កាលពីពេលកន្លងទៅនេះ គ្រោះរញ្ជួយដីកម្រិត៦.៧រ៉ិចទ័រ បានវាយប្រហារលើកោះហុកកៃដូ (Hokkaido និង តំបន់មួយចំនួនទៀតនៅក្នុងប្រទេស ជប៉ុន ដោយបណ្ដាលឱ្យមានគ្រោះរអិលបាក់ដី ដែលបានបាក់សង្កត់លើផ្ទះជាច្រើនខ្នង និងបង្កឱ្យមនុស្សជាច្រើននាក់រងរបួស។
ជុំវិញបញ្ហានេះស្ថានឯកអគ្គរាជទូតកម្ពុជា ប្រចាំប្រទេសជប៉ុន នៅព្រឹកថ្ងៃទី៦ ខែកញ្ញា ឆ្នាំ២០១៩នេះ បានប្រកាសនៅលើទំព័រហ្វេសប៊ុកផ្លូវការរបស់ខ្លួន ដើម្បីជូនដំណឹងដល់ប្រជាពលរដ្ឋខ្មែរ សិស្ស និស្សិត ឬសិក្ខាកាមខ្មែរ ដែលរស់នៅក្នុងតំបន់នៃខេត្ត ហុកកៃដូ ប្រទេសជប៉ុន ក្រោយការរញ្ជួយដីកម្រិត ៦,៧រ៉ិចទ័រ វាយប្រហារក្នុងតំបន់នេះកាលពីម៉ោងប្រហែល ៣ព្រឹកថ្ងៃដដែល (នៅជប៉ុន)។
ស្ថានឯកអគ្គរាជទូតកម្ពុជា ប្រចាំប្រទេសជប៉ុន បញ្ជាក់ថា ប្រសិនបើប្រជាពលរដ្ឋ សិស្ស/និស្សិត ឬសិក្ខាកាមខ្មែរ ទទួលរងផលប៉ះពាល់ដោយសាររញ្ជួយដីនេះ ត្រូវជូនដំណឹងមកស្ថានទូតជាបន្ទាន់តាមរយៈទំព័រហ្វេសប៊ុករបស់ស្ថានទូត ឬទូរសព្ទលេខ ០៨០ ៤០៧ ៥៥៧ ០៧ និង ០៨០ ៣៤៥ ៩៧៨ ៨៩ ។
គួរបញ្ជាក់ដែរថា បើតាមអាជ្ញាធរជប៉ុនគ្រោះរញ្ជួយដីខាងលើបានបណ្តាលឲ្យុមនុស្ស១០នាក់ បានរងរបួស ហើយក្នុងនោះមានម្នាក់រងរបួសធ្ងន់។ ប៉ុន្តែមិន មានសេចក្ដីរាយការណ៍ពីអ្នកស្លាប់ឡើយ ខណៈផ្ទះជាច្រើនខ្នងគ្មានអគ្គិសនីប្រើប្រាស់។ គ្រោះរញ្ជួយដីនេះ បានកើត ឡើងនៅម៉ោង ៣៖០៨នាទីព្រឹក (ម៉ោងនៅក្នុងតំបន់) ព្រមទាំងមានជម្រៅរញ្ជួយទៅក្នុងដី៦៨គីឡូម៉ែត្រ តែមិនមានការប្រកាសអាសន្នពីរលកយក្សស៊ូណាមិននោះទេ។
Home ព្រឹត្តិការណ៍ថ្មីៗ ស្ថានទូតកម្ពុជា ប្រចាំប្រទេសជប៉ុន ចេញសេចក្តីប្រកាសព័ត៌មានដល់ពលរដ្ឋខ្មែរដែលរស់នៅប្រទេសជប៉ុនឲ្យផ្តល់ដំណឹងបន្ទាន់ប្រសិនជា ទទួលរងផលប៉ះពាល់ដោយសាររញ្ជួយដី