សហរដ្ឋអាមេរិក និងចក្រភពអង់គ្លេសបានបញ្ចប់ការធ្វើសមយុទ្ធកងទ័ពជើងទឹក ៦ថ្ងៃរបស់ខ្លួន នៅក្នុងសមុទ្រចិនខាងត្បូងកាលពីថ្ងៃពុធ ដែលត្រូវបានគេមើលឃើញថា គឺជាការធ្វើសមយុទ្ធប្រឆាំងទៅនឹងការកាន់កាប់ដោយខុសច្បាប់របស់ទីក្រុងប៉េកាំង នៅក្នុងតំបន់សមុទ្រចិនខាងត្បូង។
នៅក្នុងសេចក្តីថ្លែងការណ៍មួយចេញកាលពីពុធ កម្លាំងយោធាសហរដ្ឋអាមេរិកបានប្រកាសថា នាវាបំពាក់ដោយគ្រាប់មីស៊ីល USS McCampbell និងនាវាអង់គញលេស HMS Argyll បានធ្វើប្រតិបត្តិការនៅក្នុងតំបន់សមុទ្រចិនខាងត្បូងចន្លោះថ្ងៃទី១១ និង ១៦មករា។
យោងតាមសហរដ្ឋអាមេរិក នាវាចម្ពាំង ២គ្រឿងបានធ្វើសមយុទ្ធទំនាក់ទំនង យុទ្ធសាស្ត្របែងចែក និងការផ្តោះប្តូរបុគ្គលិកក្នុងកំឡុងពេលមួយសប្តាហ៍ ដើម្បីជួយអភិវឌ្ឍន៍ទំនាក់ទំនងរវាងកងទ័ពជើងទឹកទាំងពីរ។
សមយុទ្ធដែលសហរដ្ឋអាមេរិក និងចក្រភពអង់គ្លេសបានធ្វើឡើងរួមគ្នានេះ បានធ្វើឡើងដើម្បីការពារសិទ្ធសេរីភាពក្នុងការធ្វើនាវាចរណ៍ នៅក្នុងតំបន់ដែនទឹកអន្តរជាតិ ដែលចិនកំពុងតែកាន់កាប់ដោយខុសច្បាប់ និងកំពុងតែវ៉ាងទីលើភាពជាកម្មសិទ្ធរបស់ខ្លួន៕
Home ព្រឹត្តិការណ៍ថ្មីៗ សហរដ្ឋអាមេរិក និងចក្រភពអង់គ្លេសធ្វើសមយុទ្ធទ័ពជើងទឹករួមគ្នា នៅសមុទ្រចិនខាងត្បូង