(ទីក្រុងប៉េកាំង)៖ ក្រោយអាមេរិកបានបញ្ជូននាវាពិឃាតប្រភេទអាឡេបឺខ្លាស USS McCampbell ទៅកាន់តំបន់ប្រជុំកោះប៉ារ៉ាស៊ែលនៃតំបន់សមុទ្រចិនខាងត្បូង ដើម្បីធ្វើនាវាចរណ៍ដោយសេរី ទីក្រុងប៉េកាំងបានថ្កោលទោលយ៉ាងខ្លាំងប្រឆាំងទៅនឹងការឈ្លានពានចូលដែនទឹករបស់ខ្លួន។
ប្រឈមទៅនឹងការតម្លើងសាច់ដុំរបស់អាមេរិក កងកម្លាំងយោធាចិនបានចល័តគ្រាប់មីស៊ីលថ្មីរបស់ខ្លួន DF-26 ដែលជាគ្រាប់មីស៊ីលរយៈចម្ងាយមធ្យមមានសមត្ថភាពបំពាក់ក្បាលគ្រាប់នុយក្លេអ៊ែរប្រឆាំងនាវាចម្បាំង ទៅកាន់ភាពាយ័ព្យនៃតំបន់ខ្ពង់រាប ដើម្បីបញ្ជូនសារព្រមានទៅកាន់នាវាពិឃាតអាមេរិក។ នេះបើតាមកាសែត Global Times ដែលបានរាយការណ៍ ដោយបានស្រង់ពីទូរទស្សន៍កណ្តាល CCTV របស់ចិន។
កាសែតដដែលបានសង្កត់ធ្ងន់ថា «វាមិនត្រូវបានបញ្ជាក់ឱ្យច្បាស់ថា នៅពេលណាដែលមីស៊ីលនេះ ត្រូវបានចល័ត និងថាតើការដាក់ពង្រាយរបស់ពួកគេជាការដាក់ពង្រាយអចិន្ត្រៃយ៍ ឬជាផ្នែកមួយនៃសមយុទ្ធហ្វឹកហាត់នោះទេ។ គ្រាប់មីស៊ីលនេះឥឡូវនេះត្រូវបានដាក់ពង្រាយ និងអាចធ្វើប្រតិបត្តិការចល័តនៅទូតាំងប្រទេសនេះ»។
អ្នកសង្កេតការណ៍យោធាម្នាក់ ដែលសុំមិនបញ្ចេញឈ្មោះបានពន្យល់ថា «ទោះបីជាមីស៊ីលនេះបាញ់ចេញពីដីគោកចិនក៏ពិតមែន ប៉ុន្តែមីស៊ីលនេះមានសត្ថភាពគ្រប់គ្រាប់ក្នុងការគ្រប់ដណ្តប់លើតំបន់សមុទ្រចិនខាងត្បូអបាន»។
ការចល័តគ្រាប់មីស៊ីលរបស់ទីក្រុងប៉េកាំងនេះ បានធ្វើឡើងបន្ទាប់ពីអាមេរិកបានបញ្ជូននាវាពិឃាតមួយគ្រឿងធ្វើដំណើរចូលតំបន់សមុទ្រចិនខាងត្បូង ដែលចិនកំពុងតែវ៉ាងទីលើតំបន់អន្តរជាតិនោះថាជាកម្មសិទ្ធរបស់ខ្លួន។
នាវាពិឃាត McCambell បានធ្វើដំណើរទៅកាន់តែកៀកទៅនឹងប្រជុំកោះប៉ារ៉ាស៊ែល ដែលចិនហៅថា ស៊ីសា និងវៀតណាមហៅថា ហ័ងសាទាមទារដោយវៀតណាម និងតៃវ៉ាន់។ ការបង្ហាញខ្លួននាវាពិឃាតអាមេរិកនេះ ធ្វើឡើងដើម្បីផ្គើនទៅនឹងការគម្រាមកំហែងរបស់មន្ត្រីយោធាចិនថា ចិនត្រូវតែបាញ់ពន្លិចនាវាអាមេរិកទាំងឡាយណាដែលព្រហើនចូលដែនទឹកដែលខ្លួនកំពុងតែកាន់កាប់។ ក្រោយការគម្រាមនេះ អាមេរិកបញ្ជូននាវាចម្បាំងទៅផុសនៅលើផ្ទៃទឹកដែលចិនកំពុងតែគ្រប់គ្រង ដើម្បីឲ្យចិនបាញ់លមើល ថាហ៊ានបាញ់ពន្លិចមែនអត់។
ជារឿយៗ អាមេរិកបាណបញ្ជូននាវាចម្បាំង និងយន្តហោះទម្លាក់គ្រាប់បែកធុនធ្ងន់ទៅហោះនិងធ្វើនាវាចរណ៍ដោយសេរីនៅក្នុងតំបន់ដែនទឹកអន្តរជាតិ ដែលចិនកំពុងតែអះអាង អាងយ៉ាង វ៉ាងទីថាជាកម្មសិទ្ធរបស់ខ្លួន។ តុលាការអចិន្ត្រៃប្រចាំទីក្រុងឡាអេធ្លាប់បានសម្រេចក្តីឲ្យចិនដកទ័ពចេញពីតំបន់នេះម្តងហើយ និងបានទាត់ចោលលើការវ៉ាងទីរបស់ចិនថាជាកម្មសិទ្ធរបស់ខ្លួន។ វត្តមានចិននៅក្នុងតំបន់នេះ ត្រូវបានគេមើលឃើញថា កំពុងតែចាក់រឹសដុះស្លែ ដែលមេបញ្ជាការអាមេរិកបាននិយាយថា ចង់ឲ្យចិនដកទ័ពចេញពីតំបន់នេះ មានតែប្រកាសសង្គ្រាមវាយកម្ទេចទីក្រុងប៉េកាំងចោលតែម្តងទេ ទើបចិនលែងវ៉ាងទីនៅក្នុងតំបន់នេះ។
កាលពីខែមេសា ឆ្នាំមុន កងកម្លាំងគញរាប់រ៉ុក្កែតរំដោះប្រជាជនចិន បានសម្ញែងគ្រាប់មីស៊ីល DF-26 ដែលហៅថា ឃាតុករនៃកោះហ្គាំ ដែលអាចកម្ទេចមូលដ្ឋានអាមេរិកនៅលើកោះនេះបាន។ កាលនោះអាមេរិក គ្រាន់តែឮដូច្នេះ បានធ្វើសមយុទ្ធកងទ័ពអាកាសទ្រង់ទ្រាយធំ ដើម្បីបង្ហាញកម្ឡាំងដល់ចិន៕
Home ព្រឹត្តិការណ៍ថ្មីៗ ស្ថានការណ៍កាន់តែតានតឹង! ចិនដាក់ពង្រាយមីស៊ីលពិឃាតនាវា បន្ទាប់ពីអាមេរិកបញ្ជូននាវាចម្បាំងទៅក្បែរប្រជុំកោះរបស់ខ្លួន