រាជធានីតូក្យូ៖ ដោយសារតែស្ថានការណ៍នយោបាយ នៅក្នុងតំបន់ កំពុងតែឡើងកម្ដៅខ្លាំងនោះ ជប៉ុន និង សហរដ្ឋអាមេរិក បានធ្វើសមយុទ្ធយោធារួមគ្នា បាញ់គ្រាប់ពិត សម្រាប់បង្កើនសមត្ថភាពដល់កងទ័ពជប៉ុន ការពារដែនកោះដាច់ស្រយាលរបស់ខ្លួន ដោយប្រើប្រាស់មីស៊ីលដ៏ទំនើប ប្រឆាំងនឹងរថក្រោះរបស់សត្រូវ។
សារព័ត៌មានរបស់ជប៉ុន NHK (អិនហះកា) បានចេញផ្សាយ កាលពីថ្ងៃអាទិត្យ ទី២៨ ខែសីហា ថា កម្លាំងថ្មើរជើងរបស់កងទ័ពស្វ័យការពារជប៉ុន និង កងទ័ពសហរដ្ឋអាមេរិក កាលពីថ្ងៃអាទិត្យ បានធ្វើសមយុទ្ធរួមគ្នាមួយ ឈ្មោះ Orient Shield 22 នៅលើកោះគ្យូស៊ូ (Kyushu) ជាកោះដ៏ធំបំផុតមួយ ស្ថិតនៅភាគនិរតី ប្រទេសជប៉ុន។ កងទ័ព ជាសម្ពន្ធមិត្ត នៃប្រទេសទាំង២នេះ បានប្រើប្រាស់មីស៊ីលបាញ់លើស្មា សម្រាប់ប្រឆាំងនឹងរថក្រោះ ចាវេលីន (Javelin) នៅក្នុងការធ្វើសមយុទ្ធរបស់ពួកគេ។ ចំណែកមីស៊ីល ប្រភេទនេះ ក៏ត្រូវបានសហរដ្ឋអាមេរិក ផ្គត់ផ្គង់ ទៅឲ្យកងទ័ពអ៊ុយក្រែន យកទៅប្រើប្រាស់យ៉ាងមានប្រសិទ្ធភាព សម្រាប់ទប់ទល់នឹងរថចម្បាំងរបស់រុស្ស៊ី ផងដែរ។
នៅថ្ងៃដំបូង នៃការធ្វើសមយុទ្ធយោធាដ៏ធំ រវាងកងទ័ព ប្រទេសជាសម្ពន្ធមិត្ត ទាំង២នេះ គឺសហរដ្ឋអាមេរិក បានបាញ់មីស៊ីល Javelin ខណៈជប៉ុន បានបាញ់មីស៊ីល ប្រភេទ 01 LMAT ជាប្រភេទមីស៊ីលកែពី Javelin របស់ជប៉ុន នៅកន្លែងសមយុទ្ធ Oyanohara ស្ថិតក្នុងទីក្រុងយ៉ាម៉ាតូ (Yamato) ខេត្តគូម៉ាម៉ូតូ (Kumamoto)។
ការធ្វើសមយុទ្ធយោធារួមគ្នា រវាងប្រទេស ជាសម្ពន្ធមិត្តទាំង២នេះ បានចាប់ផ្ដើម ពីថ្ងៃអាទិត្យ ទី២៨ ខែសីហា រហូតដល់ថ្ងៃទី៩ ខែកញ្ញា ឆ្នាំ២០២២ ដោយមានការចូលរួម ពីកងកម្លាំងស្វ័យការពារជប៉ុន ចំនួន ១ ៤០០នាក់ និង កងទ័ពសហរដ្ឋអាមេរិក ចំនួន៧០០នាក់។ សមយុទ្ធយោធានេះ បានផ្ដោលគោលដៅយ៉ាងសំខាន់ ដើម្បីបង្កើនសមត្ថភាពការពារដែនកោះ ស្ថិតក្នុងតំបន់ដាច់ស្រយាល នៃប្រទេសជប៉ុន។
សហរដ្ឋអាមេរិក បានផ្គត់ផ្គង់មីស៊ីលប្រឆាំងនឹងរថក្រោះ ប្រភេទ Javelin ទៅដល់កងទ័ពអ៊ុយក្រែន សម្រាប់ប្រើប្រាស់ ប្រឆាំងនឹងរថចម្បាំងរបស់ទាហានរុស្ស៉ី ហើយកងកម្លាំងស្វ័យការពាររបស់ជប៉ុន និង បណ្ដាប្រទេស ជាសម្ពន្ធមិត្តរបស់ក្រុងវ៉ាស៊ីនតោន ជាច្រើនផ្សេងទៀត ក៏បានប្រើប្រព័ន្ធមីស៊ីលប្រភេទនេះផងដែរ៕
សារព័ត៌មានរបស់ជប៉ុន NHK (អិនហះកា) បានចេញផ្សាយ កាលពីថ្ងៃអាទិត្យ ទី២៨ ខែសីហា ថា កម្លាំងថ្មើរជើងរបស់កងទ័ពស្វ័យការពារជប៉ុន និង កងទ័ពសហរដ្ឋអាមេរិក កាលពីថ្ងៃអាទិត្យ បានធ្វើសមយុទ្ធរួមគ្នាមួយ ឈ្មោះ Orient Shield 22 នៅលើកោះគ្យូស៊ូ (Kyushu) ជាកោះដ៏ធំបំផុតមួយ ស្ថិតនៅភាគនិរតី ប្រទេសជប៉ុន។ កងទ័ព ជាសម្ពន្ធមិត្ត នៃប្រទេសទាំង២នេះ បានប្រើប្រាស់មីស៊ីលបាញ់លើស្មា សម្រាប់ប្រឆាំងនឹងរថក្រោះ ចាវេលីន (Javelin) នៅក្នុងការធ្វើសមយុទ្ធរបស់ពួកគេ។ ចំណែកមីស៊ីល ប្រភេទនេះ ក៏ត្រូវបានសហរដ្ឋអាមេរិក ផ្គត់ផ្គង់ ទៅឲ្យកងទ័ពអ៊ុយក្រែន យកទៅប្រើប្រាស់យ៉ាងមានប្រសិទ្ធភាព សម្រាប់ទប់ទល់នឹងរថចម្បាំងរបស់រុស្ស៊ី ផងដែរ។
នៅថ្ងៃដំបូង នៃការធ្វើសមយុទ្ធយោធាដ៏ធំ រវាងកងទ័ព ប្រទេសជាសម្ពន្ធមិត្ត ទាំង២នេះ គឺសហរដ្ឋអាមេរិក បានបាញ់មីស៊ីល Javelin ខណៈជប៉ុន បានបាញ់មីស៊ីល ប្រភេទ 01 LMAT ជាប្រភេទមីស៊ីលកែពី Javelin របស់ជប៉ុន នៅកន្លែងសមយុទ្ធ Oyanohara ស្ថិតក្នុងទីក្រុងយ៉ាម៉ាតូ (Yamato) ខេត្តគូម៉ាម៉ូតូ (Kumamoto)។
ការធ្វើសមយុទ្ធយោធារួមគ្នា រវាងប្រទេស ជាសម្ពន្ធមិត្តទាំង២នេះ បានចាប់ផ្ដើម ពីថ្ងៃអាទិត្យ ទី២៨ ខែសីហា រហូតដល់ថ្ងៃទី៩ ខែកញ្ញា ឆ្នាំ២០២២ ដោយមានការចូលរួម ពីកងកម្លាំងស្វ័យការពារជប៉ុន ចំនួន ១ ៤០០នាក់ និង កងទ័ពសហរដ្ឋអាមេរិក ចំនួន៧០០នាក់។ សមយុទ្ធយោធានេះ បានផ្ដោលគោលដៅយ៉ាងសំខាន់ ដើម្បីបង្កើនសមត្ថភាពការពារដែនកោះ ស្ថិតក្នុងតំបន់ដាច់ស្រយាល នៃប្រទេសជប៉ុន។
សហរដ្ឋអាមេរិក បានផ្គត់ផ្គង់មីស៊ីលប្រឆាំងនឹងរថក្រោះ ប្រភេទ Javelin ទៅដល់កងទ័ពអ៊ុយក្រែន សម្រាប់ប្រើប្រាស់ ប្រឆាំងនឹងរថចម្បាំងរបស់ទាហានរុស្ស៉ី ហើយកងកម្លាំងស្វ័យការពាររបស់ជប៉ុន និង បណ្ដាប្រទេស ជាសម្ពន្ធមិត្តរបស់ក្រុងវ៉ាស៊ីនតោន ជាច្រើនផ្សេងទៀត ក៏បានប្រើប្រព័ន្ធមីស៊ីលប្រភេទនេះផងដែរ៕