(ចាកាតា)៖ យោងតាមសារព័ត៌មាន News Week នៅថ្ងៃទី២២ តុលា នេះបានឲ្យដឹងថា ស្ត្រីទាំងឡាយណាដែលចង់ក្លាយទៅជាប៉ូលីស ដាច់ខាតត្រូវឆ្លងកាត់ធ្វើតេស្តព្រហ្មចារីជាមុនសិន ខណៈដែលប្រទេសនេះតម្រូវឲ្យប៉ូលីសស្រីត្រូវមានព្រហ្មចារី។
បណ្ដាញទូរទស្សន៍អូស្ត្រាលី ABC News បានរាយការណ៍ថា ថ្វីបើមានសម្ពាធពីអន្តរជាតិ ដើម្បីបញ្ចប់ការអនុវត្តនេះក៏ដោយ ក៏បេក្ខជននៅតែត្រូវបានតម្រូវឲ្យឆ្លងកាត់ការធ្វើតេស្តព្រហ្មចារីដោយប្រើម្រាមដៃពីរ ដដែល។
អង្គការសុខភាពពិភពលោកបានឱ្យដឹងនៅឆ្នាំ ២០១៤ថា ការធ្វើតេស្តនេះមិនមានសុពលភាពខាងវិទ្យាសាស្ត្រទេ ហើយក្រុមឃ្លាំមើលសិទ្ធិមនុស្សអន្តរជាតិ Human Rights Watch បានជំរុញឱ្យប្រធានាធិបតីឥណ្ឌូណេស៊ី លោក Joko Widodo ហាមឃាត់នូវការអនុវត្តបែបនេះ។ នៅក្នុងពាក្យបណ្តឹងទៅកាន់អង្គការឃ្លាំមើលសិទិ្ធមនុស្ស ដែលទទួលបានដោយសារព័ត៌មាន ABC ស្ត្រីឥណ្ឌូនេស៊ីម្នាក់ដែលត្រូវបានកំណត់អត្តសញ្ញាណថា Zakia បាននិយាយថា នាងបានបរាជ័យក្នុងការធ្វើតេស្ត ដែលចង់ដឹងថា តើនាងមានព្រហ្មចារីដែរឬទេ។
នាងថា «ពួកគេមិនត្រឹមតែបញ្ចូលម្រាមដៃរបស់ពួកគេ ចូលក្នុងប្រដាប់ភេទរបស់ខ្ញុំទេ ប៉ុន្តែថែមទាំងបញ្ចូលក្នុងរន្ធលាមករបស់ខ្ញុំថែមទៀតផង»។
នាងថា «រាល់ពេលដែលខ្ញុំចាំអ្វីដែលបានកើតឡើងខ្ញុំយំ ... ខ្ញុំមានអារម្មណ៍ថា ខ្ញុំមិនចង់រស់នៅទៀតទេ »។ នាងបាននិយាយថា នាងជឿថា បាងប្រហែលបានធ្វើឲ្យដាច់សន្ទះព្រហ្មចារីរបស់នាង ក្នុងកំឡុងពេលហាត់ប្រាណ។ នាងលើកឡើងថា នាងមិនមែនធ្វើការសាកល្បងនេះ ដោយក្រុមគ្រូពេទ្យមានជំនាញនោះទេ។
លោកស្រី Sharyn Graham Davies មកពីសាកលវិទ្យាល័យបច្ចេកវិទ្យាអូកឡិនក្នុងរបាយការណ៍ កាលពីដើមឆ្នាំនេះថា បេក្ខនារីក៏ត្រូវបានត្រួតពិនិត្យមើលភាពមិនសមរម្យនៃរាងកាយរបស់ពួកគេ តាមរយៈក្រុមមន្ត្រីបុរសផងដែរ។
លោកស្រីបានសរសេរថា មន្ត្រីប៉ូលីសស្រីត្រូវបានប្រើប្រាស់នៅក្នុងយុទ្ធនាការទំនាក់ទំនងសាធរណៈ ដើម្បីធ្វើកំណែទម្រង់មុខមាត់នៃប៉ូលីសពុករលួយ។ មិមែនត្រឹមតែបេក្ខនាទីជាប៉ូលីសនោះទេ ប៉ុន្តែស្ត្រីនៅក្នងកងកម្លាំងយោធាក៏ត្រូវឆ្លងកាត់ការត្រួតពិនិត្យនេះដូចគ្នា។
បេក្ខនាទីម្នាក់ឈ្មោះ Rianti បានប្រាប់កាសែត South China Morning Post ថា នាងបានឆ្លងកាត់ការពិនិត្យព្រហ្មចារីយ៍ដោយគ្រូពេទ្យបុរស បន្ទាប់ពីនាងបានដាក់ពាក្យចូលបម្រើការនៅក្នុងតំណែងជាយោធា នៅក្នុងទីក្រុង Jayapura។
នាងបន្តថា នាងចង់ឲ្យមានការបញ្ចប់ការពិនិត្យនេះឆាប់ៗ ព្រោះនាងមានអារម្មណ៍ថាយូរណាស់សម្រាប់ការពិនិត្យនេះ ដោយសារតែនាងមិនធ្លាប់មានបុរសណាមកប៉ះលើរាងការនាងពីមុនមកនោះទេ។ នាងមានអារម្មណ៍ថាខ្មាសអៀន និងភ្ញាក់ផ្អើល។
ការពិនិត្យសន្ទះព្រហ្មចារីនេះ ត្រូវបានធ្វើឡើងសម្រាប់សាខាយោធានិមួយៗរបស់ឥណ្ឌូនេស៊ីអស់រយៈពេលជាច្រើនទសវត្សមកហើយ៕
Home ព្រឹត្តិការណ៍ថ្មីៗ ឥណ្ឌូនេស៊ីទាមទារព្រហ្មចារី ដើម្បីអាចចូលបម្រើការងារជាប៉ូលីសស្រីបាន