ទីក្រុងតៃប៉ិ៖ ការគំរាមកំហែង ពីក្រុងប៉េកាំង កាន់តែខ្លាំងឡើង ទៅលើតៃវ៉ាន់ ចាប់តាំងពីប្រធានសភាដ៏មានឥទ្ធិពលរបស់សហរដ្ឋអាមេរិក លោកស្រី ណានស៊ី ផេឡូស៊ី (Nancy Pelosi) បានមកបំពេញទស្សនកិច្ច កាលពីថ្ងៃទី២ ខែសីហា ទើបរដ្ឋាភិបាលក្រុងតៃប៉ិ បង្កើននូវកញ្ចប់ថវិកា លើវិស័យការពារជាតិយ៉ាងច្រើន សម្រាប់ទិញគ្រឿងយុទ្ធោបករណ៍ទំនើបៗរបស់សហរដ្ឋអាមេរិក ដោយមានទាំងយន្ដហោះគ្មានមនុស្សបើកបរ សម្រាប់ត្រៀមធ្វើសង្គ្រាម ជាមួយនឹងចិន។
សារព័ត៌មាន Taiwan News បានចេញផ្សាយ កាលពីព្រឹក ថ្ងៃពុធ ទី៣១ ខែសីហា ថា តៃវ៉ាន់ បានចុះកិច្ចព្រមព្រៀងជាផ្លូវការ ជាមួយនឹងសហរដ្ឋអាមេរិក ដើម្បីទិញយន្ដហោះគ្មានមនុស្សបើកបរដ៏កំណាច ប្រភេទ ឆ្មាំសមុទ្រ MQ-9B ចំនួន៤គ្រឿង នៅក្នុងតម្លៃ ១៦,៨៨ពាន់លានដុល្លារតៃវ៉ាន់ ឬស្មើនឹង ៥៥៥លានដុល្លារសហរដ្ឋអាមេរិក។
លោក វ៉ាង ទីងយូ (Wang Ting-yu) សមាជិកសភា មកពីគណបក្សវឌ្ឍនភាពប្រជាធិបតេយ្យ ហៅកាត់ DPP បានប្រកាស នៅទំព័របណ្ដាញសង្គមហ្វេសប៊ុករបស់គាត់ កាលពីព្រឹក ថ្ងៃពុធ (ទី៣១ ខែសីហា) ថា ក្រោយមានការពិភាក្សាគ្នា យ៉ាងយកចិត្តទុកដាក់ រវាងក្រុមមន្ដ្រីជំនាញរបស់សហរដ្ឋអាមេរិក និង តៃវ៉ាន់ រួចមក ក៏ឈានដល់សេចក្តីប្រកាស អំពីការផ្ដល់លទ្ធកម្មចុងក្រោយរបស់ក្រសួងការពារជាតិ ដោយបានបញ្ជាក់ ថា ទីបញ្ជាការកងទ័ពអាកាសតៃវ៉ាន់ បានអញ្ជើញគណៈប្រតិភូយោធា មកពីសហរដ្ឋអាមេរិក ដើម្បីចុះហត្ថលេខាជាផ្លូវការ លើកិច្ចសន្យាទិញយន្ដហោះគ្មានមនុស្សបើកបរ ប្រភេទ ឆ្មាំសមុទ្រ MQ-9B ចំនួន៤គ្រឿងពីវិទ្យាស្ថានសហរដ្ឋអាមេរិកនៅតៃវ៉ាន់។
កិច្ចសន្យាទិញគ្រឿងចម្បាំងដ៏ទំនើបនេះ ត្រូវបានចូលជាធរមាន ចាប់ពីថ្ងៃទី២៤ ខែសីហា ឆ្នាំ២០២២ ហើយនឹងបន្ត រហូតដល់ចុងឆ្នាំ២០២៩។ រីឯយន្តហោះគ្មានមនុស្សបើក MQ-9B លើកដំបូង នឹងមកដល់កោះតៃវ៉ាន់ នៅក្នុងឆ្នាំ២០២៥។ ចំណែកកញ្ចប់ថវិកា សម្រាប់គ្រឿងសឹក តម្លៃ ១៦,៨៨ពាន់លានដុល្លារតៃវ៉ាន់ ឬស្មើនឹង ៥៥៥ដុល្លារសហរដ្ឋអាមេរិក នេះ ក៏រាប់បញ្ចូលទាំង យន្ដហោះគ្មានមនុស្សបើកបរ ប្រភេទ MQ-9B SeaGardian ចំនួន៤គ្រឿង និង ឧបករណ៍ពាក់ព័ន្ធនឹងស្ថានីយត្រួតពិនិត្យ នៅដី និង ប្រព័ន្ធជំនួយផ្សេងៗទៀតផងដែរ។
ដោយឡែក មូលដ្ឋានសម្រាប់យន្តហោះគ្មានមនុស្សបើកបរនេះ នឹងត្រូវដាក់ នៅក្នុងតំបន់ហួលៀន (Hualien)។ រីឯការចំណាយ សរុប រួមទាំងយន្តហោះគ្មានមនុស្សបើក នឹងកើនឡើង រហូតដល់ ២១,៧ពាន់លានដុល្លារតៃវ៉ាន់ ឬស្មើនឹងប្រហែលជាង ៧១៥,៣៧លានដុល្លារសហរដ្ឋអាមេរិក ដោយរួមបញ្ចូលទាំងការចំណាយ លើការសាងសង់ប្រព័ន្ធពាក់ព័ន្ធ នៅតៃវ៉ាន់ សង់អគារថ្មី សម្រាប់ស្ថានីយត្រួតពិនិត្យនៅលើដី ការអប់រំ និង ការបណ្តុះបណ្តាល ឧបករណ៍ជំនួយ ហើយប្រតិបត្តិការផ្សេងៗទៀត។
ក្រៅតែពីការទិញគ្រឿងយុទ្ធោបករណ៍ទំនើបៗ មកពីបស្ចិមលោកនោះ តៃវ៉ាន់ ក៏បានទិញគ្រឿងសឹក នៅក្នុងស្រុក ជាច្រើនទៀត ដែលផលិត ដោយវិទ្យាស្ថានវិទ្យាសាស្ដ្រ និង បច្ចេកវិទ្យាជាតិ ចុងសាន (Chung-Shan) ហៅកាត់ NCSIST មានដូចជា យន្ដហោះគ្មានអ្នកបើកបរ មានរហស្សនាមអ្នកដើរលើអាកាស Teng Yun 2 …ផងដែរ។
យន្ដហោះគ្មានមនុស្សបើកបរ ឬដ្រូន MQ-9B នេះ ផលិត នៅសហរដ្ឋអាមេរិក ហើយវាអាចហោះហើរ នៅក្នុងល្បឿន ៤៨២គីឡូម៉ែត្រ ក្នុង១ម៉ោង និង ហោះបានចម្ងាយ ១ ៨៥០គីឡូម៉ែត្រ។ បច្ចុប្បន្ន ដ្រូនប្រភេទនេះ ត្រូវបានដាក់ឲ្យកងទ័ពអាកាសរបស់សហរដ្ឋអាមេរិក ប្រើប្រាស់។
រដ្ឋាភិបាលតៃប៉ិ បានបញ្ជាក់ កាលពីថ្ងៃទី២៥ ខែសីហា ថា តៃវ៉ាន់ បានស្នើសុំកញ្ចប់ថវិកា លើវិស័យការពារជាតិ សម្រាប់ឆ្នាំសារពើពន្ធ ២០២៣ មានទំហំទឹកប្រាក់ ៥៨៦,៣ពាន់លានដុល្លារតៃវ៉ាន់ ឬស្មើនឹងជាង ១៩,៣៥៧ពាន់លានដុល្លារសហរដ្ឋអាមេរិក។ ចំនួនថវិកា សម្រាប់វិស័យការពារជាតិ នាឆ្នាំ២០២៣នេះ បានកើតឡើង រហូតដល់ ១៣,៩ភាគរយ បើធៀបនឹងការចំណាយ កាលពីឆ្នាំមុខ។
តៃវ៉ាន់ បានបង្កើនការចំណាយលើវិស័យការពារជាតិ សម្រាប់ឆ្នាំសារពើពន្ធ ២០២៣ ដ៏ច្រើនបែបនេះ ក៏ដោយសារតែមានការគំរាមកំហែង ពីប្រទេសចិន ចេះតែកើនឡើង មកលើសន្ដិសុខ នៅលើដែនកោះគ្រប់គ្រងដោយខ្លួនឯងមួយនេះ។ ក្រុងប៉េកាំង តែងតែចាត់ទុកតៃវ៉ាន់ ជាដែនដីរបស់ចិន ហើយខ្លួននឹងប្រើប្រាស់កម្លាំងយោធា ប្រសិនបើក្រុងតៃប៉ិ ហ៊ានប្រកាសពីឯករាជភាព កាត់ផ្ដាច់ចេញពីចិន៕
សារព័ត៌មាន Taiwan News បានចេញផ្សាយ កាលពីព្រឹក ថ្ងៃពុធ ទី៣១ ខែសីហា ថា តៃវ៉ាន់ បានចុះកិច្ចព្រមព្រៀងជាផ្លូវការ ជាមួយនឹងសហរដ្ឋអាមេរិក ដើម្បីទិញយន្ដហោះគ្មានមនុស្សបើកបរដ៏កំណាច ប្រភេទ ឆ្មាំសមុទ្រ MQ-9B ចំនួន៤គ្រឿង នៅក្នុងតម្លៃ ១៦,៨៨ពាន់លានដុល្លារតៃវ៉ាន់ ឬស្មើនឹង ៥៥៥លានដុល្លារសហរដ្ឋអាមេរិក។
លោក វ៉ាង ទីងយូ (Wang Ting-yu) សមាជិកសភា មកពីគណបក្សវឌ្ឍនភាពប្រជាធិបតេយ្យ ហៅកាត់ DPP បានប្រកាស នៅទំព័របណ្ដាញសង្គមហ្វេសប៊ុករបស់គាត់ កាលពីព្រឹក ថ្ងៃពុធ (ទី៣១ ខែសីហា) ថា ក្រោយមានការពិភាក្សាគ្នា យ៉ាងយកចិត្តទុកដាក់ រវាងក្រុមមន្ដ្រីជំនាញរបស់សហរដ្ឋអាមេរិក និង តៃវ៉ាន់ រួចមក ក៏ឈានដល់សេចក្តីប្រកាស អំពីការផ្ដល់លទ្ធកម្មចុងក្រោយរបស់ក្រសួងការពារជាតិ ដោយបានបញ្ជាក់ ថា ទីបញ្ជាការកងទ័ពអាកាសតៃវ៉ាន់ បានអញ្ជើញគណៈប្រតិភូយោធា មកពីសហរដ្ឋអាមេរិក ដើម្បីចុះហត្ថលេខាជាផ្លូវការ លើកិច្ចសន្យាទិញយន្ដហោះគ្មានមនុស្សបើកបរ ប្រភេទ ឆ្មាំសមុទ្រ MQ-9B ចំនួន៤គ្រឿងពីវិទ្យាស្ថានសហរដ្ឋអាមេរិកនៅតៃវ៉ាន់។
កិច្ចសន្យាទិញគ្រឿងចម្បាំងដ៏ទំនើបនេះ ត្រូវបានចូលជាធរមាន ចាប់ពីថ្ងៃទី២៤ ខែសីហា ឆ្នាំ២០២២ ហើយនឹងបន្ត រហូតដល់ចុងឆ្នាំ២០២៩។ រីឯយន្តហោះគ្មានមនុស្សបើក MQ-9B លើកដំបូង នឹងមកដល់កោះតៃវ៉ាន់ នៅក្នុងឆ្នាំ២០២៥។ ចំណែកកញ្ចប់ថវិកា សម្រាប់គ្រឿងសឹក តម្លៃ ១៦,៨៨ពាន់លានដុល្លារតៃវ៉ាន់ ឬស្មើនឹង ៥៥៥ដុល្លារសហរដ្ឋអាមេរិក នេះ ក៏រាប់បញ្ចូលទាំង យន្ដហោះគ្មានមនុស្សបើកបរ ប្រភេទ MQ-9B SeaGardian ចំនួន៤គ្រឿង និង ឧបករណ៍ពាក់ព័ន្ធនឹងស្ថានីយត្រួតពិនិត្យ នៅដី និង ប្រព័ន្ធជំនួយផ្សេងៗទៀតផងដែរ។
ដោយឡែក មូលដ្ឋានសម្រាប់យន្តហោះគ្មានមនុស្សបើកបរនេះ នឹងត្រូវដាក់ នៅក្នុងតំបន់ហួលៀន (Hualien)។ រីឯការចំណាយ សរុប រួមទាំងយន្តហោះគ្មានមនុស្សបើក នឹងកើនឡើង រហូតដល់ ២១,៧ពាន់លានដុល្លារតៃវ៉ាន់ ឬស្មើនឹងប្រហែលជាង ៧១៥,៣៧លានដុល្លារសហរដ្ឋអាមេរិក ដោយរួមបញ្ចូលទាំងការចំណាយ លើការសាងសង់ប្រព័ន្ធពាក់ព័ន្ធ នៅតៃវ៉ាន់ សង់អគារថ្មី សម្រាប់ស្ថានីយត្រួតពិនិត្យនៅលើដី ការអប់រំ និង ការបណ្តុះបណ្តាល ឧបករណ៍ជំនួយ ហើយប្រតិបត្តិការផ្សេងៗទៀត។
ក្រៅតែពីការទិញគ្រឿងយុទ្ធោបករណ៍ទំនើបៗ មកពីបស្ចិមលោកនោះ តៃវ៉ាន់ ក៏បានទិញគ្រឿងសឹក នៅក្នុងស្រុក ជាច្រើនទៀត ដែលផលិត ដោយវិទ្យាស្ថានវិទ្យាសាស្ដ្រ និង បច្ចេកវិទ្យាជាតិ ចុងសាន (Chung-Shan) ហៅកាត់ NCSIST មានដូចជា យន្ដហោះគ្មានអ្នកបើកបរ មានរហស្សនាមអ្នកដើរលើអាកាស Teng Yun 2 …ផងដែរ។
យន្ដហោះគ្មានមនុស្សបើកបរ ឬដ្រូន MQ-9B នេះ ផលិត នៅសហរដ្ឋអាមេរិក ហើយវាអាចហោះហើរ នៅក្នុងល្បឿន ៤៨២គីឡូម៉ែត្រ ក្នុង១ម៉ោង និង ហោះបានចម្ងាយ ១ ៨៥០គីឡូម៉ែត្រ។ បច្ចុប្បន្ន ដ្រូនប្រភេទនេះ ត្រូវបានដាក់ឲ្យកងទ័ពអាកាសរបស់សហរដ្ឋអាមេរិក ប្រើប្រាស់។
រដ្ឋាភិបាលតៃប៉ិ បានបញ្ជាក់ កាលពីថ្ងៃទី២៥ ខែសីហា ថា តៃវ៉ាន់ បានស្នើសុំកញ្ចប់ថវិកា លើវិស័យការពារជាតិ សម្រាប់ឆ្នាំសារពើពន្ធ ២០២៣ មានទំហំទឹកប្រាក់ ៥៨៦,៣ពាន់លានដុល្លារតៃវ៉ាន់ ឬស្មើនឹងជាង ១៩,៣៥៧ពាន់លានដុល្លារសហរដ្ឋអាមេរិក។ ចំនួនថវិកា សម្រាប់វិស័យការពារជាតិ នាឆ្នាំ២០២៣នេះ បានកើតឡើង រហូតដល់ ១៣,៩ភាគរយ បើធៀបនឹងការចំណាយ កាលពីឆ្នាំមុខ។
តៃវ៉ាន់ បានបង្កើនការចំណាយលើវិស័យការពារជាតិ សម្រាប់ឆ្នាំសារពើពន្ធ ២០២៣ ដ៏ច្រើនបែបនេះ ក៏ដោយសារតែមានការគំរាមកំហែង ពីប្រទេសចិន ចេះតែកើនឡើង មកលើសន្ដិសុខ នៅលើដែនកោះគ្រប់គ្រងដោយខ្លួនឯងមួយនេះ។ ក្រុងប៉េកាំង តែងតែចាត់ទុកតៃវ៉ាន់ ជាដែនដីរបស់ចិន ហើយខ្លួននឹងប្រើប្រាស់កម្លាំងយោធា ប្រសិនបើក្រុងតៃប៉ិ ហ៊ានប្រកាសពីឯករាជភាព កាត់ផ្ដាច់ចេញពីចិន៕
