សារព័ត៌មានញូស៍វីក នៅថ្ងៃទី២២ ធ្នូនេះ ប្រធានាធិបតីសហរដ្ឋអាមេរិកត្រូវបានគេរាយការណ៍ថា នឹងធ្វើទៅតាមសេចក្តីប្រកាសរបស់លោកពីការដកទ័ពចេញពីស៊ីរីទាំងអស់ និងការដកទ័ពពីអាហ្វហ្កានីស្ថានពាក់កណ្តាល ប៉ុន្តែកងទ័ពសហរដ្ឋអាមេរិកទាំងនេះ អាចនឹងត្រូវបញ្ជូនទៅឲ្យអង្គការណាតូ ដើម្បីទៅប្រឈមជាមួយរុស្ស៊ីដោយផ្ទាល់នៅអ៊ឺរ៉ុបតែម្តង។
ប្រធានាធិបតីប៉ូឡូញ លោក Andrzej Duda ធ្លាប់បាននិយាយពីមុនថា នឹងមានការសាងសង់បន្ទាយយោធាត្រាំនៅក្នុងប្រទេសប៉ូឡូញរួមគ្នា។
មួយថ្ងៃក្រោយពីលោកត្រាំបានប្រកាសពីការសម្រេចចិត្តរបស់លោក ក្នុងការកាត់បន្ថយវត្តមានយោធាអាមេរិកនៅបរទេស លោកឌូដាបាននិយាយកាលពីថ្ងៃព្រហស្បតិ៍ទី២០ ធ្នូម្សិលម្ង៉ៃថា គម្រោងនៃការបញ្ជូនកងទ័ពផ្សេងមកកាន់ប្រទេសប៉ូឡូញ នៅតែស្ថិតនៅក្នុងការតាមដាន ហើយគម្រោងនេះនឹងត្រូវសម្រេចនៅរដូវផ្ការីក។។ នៅក្នុងបទសម្ភាសន៍មួយជាមួយសារព័ត៌មានក្នុងស្រុក វត្តមានកងទ័ពបរទេសរួមទាំងទ័ពអាមេរិកនៅក្នុងទឹកដីរបស់ខ្លួនផង នឹងធ្វើឲ្យប្រទេសរបស់លោកកាន់តែខ្លាំងជាងមុន ហើយលោកសង្ឃឹមថា លោកកំពុងព្យាយាមធ្វើរឿងនេះ។
អង្គការណាតូបានបោះជំហានទៅមុខជាមួយនឹងទំនាក់ទំនងដ៏ល្អរវាងសហរដ្ឋអាមេរិក និងអ៊ឺរ៉ុប ចាប់តាំងពីការធ្លាក់ចុះចំណងទាក់ទងរវាងលោកខាងលិចជាប្រទេសរុស្ស៊ី។បន្ទាប់ពីរុស្ស៊ីបានស៊ីដាច់តំបន់គ្រីមាកាលពីឆ្នាំ ២០១៤។ ចាប់តាំងពីពេលនោះមក រុស្ស៊ី និងអង្គការណាតូបានពង្រឹងកម្លាំងរបស់ខ្លួនដោយបញ្ជូនកងទ័ពរៀងៗខ្លួនទៅកាន់ព្រំដែនក្បែរគ្នា ហើយប្រទេសប៉ូឡូញបានក្លាយជាកន្លែងសម្រាប់ក្រុមប្រយុទ្ធអន្តរជាតិមួយ ក្នុងចំណោមក្រុមទាំងបួន ដែលត្រូវបានបង្កើតឡើង នៅក្នុងកិច្ចប្រជុំកំពូលឆ្នាំ ២០១៦ នៅទីក្រុងវ៉ ស។
ក្រុមប្រយុទ្ធនៅប្រទេសប៉ូឡូញ ត្រូវបានដឹកនាំដោយមន្ទីរប៉ង់តាហ្គោន។ បច្ចុប្បន្ននេះ ប៉ូឡូញមានទាហានអាមេរិកប្រមាណ ៣.៥០០នាក់ ព្រមទាំងបុគ្គលិកយោធាអង្គការណាតូប្រហែល ១ពាន់នាក់នាក់។ ទីក្រុងវ៉ សបានរិះគន់ចំពោះទង្វើរបស់ទីក្រុងម៉ូស្គូ នៅក្នុងតំបន់ ហើយព្រមទាំងអន្ទះសារចង់ដាក់តម្លើងប្រព័ន្ធការពារមីស៊ីលអាមេរិកនៅក្នុងទឹកដីរបស់ខ្លួនថែមទៀតផង ដូចជាប្រព័ន្ធមីស៊ីល SM-3 Block IIA។ ដោយឡែក រុស្ស៊ីបានព្រមានពីមុនហើយថា បើអ្នកមានប្រទេសអ៊ឺរ៉ុបណាមួយហ៊ានតែដាក់តម្លើងប្រព័ន្ធមីស៊ីលអាមេរិកនៅក្នុងទឹកដីរបស់ខ្លួន រុស្ស៊ីនឹងបើកការវាយប្រាហរទៅលើប្រទេសទាំងនោះភ្លាម៕
