ទីក្រុងតៃប៉ិ៖ ដំណើរទស្សនកិច្ចរបស់ប្រធានសភាដ៏មានឥទ្ធិពលរបស់សហរដ្ឋអាមេរិក លោកស្រី ណានស៊ី ផេឡូស៊ី (Nancy Pelosi) បានមកដល់ទីក្រុងតៃប៉ិ កាលពីថ្ងៃទី២ ខែសីហា បានក្លាយជាលេសមួយ សម្រាប់ក្រុងប៉េកាំង ដាក់ពង្រាយកម្លាំងទាហាន នាវាចម្បាំង និង យន្ដហោះយោធាជាច្រើនគ្រឿង ធ្វើសមយុទ្ធ បាញ់គ្រាប់ពិត ឡោមព័ទ្ធកោះតៃវ៉ាន់ ដើម្បីបង្ខំឲ្យរដ្ឋាភិបាលដែនកោះមួយនេះ ចុះចាញ់ ដោយមិនចាំបាច់ធ្វើសង្គ្រាម។
សារព័ត៌មាន Taiwan News បានដកស្រង់ កាលពីថ្ងៃសុក្រ ទី២៦ ខែសីហា ថា សារព័ត៌មានរបស់សហរដ្ឋអាមេរិក New York Times បានផ្សាយថា ក្រុងប៉េកាំង អាចនឹងបិទកំពង់ផែនានា និង ដែនអាកាសរបស់តៃវ៉ាន់ ជំនួសពីការប្រយុទ្ធនឹងសង្គ្រាម។ អាចនឹងបិទកំពង់ផែ និង ដែនអាកាសរបស់តៃវ៉ាន់ ដើម្បីដាក់សម្ពាធ ទៅលើរដ្ឋាភិបាលក្រុងតៃប៉ិ បង្ខំឲ្យចុះចាញ់ ដោយមិនចាំបាច់ធ្វើសង្គ្រាម។
ជាមួយនឹងការបញ្ជូនកប៉ាល់ជាច្រើនគ្រឿង និង នាវាមុជទឹកនានា ទៅជិតកំពង់របស់តៃវ៉ាន់ នោះ ក្រុងប៉េកាំង អាចនឹងរារាំងដល់ការដឹកជញ្ជូនទំនិញ តាមកប៉ាល់ចេញ និង ចូលមកកាន់ដែនកោះមួយនេះបាន។ ក្រៅពីដែនសមុទ្រនោះ ចិន ក៏អាចនឹងបញ្ជូនយន្ដហោះចម្បាំង និង មីស៊ីល ទៅរក្សានូវអនុត្ដរភាព ពីលើដែនអាកាសរបស់តៃវ៉ាន់ ដើម្បីប្រឈមមុខនឹងអន្ដរាគមន៍ណាមួយ ពីសហរដ្ឋអាមេរិក និង សម្ពន្ធមិត្ត។
នៅក្នុងការឡោមព័ទ្ធជុំវិញដែនកោះតៃវ៉ាន់នោះ ចិន អាចព្យាយាមបាញ់ទម្លាក់យន្ដហោះចម្បាំងរបស់បច្ចាមិត្ត ជាមួយនឹងមីស៊ីល បាញ់ពីលើដីទៅលើអាកាស ហើយក៏អាចបាញ់មីស៊ីល ទៅលើមូលដ្ឋានកងទ័ពអាកាសរបស់សហរដ្ឋអាមេរិក នៅកោះហ្គាម (Guam) និង ជប៉ុនផងដែរ។ ក្រៅពីនេះ ចិន ក៏អាចប្រើប្រាស់នូវការឃោសនា ការផ្សព្វផ្សាយនូវព័ត៌មានមិនពិត និង សង្គ្រាមតាមបណ្ដាញអ៊ិនធើរណេត ដើម្បីបង្កើននូវការគាំទ្រក្នុងស្រុក ហើយផ្សព្វផ្សាយ ព័ត៌មានបង្កើតការសង្ស័យ និង ការភ័យខ្លាច នៅក្នុងចំណោមប្រជាជនតៃវ៉ាន់ និង ប្រជាជន នៅជុំវិញពិភពលោកថែមទៀតផង។
បើតាមរបាយការណ៍ដដែល បានឱ្យដឹងទៀតថា «សូម្បីតែការបិទផ្លូវដែលបានកំណត់ នឹងគំរាមកំហែងដល់ផ្លូវពាណិជ្ជកម្មដ៏មមាញឹកបំផុតមួយរបស់ពិភពលោក។ រីឯអ្នកយុទ្ធសាស្ត្រយោធារបស់ចិន ជឿថា យុទ្ធសាស្ត្របែបនេះ អនុញ្ញាតឱ្យមានលទ្ធភាព រឹតបន្តឹង ឬបន្ធូរបន្ថយនូវការរំខាន នៅជុំវិញកោះតៃវ៉ាន់ បានយ៉ាងមានប្រសិទ្ធភាពថែមទៀតផង»។
បើគិតពីការពឹងផ្អែកយ៉ាងខ្លាំងរបស់តៃវ៉ាន់ ទៅលើប្រេងឥន្ធនៈ និង ស្បៀងអាហារ គឺការប្រើប្រាស់យុទ្ធសាស្ដ្របែបនេះ នឹងធ្វើឲ្យរងផលប៉ះពាល់យ៉ាងធ្ងន់ធ្ងរបំផុត ដល់ប្រជាជន នៅលើដែនកោះមួយនេះ។
ចិន បានធ្វើសមយុទ្ធយោធាទ្រង់ទ្រាយធំ បាញ់គ្រាប់ពិត ដើម្បីឆ្លើយតបទៅនឹងដំណើរទស្សនកិច្ចរបស់ប្រធានសភាសហរដ្ឋអាមេរិក លោកស្រី Nancy Pelosi បានមកកាន់កោះតៃវ៉ាន់ កាលពីថ្ងៃទី២ ខែសីហា។ បើទោះជាសមយុទ្ធនេះ មានលក្ខណៈទ្រង់ទ្រាយធំ និង មានការបំភិតបំភ័យយ៉ាងណាក៏ដោយ ប៉ុន្ដែពួកគេ នៅតែមិនរាប់បញ្ចូល ជាទ្រព្យសម្បត្តិយោធាដ៏ទំនើបបំផុតរបស់ចិន និង មិនត្រូវបានចាត់ទុកថា ជាការហាត់សមដ៏ពេញលេញនោះដែរ។
សារព័ត៌មាន New York Times បានដកស្រង់សម្ដីរបស់លោក ឌ្រូ ថមសុន (Drew Thompson) សាស្ត្រាចារ្យជាន់ខ្ពស់ នៅសាលានយោបាយសាធារណៈ Lee Kuan Yew ស្ថិតក្នុងប្រទេសសិង្ហបុរី ថ្លែងថា «ទិដ្ឋភាពនយោបាយ ចំពោះអ្វីដែលពួកគេធ្វើ ជួនកាល មានសារៈសំខាន់ ជាងការបណ្តុះបណ្តាលជាក់ស្តែង ដែលពួកគេកំពុងតែអនុវត្តទៅទៀត»។
យន្តហោះយោធាចិន បានឆ្លងកាត់ខ្សែបន្ទាត់ច្រកសមុទ្រតៃវ៉ាន់ ជាញឹកញាប់ ហើយនៅក្នុងរយៈពេល៣សប្តាហ៍ដំបូង នៃខែសីហា នេះ ក្រុងប៉េកាំង បានបញ្ជូនយន្តហោះចម្បាំង ជាង៦០០គ្រឿង ហោះចូលទៅក្នុងដែនអាកាស ឬ នៅជិតតំបន់កំណត់ការពារដែនអាកាសរបស់តៃវ៉ាន់ នៅក្នុងការប៉ុនប៉ងបង្កើតលក្ខណៈហោះហើរធម្មតាថ្មីមួយទៀត។
ជាមួយគ្នានេះ លោក អូ ស៊ីហ្វូ (Ou Si-fu) ជាអ្នកស្រាវជ្រាវ នៅវិទ្យាស្ថានស្រាវជ្រាវវិស័យការពារជាតិ និង សន្តិសុខជាតិ បានអះអាងថា «ខ្ញុំគិតថា ចិនបានបង្ហាញចេតនារបស់ពួកគេ ដើម្បីឡោមព័ទ្ធកោះតៃវ៉ាន់ ហើយប្រឆាំងនឹងអន្តរាគមន៍ មកពីបរទេស»។
ជាមួយនឹងការគំរាមកំហែងជាញឹកញាប់ដល់សន្ដិសុខ ពីប្រទេសចិន បែបនេះ គណៈរដ្ឋមន្ដ្រីតៃវ៉ាន់ បានអនុម័តកញ្ចប់ថវិកាជាតិ រហូតដល់៥៨៦,៣ពាន់លានដុល្លារតៃវ៉ាន់ ឬស្មើនឹង ១៩,៤ពាន់លានដុល្លារសហរដ្ឋអាមេរិក សម្រាប់ឆ្នាំសារពើពន្ថ ២០២៣។ កញ្ចប់ថវិកាវិស័យការពារជាតិ នាឆ្នាំ២០២៣នេះ នឹងកើតដល់ជិត១៤ភាគរយ បើធៀបនឹងឆ្នាំមុខ ហើយនឹងអនុញ្ញតឲ្យក្រសួងការពារជាតិតៃវ៉ាន់ អាចទិញនាវាចម្បាំង និង មីស៊ីលថ្មីៗផលិតក្នុងស្រុកបាន។
វិទ្យាស្ថានវិទ្យាសាស្ដ្រ និង បច្ចេកវិទ្យជាតិចុងសាន (Chung-Shan) បានបញ្ជាក់ កាលពីព្រឹក ថ្ងៃសៅរ៍ ទី២៧ ខែសីហា ថា វិទ្យាស្ថាននេះ នឹងបង្កើនការផលិតមីស៊ីលប្រចាំឆ្នាំរបស់ខ្លួន ទ្វេដង កើនដល់៥០០គ្រឿង។ ការបង្កើននូវការផលិតនេះ នឹងរួមបញ្ចូល មីស៊ីល Sky Sword II, មីស៊ីល Sky Bow III, មីស៊ីល Hsiung Feng III, មីស៊ីល Hsiung Feng II, មីស៊ីល Hsiung Sheng និង មីស៊ីល Wan Chien ផងដែរ។ ជាមួយគ្នានេះដែរ ក្រសួងការពារជាតិតៃវ៉ាន់ ក៏បានអះអាងពីកម្លាំងទាហានរបស់ខ្លួន បានសម្រេចបង្កើតប្រព័ន្ធទប់ស្កាត់ដ្រូនរួចរាល់ហើយដែរ៕
សារព័ត៌មាន Taiwan News បានដកស្រង់ កាលពីថ្ងៃសុក្រ ទី២៦ ខែសីហា ថា សារព័ត៌មានរបស់សហរដ្ឋអាមេរិក New York Times បានផ្សាយថា ក្រុងប៉េកាំង អាចនឹងបិទកំពង់ផែនានា និង ដែនអាកាសរបស់តៃវ៉ាន់ ជំនួសពីការប្រយុទ្ធនឹងសង្គ្រាម។ អាចនឹងបិទកំពង់ផែ និង ដែនអាកាសរបស់តៃវ៉ាន់ ដើម្បីដាក់សម្ពាធ ទៅលើរដ្ឋាភិបាលក្រុងតៃប៉ិ បង្ខំឲ្យចុះចាញ់ ដោយមិនចាំបាច់ធ្វើសង្គ្រាម។
ជាមួយនឹងការបញ្ជូនកប៉ាល់ជាច្រើនគ្រឿង និង នាវាមុជទឹកនានា ទៅជិតកំពង់របស់តៃវ៉ាន់ នោះ ក្រុងប៉េកាំង អាចនឹងរារាំងដល់ការដឹកជញ្ជូនទំនិញ តាមកប៉ាល់ចេញ និង ចូលមកកាន់ដែនកោះមួយនេះបាន។ ក្រៅពីដែនសមុទ្រនោះ ចិន ក៏អាចនឹងបញ្ជូនយន្ដហោះចម្បាំង និង មីស៊ីល ទៅរក្សានូវអនុត្ដរភាព ពីលើដែនអាកាសរបស់តៃវ៉ាន់ ដើម្បីប្រឈមមុខនឹងអន្ដរាគមន៍ណាមួយ ពីសហរដ្ឋអាមេរិក និង សម្ពន្ធមិត្ត។
នៅក្នុងការឡោមព័ទ្ធជុំវិញដែនកោះតៃវ៉ាន់នោះ ចិន អាចព្យាយាមបាញ់ទម្លាក់យន្ដហោះចម្បាំងរបស់បច្ចាមិត្ត ជាមួយនឹងមីស៊ីល បាញ់ពីលើដីទៅលើអាកាស ហើយក៏អាចបាញ់មីស៊ីល ទៅលើមូលដ្ឋានកងទ័ពអាកាសរបស់សហរដ្ឋអាមេរិក នៅកោះហ្គាម (Guam) និង ជប៉ុនផងដែរ។ ក្រៅពីនេះ ចិន ក៏អាចប្រើប្រាស់នូវការឃោសនា ការផ្សព្វផ្សាយនូវព័ត៌មានមិនពិត និង សង្គ្រាមតាមបណ្ដាញអ៊ិនធើរណេត ដើម្បីបង្កើននូវការគាំទ្រក្នុងស្រុក ហើយផ្សព្វផ្សាយ ព័ត៌មានបង្កើតការសង្ស័យ និង ការភ័យខ្លាច នៅក្នុងចំណោមប្រជាជនតៃវ៉ាន់ និង ប្រជាជន នៅជុំវិញពិភពលោកថែមទៀតផង។
បើតាមរបាយការណ៍ដដែល បានឱ្យដឹងទៀតថា «សូម្បីតែការបិទផ្លូវដែលបានកំណត់ នឹងគំរាមកំហែងដល់ផ្លូវពាណិជ្ជកម្មដ៏មមាញឹកបំផុតមួយរបស់ពិភពលោក។ រីឯអ្នកយុទ្ធសាស្ត្រយោធារបស់ចិន ជឿថា យុទ្ធសាស្ត្របែបនេះ អនុញ្ញាតឱ្យមានលទ្ធភាព រឹតបន្តឹង ឬបន្ធូរបន្ថយនូវការរំខាន នៅជុំវិញកោះតៃវ៉ាន់ បានយ៉ាងមានប្រសិទ្ធភាពថែមទៀតផង»។
បើគិតពីការពឹងផ្អែកយ៉ាងខ្លាំងរបស់តៃវ៉ាន់ ទៅលើប្រេងឥន្ធនៈ និង ស្បៀងអាហារ គឺការប្រើប្រាស់យុទ្ធសាស្ដ្របែបនេះ នឹងធ្វើឲ្យរងផលប៉ះពាល់យ៉ាងធ្ងន់ធ្ងរបំផុត ដល់ប្រជាជន នៅលើដែនកោះមួយនេះ។
ចិន បានធ្វើសមយុទ្ធយោធាទ្រង់ទ្រាយធំ បាញ់គ្រាប់ពិត ដើម្បីឆ្លើយតបទៅនឹងដំណើរទស្សនកិច្ចរបស់ប្រធានសភាសហរដ្ឋអាមេរិក លោកស្រី Nancy Pelosi បានមកកាន់កោះតៃវ៉ាន់ កាលពីថ្ងៃទី២ ខែសីហា។ បើទោះជាសមយុទ្ធនេះ មានលក្ខណៈទ្រង់ទ្រាយធំ និង មានការបំភិតបំភ័យយ៉ាងណាក៏ដោយ ប៉ុន្ដែពួកគេ នៅតែមិនរាប់បញ្ចូល ជាទ្រព្យសម្បត្តិយោធាដ៏ទំនើបបំផុតរបស់ចិន និង មិនត្រូវបានចាត់ទុកថា ជាការហាត់សមដ៏ពេញលេញនោះដែរ។
សារព័ត៌មាន New York Times បានដកស្រង់សម្ដីរបស់លោក ឌ្រូ ថមសុន (Drew Thompson) សាស្ត្រាចារ្យជាន់ខ្ពស់ នៅសាលានយោបាយសាធារណៈ Lee Kuan Yew ស្ថិតក្នុងប្រទេសសិង្ហបុរី ថ្លែងថា «ទិដ្ឋភាពនយោបាយ ចំពោះអ្វីដែលពួកគេធ្វើ ជួនកាល មានសារៈសំខាន់ ជាងការបណ្តុះបណ្តាលជាក់ស្តែង ដែលពួកគេកំពុងតែអនុវត្តទៅទៀត»។
យន្តហោះយោធាចិន បានឆ្លងកាត់ខ្សែបន្ទាត់ច្រកសមុទ្រតៃវ៉ាន់ ជាញឹកញាប់ ហើយនៅក្នុងរយៈពេល៣សប្តាហ៍ដំបូង នៃខែសីហា នេះ ក្រុងប៉េកាំង បានបញ្ជូនយន្តហោះចម្បាំង ជាង៦០០គ្រឿង ហោះចូលទៅក្នុងដែនអាកាស ឬ នៅជិតតំបន់កំណត់ការពារដែនអាកាសរបស់តៃវ៉ាន់ នៅក្នុងការប៉ុនប៉ងបង្កើតលក្ខណៈហោះហើរធម្មតាថ្មីមួយទៀត។
ជាមួយគ្នានេះ លោក អូ ស៊ីហ្វូ (Ou Si-fu) ជាអ្នកស្រាវជ្រាវ នៅវិទ្យាស្ថានស្រាវជ្រាវវិស័យការពារជាតិ និង សន្តិសុខជាតិ បានអះអាងថា «ខ្ញុំគិតថា ចិនបានបង្ហាញចេតនារបស់ពួកគេ ដើម្បីឡោមព័ទ្ធកោះតៃវ៉ាន់ ហើយប្រឆាំងនឹងអន្តរាគមន៍ មកពីបរទេស»។
ជាមួយនឹងការគំរាមកំហែងជាញឹកញាប់ដល់សន្ដិសុខ ពីប្រទេសចិន បែបនេះ គណៈរដ្ឋមន្ដ្រីតៃវ៉ាន់ បានអនុម័តកញ្ចប់ថវិកាជាតិ រហូតដល់៥៨៦,៣ពាន់លានដុល្លារតៃវ៉ាន់ ឬស្មើនឹង ១៩,៤ពាន់លានដុល្លារសហរដ្ឋអាមេរិក សម្រាប់ឆ្នាំសារពើពន្ថ ២០២៣។ កញ្ចប់ថវិកាវិស័យការពារជាតិ នាឆ្នាំ២០២៣នេះ នឹងកើតដល់ជិត១៤ភាគរយ បើធៀបនឹងឆ្នាំមុខ ហើយនឹងអនុញ្ញតឲ្យក្រសួងការពារជាតិតៃវ៉ាន់ អាចទិញនាវាចម្បាំង និង មីស៊ីលថ្មីៗផលិតក្នុងស្រុកបាន។
វិទ្យាស្ថានវិទ្យាសាស្ដ្រ និង បច្ចេកវិទ្យជាតិចុងសាន (Chung-Shan) បានបញ្ជាក់ កាលពីព្រឹក ថ្ងៃសៅរ៍ ទី២៧ ខែសីហា ថា វិទ្យាស្ថាននេះ នឹងបង្កើនការផលិតមីស៊ីលប្រចាំឆ្នាំរបស់ខ្លួន ទ្វេដង កើនដល់៥០០គ្រឿង។ ការបង្កើននូវការផលិតនេះ នឹងរួមបញ្ចូល មីស៊ីល Sky Sword II, មីស៊ីល Sky Bow III, មីស៊ីល Hsiung Feng III, មីស៊ីល Hsiung Feng II, មីស៊ីល Hsiung Sheng និង មីស៊ីល Wan Chien ផងដែរ។ ជាមួយគ្នានេះដែរ ក្រសួងការពារជាតិតៃវ៉ាន់ ក៏បានអះអាងពីកម្លាំងទាហានរបស់ខ្លួន បានសម្រេចបង្កើតប្រព័ន្ធទប់ស្កាត់ដ្រូនរួចរាល់ហើយដែរ៕
