រដ្ឋធានីវ៉ាស៊ីតោន៖ បណ្ដាញទូរទស្សន៍របស់សហរដ្ឋអាមេរិក បានស្ទង់មតិ នៅមុនការបោះឆ្នោតពាក់កណ្ដាលអាណត្ដិ រកឃើញថា នៅក្នុងរយៈពេល៩ខែកន្លងមកនេះ ប្រធានាធិបតីសហរដ្ឋអាមេរិក លោក ចូ បៃដិន (Joe Biden) នៅតែមានសំឡេងគាំទ្រខ្ពស់បំផុត។
សារព័ត៌មាន Newsweek បានចេញផ្សាយ កាលពីថ្ងៃទី១៧ ខែតុលា ឆ្នាំ២០២២ ថា ការស្ទង់មតិរបស់បណ្ដាញទូរទស្សន៍ Fox News បានរកឃើញ ថា នៅមុនពេលការបោះឆ្នោតពាក់កណ្តាលអាណត្តិដ៏សំខាន់ រកឃើញថា ការវាយតម្លៃ លើការគាំទ្រដល់ប្រធានាធិបតី Joe Biden នៅខ្ពស់បំផុត ក្នុងរយៈពេលប្រាំបួនខែ ដោយផ្អែកលើការស្ទង់មតិជាច្រើន កាលពីមុន លើការស្ទង់មតិនេះ។ ការស្ទង់មតិនេះ ធ្វើឡើង ក្រោមការដឹកនាំរួមគ្នារបស់ Beacon Research និង Shaw & Company Research បានរកឃើញ ថា ការវាយតម្លៃ លើការគាំទ្រដល់លោក ចូ បៃដិន ឥឡូវនេះឈរនៅកម្រិត៤៦ភាគរយ ខណៈអ្នកឆ្លើយតប៥៣ភាគរយ នៅមិនទាន់យល់ព្រម សម្រាប់គាត់។
បើទោះជាការស្ទង់មតិ បានរកឃើញថា ការគាំទ្រដល់ប្រធានាធិបតី នៅតែមាន នៅក្នុងតំបន់តិចតួចក៏ដោយ ក៏ការវាយតម្លៃនេះឃើញថា គាត់នៅតែមានការគាំទ្រខ្ពស់បំផុត នៅក្នុងការស្ទង់មតិរបស់ Fox News ចាប់តាំងពីខែមករា រហូតមក ដោយការគាំទ្រ ចំនួន៤៧ភាគរយ៕
