(ទីក្រុងតៃប៉ិ)៖ សារព័ត៌មានស្ពុតនិករុស្ស៊ីនៅថ្ងៃទី២៤ មករានេះបានឲ្យដឹងថា កាលពីថ្ងៃអង្គារយន្តហោះចម្បាំងយោធាចិនបានហោះពីលើផ្លូវទឹក Bashi ដែលជាផ្លូវទឹកមួយនៅចន្លោះតៃវ៉ាន់ និងហ្វីលីពីន។ នេះបើតាមក្រសួងការពារជាតិតៃវ៉ាន់។
យន្តហោះចម្បាំង Sukhoi Su-30 និងយន្តហោះដឹកគ្រឿងបរិក្ខាយោធា Shaanxi Y-8 ដែលផលិតឡើងដោយកងទ័ពរំដោះប្រជាជនចិន ត្រូវបានបញ្ជូនទៅហោះពីលើផ្លូវទឹកនេះកាលពីថ្ងៃអង្គារ។
កាសែត The South China Morning Post បានរាយការណ៍ ដោយបានស្រង់ពីក្រសួងការពារជាតិតៃវ៉ាន់ថា «យន្តហោះចម្បាំងនេះចេញពីភាគខាងត្បូងនៃចិនដីគោក ហើយបានហោះកាត់តាមផ្លូវទឹកបាស៊ី ក្រោយមកហោះទៅកាន់ប៉ាស៊ីហ្វីកខាងលិច»។ ក្រសួងក៏បានធានាអះអាងដល់ប្រជាជនតៃវ៉ាន់កុំឲ្យមានការភ័យស្លន់ស្លោចំពោះយន្តហោះទាំងនេះ។
ក្រសួងបន្តថា «ទន្ទឹមនេះ ដើម្បីឆ្លើយតប កងកម្លាំងយោធាតៃវ៉ាន់បានបញ្ជូនយន្តហោះចម្បាំង និងក្រុមនាវាចម្បាំងទៅតាមដាន ដើម្បីធានានូវសុវត្ថិភាពដល់តំបន់សមុទ្រ និងដែនអាកាស»។ ក្រសួងបន្ថែមថា ក្រោយសមុទ្រដ៏វែងឆ្ងាយ យន្តហោះចម្បាំងចិនបានត្រឡប់ទៅកាន់មូលដ្ឋានរបស់ខ្លួនវិញ។
ការបញ្ជូនយន្តហោះចម្បាំងទៅហោះរំលងផ្លូវទឹកបាស៊ីពីសំណាក់ទីក្រុងប៉េកាំងនេះ បានធ្វើឡើងបន្ទាប់ពីតៃវ៉ាន់បានចាប់ផ្តើមធ្វើសមយុទ្ធបាញ់គ្រាប់់ពិតកាលពីថ្ងៃព្រហស្បតិ៍សប្តាហ៍មុន ដើម្បីឆ្លើយទៅនឹងការគម្រាមបង្រួបបង្រួមតៃវ៉ាន់ដោយប្រើកម្លាំងយោធា។
គួរកត់សម្គាល់ថា ចាប់តាំងពីលោកស្រីប្រធានាធិបតីសៃអ៊ីងវិន បានឡើងកាន់តំណែងពីឆ្នាំ ២០១៦មក ចិនបានធ្វើសមយុទ្ធ និងធ្វើការល្បាតនៅជិតកោះតៃវ៉ាន់មិនដាច់សោះឡើយ ក្រែងមានការប្រកាសឯករាជ្យណាមួយត្រូវបានធ្វើឡើងពីសំណាក់កោះមួយនេះ។
សមយុទ្ធចុងក្រោយរបស់ចិនធ្វើឡើងនាពេលនេះ បានកើតឡើងក្រោយពីប្រធានប្រតិបត្តិការកងទ័ពជើងទឹកអាមេរិក លោកឧត្តមសេនីយ៍ John Richardson បាននិយាយថា កងទ័ពជើងទឹកសហរដ្ឋអាមេរិកអាចនឹងបញ្ជូននាវាផ្ទុកយន្តហោះទម្លាក់គ្រាប់បែករបស់ខ្លួនទៅកាន់ច្រកសមុទ្រតៃវ៉ាន់។
សហរដ្ឋអាមេរិកធ្លាប់បានបញ្ជូននាវាផ្ទុកយន្តហោះទម្លាក់គ្រាប់បែករបស់ខ្លួនទៅធ្វើការល្បាតនៅដែនទឹកតៃវ៉ាន់កាលពីឆ្នាំ ២០០៧។ ទោះបីជាបានខកខានបញ្ជូនយន្តហោះទម្លាក់គ្រាប់បែកទៅកាន់តែនោះក៏ពិតមែន ក៏អាមេរិកបានបញ្ជូននាវាពិឃាតទៅទៅនោះដែរ ដើម្បីកុំឲ្យចិនបានចិត្តចេះតែវ៉ាងទី និងកាន់តែទំនើង។
ក្រៅពីតំបន់ច្រកសមុទ្រតៃវ៉ាន់ អាមេរិកក៏បានលូកដៃកាន់តែខ្លាំងនៅក្នុងតំបន់សមុទ្រចិនខាងត្បូងផងដែរ។ ចិនបានព្រមានថា រឿងតៃវ៉ាន់អាមេរិកកុំលូកដៃឲ្យសោះ។ កាលពីខែមុន មន្ត្រីយោធាកំពូលចិនបានគម្រាមថា ចិនគួរតែបាញ់ពន្លិចនាវាផ្ទុកយន្តហោះអាមេរិកទាំងឡាយណា ដែលព្រហើនចូលដែនទឹករបស់ខ្លួន។ ជាការឆ្លើយតប ក្រោយការព្រមាននេះ នាវាចម្បាំងអាមេរិក ២គ្រឿងបានផុសឡើងនៅលើផ្ទៃទឹកដែនសមុទ្រអន្តរជាតិ ដើម្បីឲ្យចិនបាញ់លមើល ថាហ៊ានបាញ់មែនអត់៕
តៃវ៉ាន់បញ្ជូនក្រុមអ្នកប្រយុទ្ធដេញតាមកងទ័ពចិនប្រកិតៗ នៅក្នុងសមរភូមិក្តៅ ខណៈដែលចិនព្រហើនចូលដែនអត្តសញ្ញាណការពារជាតិរបស់ខ្លួន
(ទីក្រុងតៃប៉ិ)៖ សារព័ត៌មានស្ពុតនិករុស្ស៊ីនៅថ្ងៃទី២៤ មករានេះបានឲ្យដឹងថា កាលពីថ្ងៃអង្គារយន្តហោះចម្បាំងយោធាចិនបានហោះពីលើផ្លូវទឹក Bashi ដែលជាផ្លូវទឹកមួយនៅចន្លោះតៃវ៉ាន់ និងហ្វីលីពីន។ នេះបើតាមក្រសួងការពារជាតិតៃវ៉ាន់។
យន្តហោះចម្បាំង Sukhoi Su-30 និងយន្តហោះដឹកគ្រឿងបរិក្ខាយោធា Shaanxi Y-8 ដែលផលិតឡើងដោយកងទ័ពរំដោះប្រជាជនចិន ត្រូវបានបញ្ជូនទៅហោះពីលើផ្លូវទឹកនេះកាលពីថ្ងៃអង្គារ។
កាសែត The South China Morning Post បានរាយការណ៍ ដោយបានស្រង់ពីក្រសួងការពារជាតិតៃវ៉ាន់ថា «យន្តហោះចម្បាំងនេះចេញពីភាគខាងត្បូងនៃចិនដីគោក ហើយបានហោះកាត់តាមផ្លូវទឹកបាស៊ី ក្រោយមកហោះទៅកាន់ប៉ាស៊ីហ្វីកខាងលិច»។ ក្រសួងក៏បានធានាអះអាងដល់ប្រជាជនតៃវ៉ាន់កុំឲ្យមានការភ័យស្លន់ស្លោចំពោះយន្តហោះទាំងនេះ។
ក្រសួងបន្តថា «ទន្ទឹមនេះ ដើម្បីឆ្លើយតប កងកម្លាំងយោធាតៃវ៉ាន់បានបញ្ជូនយន្តហោះចម្បាំង និងក្រុមនាវាចម្បាំងទៅតាមដាន ដើម្បីធានានូវសុវត្ថិភាពដល់តំបន់សមុទ្រ និងដែនអាកាស»។ ក្រសួងបន្ថែមថា ក្រោយសមុទ្រដ៏វែងឆ្ងាយ យន្តហោះចម្បាំងចិនបានត្រឡប់ទៅកាន់មូលដ្ឋានរបស់ខ្លួនវិញ។
ការបញ្ជូនយន្តហោះចម្បាំងទៅហោះរំលងផ្លូវទឹកបាស៊ីពីសំណាក់ទីក្រុងប៉េកាំងនេះ បានធ្វើឡើងបន្ទាប់ពីតៃវ៉ាន់បានចាប់ផ្តើមធ្វើសមយុទ្ធបាញ់គ្រាប់់ពិតកាលពីថ្ងៃព្រហស្បតិ៍សប្តាហ៍មុន ដើម្បីឆ្លើយទៅនឹងការគម្រាមបង្រួបបង្រួមតៃវ៉ាន់ដោយប្រើកម្លាំងយោធា។
គួរកត់សម្គាល់ថា ចាប់តាំងពីលោកស្រីប្រធានាធិបតីសៃអ៊ីងវិន បានឡើងកាន់តំណែងពីឆ្នាំ ២០១៦មក ចិនបានធ្វើសមយុទ្ធ និងធ្វើការល្បាតនៅជិតកោះតៃវ៉ាន់មិនដាច់សោះឡើយ ក្រែងមានការប្រកាសឯករាជ្យណាមួយត្រូវបានធ្វើឡើងពីសំណាក់កោះមួយនេះ។
សមយុទ្ធចុងក្រោយរបស់ចិនធ្វើឡើងនាពេលនេះ បានកើតឡើងក្រោយពីប្រធានប្រតិបត្តិការកងទ័ពជើងទឹកអាមេរិក លោកឧត្តមសេនីយ៍ John Richardson បាននិយាយថា កងទ័ពជើងទឹកសហរដ្ឋអាមេរិកអាចនឹងបញ្ជូននាវាផ្ទុកយន្តហោះទម្លាក់គ្រាប់បែករបស់ខ្លួនទៅកាន់ច្រកសមុទ្រតៃវ៉ាន់។
សហរដ្ឋអាមេរិកធ្លាប់បានបញ្ជូននាវាផ្ទុកយន្តហោះទម្លាក់គ្រាប់បែករបស់ខ្លួនទៅធ្វើការល្បាតនៅដែនទឹកតៃវ៉ាន់កាលពីឆ្នាំ ២០០៧។ ទោះបីជាបានខកខានបញ្ជូនយន្តហោះទម្លាក់គ្រាប់បែកទៅកាន់តែនោះក៏ពិតមែន ក៏អាមេរិកបានបញ្ជូននាវាពិឃាតទៅទៅនោះដែរ ដើម្បីកុំឲ្យចិនបានចិត្តចេះតែវ៉ាងទី និងកាន់តែទំនើង។
ក្រៅពីតំបន់ច្រកសមុទ្រតៃវ៉ាន់ អាមេរិកក៏បានលូកដៃកាន់តែខ្លាំងនៅក្នុងតំបន់សមុទ្រចិនខាងត្បូងផងដែរ។ ចិនបានព្រមានថា រឿងតៃវ៉ាន់អាមេរិកកុំលូកដៃឲ្យសោះ។ កាលពីខែមុន មន្ត្រីយោធាកំពូលចិនបានគម្រាមថា ចិនគួរតែបាញ់ពន្លិចនាវាផ្ទុកយន្តហោះអាមេរិកទាំងឡាយណា ដែលព្រហើនចូលដែនទឹករបស់ខ្លួន។ ជាការឆ្លើយតប ក្រោយការព្រមាននេះ នាវាចម្បាំងអាមេរិក ២គ្រឿងបានផុសឡើងនៅលើផ្ទៃទឹកដែនសមុទ្រអន្តរជាតិ ដើម្បីឲ្យចិនបាញ់លមើល ថាហ៊ានបាញ់មែនអត់៕
