(រដ្ឋធានីវ៉ាស៊ីនតោន)៖ ក្រសួងការបរទេសសហរដ្ឋអាមេរិកបាននិយាយនៅក្នុងសេចក្តីថ្លែងការណ៍មួយកាលពីថ្ងៃសុក្រថា កូរ៉េខាងជើងបន្តការជាប់ពាក់ព័ន្ធទៅនឹងសកម្មភាពខុសច្បាប់ ដើម្បីគេចវេសពីទណ្ឌកម្ម ដែលរឹតបន្តឹងលើឧស្សាហកម្មដឹកជញ្ជូនរបស់ខ្លួន ធ្វើឡើងដោយសហរដ្ឋអាមេរិក និងអង្គការសហប្រជាជាតិ។
សេចក្តីថ្លែងការណ៍ពីក្រសួងការបរទេសបាននិយាយថា កូរ៉េខាងជើងបន្តពឹងផ្អែកយ៉ាងខ្លាំងទៅលើសកម្មភាពដឹកជញ្ជូនដោយខុសច្បាប់ ដើម្បីគេចវេសពីទណ្ឌកម្មរបស់អង្គការសហប្រជាជាតិ។
សន្ទរកថាមន្ត្រីអាមេរិកបានធ្វើឡើងបន្ទាប់ពីក្រុមមន្ត្រីមកពីសហរដ្ឋអាមេរិក និងចក្រភពអង់គ្លេសបានជួបប្រជុំគ្នាកាលពីព្រឹកម្សិលមិញ ជាមួយបណ្តាក្រុមហ៊ុនធានារ៉ាប់រងខាងផ្លូវទឹក ក្រុមពាណិជ្ជករ និងអ្នកដទៃទៀត ដើម្បីធ្វើការពិភាក្សាពីរបៀបដែលវិស័យឯកជនអាចជួយរារាំងសកម្មភាពខុសច្បាប់របស់កូរ៉េខាងជើង។
សេចក្តីថ្លែងការណ៍នោះបាននិយាយថា «ជាផ្នែកមួយនៃព្រឹត្តិការណ៍នេះ អ្នកចូលរួមបានពិភាក្សាពីយន្តការ ក្នុងការបង្កើនកិច្ចសហប្រតិបត្តិការ រវាងវិស័យឯកជនរដ្ឋាភិបាល និងអង្គការសហប្រជាជាតិ ដើម្បីរកឃើញនិងរារាំងការដឹកជញ្ជូន ដែលទាក់ទងនឹងកូរ៉េខាងជើងនិងវិធានការសកម្ម ដើម្បីបញ្ឈប់ការផ្តល់ការធានារ៉ាប់រង និងសេវាកម្មផ្សេងទៀត ដល់នាវា និងអង្គភាពនានា ដែលរំលោភលើទណ្ឌកម្មរបស់អង្គការសហប្រជាជាតិ»។
ក្រសួងការបរទេសក៏បានជំរុញដល់មេដឹកនាំផ្នែកឯកជនទាំងអស់ ដែលបានចូលរួមក្នុងសិក្ខាសាលាឲ្យបញ្ចប់សកម្មភាពទាំងអស់ ដែលអាចជួយដល់ការផ្គត់ផ្គង់ប្រេងចម្រាញ់ ឬសកម្មភាពដឹកជញ្ជូនផ្សេងៗរបស់កូរ៉េខាងជើង។ សេចក្តីថ្លែងការណ៍នោះបានសង្កត់ធ្ងន់ថា អង្គភាព ឬនាវាទាំងឡាយណា ដែលត្រូវបានរកឃើញគាំទ្រដល់កូរ៉េខាងជើង នឹងត្រូវប្រឈមនឹងការដាក់ទណ្ឌកម្មពី សហរដ្ឋអាមេរិក។ ក្រសួងការបរទេសក៏បាននិយាយផងដែរថា ទណ្ឌកម្មប្រឆាំងនឹងកូរ៉េខាងជើងនៅតែបន្តរហូតទាល់តែទីក្រុងព្យុងយ៉ាងលុបបំបាត់អាវុធនុយក្លេអ៊ែររបស់ខ្លួនបានទាំងស្រុង៕
សន្ទរកថាមន្ត្រីអាមេរិកបានធ្វើឡើងបន្ទាប់ពីក្រុមមន្ត្រីមកពីសហរដ្ឋអាមេរិក និងចក្រភពអង់គ្លេសបានជួបប្រជុំគ្នាកាលពីព្រឹកម្សិលមិញ ជាមួយបណ្តាក្រុមហ៊ុនធានារ៉ាប់រងខាងផ្លូវទឹក ក្រុមពាណិជ្ជករ និងអ្នកដទៃទៀត ដើម្បីធ្វើការពិភាក្សាពីរបៀបដែលវិស័យឯកជនអាចជួយរារាំងសកម្មភាពខុសច្បាប់របស់កូរ៉េខាងជើង។
សេចក្តីថ្លែងការណ៍នោះបាននិយាយថា «ជាផ្នែកមួយនៃព្រឹត្តិការណ៍នេះ អ្នកចូលរួមបានពិភាក្សាពីយន្តការ ក្នុងការបង្កើនកិច្ចសហប្រតិបត្តិការ រវាងវិស័យឯកជនរដ្ឋាភិបាល និងអង្គការសហប្រជាជាតិ ដើម្បីរកឃើញនិងរារាំងការដឹកជញ្ជូន ដែលទាក់ទងនឹងកូរ៉េខាងជើងនិងវិធានការសកម្ម ដើម្បីបញ្ឈប់ការផ្តល់ការធានារ៉ាប់រង និងសេវាកម្មផ្សេងទៀត ដល់នាវា និងអង្គភាពនានា ដែលរំលោភលើទណ្ឌកម្មរបស់អង្គការសហប្រជាជាតិ»។
ក្រសួងការបរទេសក៏បានជំរុញដល់មេដឹកនាំផ្នែកឯកជនទាំងអស់ ដែលបានចូលរួមក្នុងសិក្ខាសាលាឲ្យបញ្ចប់សកម្មភាពទាំងអស់ ដែលអាចជួយដល់ការផ្គត់ផ្គង់ប្រេងចម្រាញ់ ឬសកម្មភាពដឹកជញ្ជូនផ្សេងៗរបស់កូរ៉េខាងជើង។ សេចក្តីថ្លែងការណ៍នោះបានសង្កត់ធ្ងន់ថា អង្គភាព ឬនាវាទាំងឡាយណា ដែលត្រូវបានរកឃើញគាំទ្រដល់កូរ៉េខាងជើង នឹងត្រូវប្រឈមនឹងការដាក់ទណ្ឌកម្មពី សហរដ្ឋអាមេរិក។ ក្រសួងការបរទេសក៏បាននិយាយផងដែរថា ទណ្ឌកម្មប្រឆាំងនឹងកូរ៉េខាងជើងនៅតែបន្តរហូតទាល់តែទីក្រុងព្យុងយ៉ាងលុបបំបាត់អាវុធនុយក្លេអ៊ែររបស់ខ្លួនបានទាំងស្រុង៕
