា នាំទៅកាន់ពន្ធនាគារ Insein ស្ថិតក្នុងទីក្រុង Yangon។ ចំណែកសវនាការ លើលោកស្រី អតីតឯកអគ្គរាជទូតចក្រភពអង់គ្លេស និង ស្វាមី ត្រូវបានកំណត់ ធ្វើឡើង នៅថ្ងៃទី៦ ខែកញ្ញា បើទោះជាគេមិនទាន់ដឹងថា នឹងមានអ្វីកើតឡើងក៏ដោយ។ ប្រសិនបើរបបសឹកចោទប្រកាន់ អំពីការរំលោភលើច្បាប់អន្ដោប្រវេសន៍មែននោះ លោកស្រី អាចប្រឈមមុខនឹងការជាប់ពន្ធនាគារជាអតិបរមា រយៈពេល៥ឆ្នាំ៕
សារព័ត៌មាន The Guardian បានចេញផ្សាយ កាលពីព្រឹក ថ្ងៃសុក្រ ទី២៦ ខែសីហា ថា លោកស្រី វិកគី បូវម៉ែន (Vicky Bowman) អតីតឯកអគ្គរាជទូត ចក្រភពអង់គ្លេស ប្រចាំនៅភូមា និង ស្វាមីរបស់លោកស្រី គឺលោក កូ ហាថែន លីន (Ko Htein Lin) ជាវិចិត្រករដ៏លេចធ្លោមួយរូប ត្រូវបានអាជ្ញាធររបបសឹកមីយ៉ាន់ម៉ា ចាប់ខ្លួនកាលពីថ្ងៃពុធ។ ស្របគ្នានេះដែរ រដ្ឋាភិបាលចក្រភពអង់គ្លេស កាលពីថ្ងៃព្រហស្បតិ៍ ក៏បានប្រកាសដាក់ទណ្ឌកម្មជាថ្មី ប្រឆាំងនឹងប្រទេសអាស៊ានមួយនេះ ខណៈជនភៀសខ្លួនរ៉ូហ៊ីងយ៉ា រាប់សែននាក់កំពុងប្រារព្ធខួបលើកទី៥ នៃការជម្លៀសរបស់ពួកគេ ចេញពីមីយ៉ាន់ម៉ា រត់ទៅជ្រកកោន នៅក្នុងប្រទេសបង់ក្លាដែស។
លោកស្រី និង ស្វាមី ត្រូវបានអាជ្ញាធរ នាំទៅឃុំខ្លួន នៅក្នុងពន្ធនាគារ អ៊ីនសេន (Insein) កាលពីយប់ ថ្ងៃព្រហស្បតិ៍ នៅស្ថានីយប៉ូលិស ចំនួន២ផ្សេងគ្នា ចាប់តាំងពីយប់នោះ។
របបយោធាមីយ៉ាន់ម៉ា កាលពីថ្ងៃព្រហស្បតិ៍ បានបញ្ជាក់ ថា អាជ្ញាធរមីយ៉ាន់ម៉ា បានចាប់ខ្លួនអតីតឯកអគ្គរាជទូតចក្រភពអង់គ្លេស ប្រចាំនៅក្នុងប្រទេសអាស៊ានមួយនេះ និង ស្វាមីរបស់គាត់ ដែលជាវិចិត្រករដ៏លេចធ្លោមួយរូប និង ធ្លាប់ជាអ្នកទោសនយោបាយម្ដងរួចមកហើយ ពីបទបំពានច្បាប់អន្តោប្រវេសន៍។
របបសឹកមីយ៉ាន់ម៉ា បានបញ្ជាក់ នៅក្នុងសេចក្ដីថ្លែងការណ៍របស់ខ្លួន ថា លោកស្រី Vicky Bowman ដែលធ្លាប់ធ្វើជាឯអគ្គរាជទូតចក្រភពអង់គ្លេស ចន្លោះពីឆ្នាំ២០០២ ដល់២០០៦ ត្រូវបានចាប់ឃុំខ្លួន ជុំវិញការខកខានប្រកាសថា លោកស្រីកំពុងតែរស់នៅអាសយដ្ឋាន ផ្សេងពីការចុះបញ្ជីបញ្ជាក់ពីកន្លែងស្នាក់នៅរបស់លោកស្រី។ រីឯស្វាមីរបស់លោកស្រី ក៏ត្រូវបានចាប់ខ្លួន ជុំវិញការចោទប្រកាន់ ជួយដល់ប្រពន្ធរបស់ខ្លួន ឲ្យរស់នៅកន្លែងផ្សេង ពីផ្ទះដែលត្រូវបានចុះបញ្ជី ស្ថិតក្នុងតំបន់ឧស្សាហកម្មយ៉ាំងហ្គូន (Yangon) ។
ដោយឡែក អ្នកនាំពាក្យ ស្ថានទូតចក្រភពអង់គ្លេស ប្រចាំនៅក្នុងទីក្រុង Yangon បានបញ្ជាក់ថា មន្ដ្រីស្ថានទូត ចក្រភពអង់គ្លេស មានការព្រួយបារម្ភ ជុំវិញករណីចាប់ខ្លួនស្ដ្រីអង់គ្លេស នៅក្នុងប្រទេសមីយ៉ាន់ម៉ា ដោយមិនបានបញ្ជាក់ ឈ្មោះ Bowman នោះឡើយ។ យើងកំពុងតែទាក់ទងជាមួយអាជ្ញាធរមូលដ្ឋាន ហើយកំពុងតែផ្តល់ជំនួយផ្នែកកុងស៊ុល»។
បើតាមប្រភពព័ត៌មានដែលដឹងអំពីបញ្ហានេះ បានបញ្ជាក់ ថា លោកស្រី Bowman និង ស្វាមីរបស់លោកស្រី គឺលោក Htein ត្រូវបានអាជ្ញាធរមីយ៉ាន់ម៉ា នាំទៅកាន់ពន្ធនាគារ Insein ស្ថិតក្នុងទីក្រុង Yangon។ ចំណែកសវនាការ លើលោកស្រី អតីតឯកអគ្គរាជទូតចក្រភពអង់គ្លេស និង ស្វាមី ត្រូវបានកំណត់ ធ្វើឡើង នៅថ្ងៃទី៦ ខែកញ្ញា បើទោះជាគេមិនទាន់ដឹងថា នឹងមានអ្វីកើតឡើងក៏ដោយ។ ប្រសិនបើរបបសឹកចោទប្រកាន់ អំពីការរំលោភលើច្បាប់អន្ដោប្រវេសន៍មែននោះ លោកស្រី អាចប្រឈមមុខនឹងការជាប់ពន្ធនាគារជាអតិបរមា រយៈពេល៥ឆ្នាំ៕
