អាល្លឺម៉ង់ អង់គ្លេស និងបារាំងបានទាមទារឲ្យមានការបើកការស៊ើបអង្កេតមួយជុំវិញការបាត់ខ្លួនអ្នកកាសែងអារ៉ាប៊ីសាអូឌីត លោក Jamal Khashoggi ខណៈដែលអន្តរជាតិបានដាក់សម្ពាពទៅលើទីក្រុងរីយ៉ាដ ឲ្យធ្វើការបកស្រាយអំពីការបាត់ខ្លួននេះ។
លោក Khashoggi ដែលជាអ្នកសារព័ត៌មានរបស់កាសែតវ៉ាស៊ីនតោនប៉ុស្តិ៍ និងជាអ្នកវាយប្រហាររដ្ឋាភិបាលអារ៉ាប៊ីសាអូឌីតផង បានបាត់ខ្លួនបន្ទាប់ពីបានចូលខ្លួនទៅកាន់ស្ថានកុងស៊ុលអារ៉ាប៊ីសាអូឌីត នៅក្នុងទីក្រុងអ៊ីស្តង់ប៊ុល កាលពីថ្ងៃទី២ តុលាដើម្បីទទួលបានលិខិតស្នាម ដែលអនុញ្ញាតឲ្យលោកអាចរៀបការជាមួយគូដណ្តឹងរបស់លោក ជនជាតិតួកគី។
ការបាត់ខ្លួនរបស់លោកបានទទួលការថ្កោលទោសពីអន្តរជាតិហើយ បានជំរុញឱ្យរដ្ឋធានី Washington ធញវើការគម្រាមផ្នែកពាណិជ្ជកម្មទៅដល់ក្រុងរីយ៉ាត។ ជាមួយគ្នាននេះដែរ លោកប្រធានាធិបតីសហរដ្ឋអាមេរិក លោកត្រាំក៏បានព្រមានអំពីទណ្ឌកម្មដ៏ខ្ឡាំងក្លាផងដែរ ប្រសិនបើរកឃើញថា អារ៉ាប៊ីសាអូឌីត គឺជាអ្នកនៅពីក្រោយខ្នងនៃការសម្រាប់អ្នកកាសែតរូបនោះ។
ដោយឡែក កាលពីព្រឹកថ្ងៃអាទិត្យ អារ៉ាប៊ីសាអ៊ូឌីតបានប្រតិកម្មខ្លាំងក្លាយ ដោយគំរាមសងសឹកវិញ បើសិនជាសហរដ្ឋអាមេរិកដាក់ទណ្ឌកម្មមកលើទីក្រុងរីយ៉ាដ។ នេះបើតាមសម្តីមន្ត្រីម្នាក់ ដែលបាននិយាយក្នុងលក្ខណ្ឌមិនបញ្ចេញឈ្មោះ។
ទោះបីជារងការថ្កោលទោសពីសំណាក់អន្តរជាតិក៏ដោយ ក៏មានបណ្តាប្រទេសអារ៉ាប់ជាច្រើនបានបង្ហាញការគាំទ្រដល់អារ៉ាប៊ីសាអូឌីតមានដូចជា អូម៉ង់ បារ៉ែន ហ្សកដង់ លីបង់ អេមីរ៉ាត់អារ៉ាប់រួម និងអេហ្ស៊ីប។ ជាមួយគ្នាននេះ ប៉ាឡេស្ទីនក៏បានចេញសេចក្តីថ្លែងការណ៍គាំទ្រផងដែរ។ ទីភ្នាក់ងារសារព័ត៌មានអារ៉ាប់ និងទីភ្នាក់ងារព័ត៌មានរដ្ឋ Anadolu របស់ទួរគីបានរាយការណ៍ថា ប្រទេសទាំងពីរនេះកំពុងពិចារណាបង្កើត "ក្រុមការងារ" ដើម្បីពិភាក្សាអំពីករណីបាត់ខ្លួនអ្នកកាសែត Khashoggi ៕
Home ព្រឹត្តិការណ៍ថ្មីៗ អន្តរជាតិបង្កើនការដាក់សម្ពាធទៅលើអារ៉ាប៊ីសាអូឌីតជុំវិញការបាត់ខ្លួនអ្នកកាសែត