យោងតាមការចុះផ្សាយដោយសារព័ត៌មាន News Week នៅថ្ងៃទី១០ សីហានេះបានឲ្យដឹងថា មេបញ្ជាការកងទ័ពជើងទឹកសហរដ្ឋបាននិយាយថា កងទ័ពជើងទឹករុស្ស៊ីបានបង្ហាញពីការគម្រាមកំហែងយ៉ាងខ្លាំងក្លា មកលើកងទ័ពជើងទឹកសហរដ្ឋអាមេរិក ចាប់តាំងពីសង្គ្រាមត្រជាក់មក។
ឧត្តមនាវីឯកសហរដ្ឋអាមេរិក លោក John Richardson បានប្រាប់សារព័ត៌មានសម្លេងសហរដ្ឋអាមេរិក VOA ថា នាវាមុជទឹករុស្ស៊ីបានឈានទៅដល់កម្រិតដ៏ខ្ពស់បំផុត ដែលមិនដែលបានជួបប្រទះអស់រយៈពេល ២៥ឆ្នាំកន្លងមកនេះ ចាប់តាំងពីការដួលរលំនៃអតីតសហភាពសូវៀត។ ក្រោយការដឹកនាំដោយប្រធានាធិបតីរុស្ស៊ី លោក ពូទីន កងទ័ពជើងទឹកប្រទេសនេះ បានព្យាយាមស្តាកិត្យានុភាពរបស់ខ្លួនឡើងវិញ និងពង្រីកសមត្ថភាពកងកម្លាំងយោធារបស់ខ្លួននៅទូទាំងពិភពលោក ចាប់ពីសមុទ្រមេឌីទែរ៉ាណេ រហូតដល់មហាសមុទ្រប៉ាស៊ីហ្វីក។
លោករីឆាតសុន ក៏បានហៅវត្តមានកងទ័ពជើងទឹករបស់ចិនថាជាកម្លាំងចលករថ្មីមួយផងដែរ ដែលកំពុងតែត្រៀមខ្លួន និងមានលទ្ធភាពបង្កការគម្រាមកំហែងមកលើកងកម្លាំងសហរដ្ឋអាមេរិក។ លោកបាននិយាយថា សកម្មភាពយោធារបស់រុស្ស៊ី និងចិននៅជិតឆ្នេរសហរដ្ឋអាមេរិក បានញ៉ាំងឲ្យកងទ័ពជើងទឹកអាមេរិកមានប្រតិកម្មតបវិញ ខណៈដែលកងទ័ពមហាយក្សទាំងពីរបានលេចឡើងនៅមហាសមុទ្រអាត្លង់ទិចខាងជើង។
ជាក់ស្តែង មួយថ្ងៃក្រោយបទសម្ភាសន៍របស់លោក រីឆាតសុន រុស្ស៊ីបានបញ្ជូនកងនាវាចម្បាំងរបស់ខ្លួនទៅកាន់ឈូងសមុទ្រអាដែន ដើម្បីធ្វើបេសកកម្មប្រឆាំងចោរសមុទ្រ។ កាលពីថ្ងៃព្រហស្បតិ៍នាវាចម្បាំងរុស្ស៊ីចំនួន ២គ្រឿងបានធ្វើប្រតិបត្តិការផ្តោតលើការហ្វឹកហាត់ ក្នុងការប្រើប្រាស់អាវុធ និងបច្ចេកវិទ្យានៃនាវាចម្បាំង។ បន្ថែមលើសនេះ រុស្ស៊ីតែងតែចាប់ដៃជាមួយចិន ដើម្បីធ្វើសមយុទ្ធនៅក្នុងមហាសមុទ្រ ដែលកំពុងមានការប្រជែងឥទ្ធិពលគ្នាថែមទៀតផង៕DNT-NEWS
លោករីឆាតសុន ក៏បានហៅវត្តមានកងទ័ពជើងទឹករបស់ចិនថាជាកម្លាំងចលករថ្មីមួយផងដែរ ដែលកំពុងតែត្រៀមខ្លួន និងមានលទ្ធភាពបង្កការគម្រាមកំហែងមកលើកងកម្លាំងសហរដ្ឋអាមេរិក។ លោកបាននិយាយថា សកម្មភាពយោធារបស់រុស្ស៊ី និងចិននៅជិតឆ្នេរសហរដ្ឋអាមេរិក បានញ៉ាំងឲ្យកងទ័ពជើងទឹកអាមេរិកមានប្រតិកម្មតបវិញ ខណៈដែលកងទ័ពមហាយក្សទាំងពីរបានលេចឡើងនៅមហាសមុទ្រអាត្លង់ទិចខាងជើង។
ជាក់ស្តែង មួយថ្ងៃក្រោយបទសម្ភាសន៍របស់លោក រីឆាតសុន រុស្ស៊ីបានបញ្ជូនកងនាវាចម្បាំងរបស់ខ្លួនទៅកាន់ឈូងសមុទ្រអាដែន ដើម្បីធ្វើបេសកកម្មប្រឆាំងចោរសមុទ្រ។ កាលពីថ្ងៃព្រហស្បតិ៍នាវាចម្បាំងរុស្ស៊ីចំនួន ២គ្រឿងបានធ្វើប្រតិបត្តិការផ្តោតលើការហ្វឹកហាត់ ក្នុងការប្រើប្រាស់អាវុធ និងបច្ចេកវិទ្យានៃនាវាចម្បាំង។ បន្ថែមលើសនេះ រុស្ស៊ីតែងតែចាប់ដៃជាមួយចិន ដើម្បីធ្វើសមយុទ្ធនៅក្នុងមហាសមុទ្រ ដែលកំពុងមានការប្រជែងឥទ្ធិពលគ្នាថែមទៀតផង៕DNT-NEWS
