សារព័ត៌មាន Huffpost របស់អាមេរិកបានចេញផ្សាយនៅថ្ងៃទី៣០ មករានេះថា មន្ត្រីរដ្ឋបាលលោកត្រាំបានអះអាងថា «ជម្រើសទាំងអស់រួមទាំងជម្រើសយោធា គឺស្ថិតនៅលើតុចរចា ដែលជាប់ពាក់ព័ន្ធទៅនឹងការប៉ុនប៉ងរបស់ខ្លួនដើម្បីទម្លាក់ប្រធានាធិបតីចេញពីអំណាច។ កំណត់ត្រាសរសេរដៃរបស់ទីប្រឹក្សាសន្តិសុខជាតិអាមេរិក លោកចន បុលថុនត្រូវបានគេជឿថា អាមេរិកនឹងដាក់ពង្រាយកងកម្លាំងរបស់ខ្លួនទៅកាន់តំបន់នេះ។
ក្នុងអំឡុងពេលសន្និសីទកាសែតរបស់សេតវិមានមានន័យថា ទណ្ឌកម្មថ្មីលើក្រុមហ៊ុនម៉ាឌូរ៉ូ និងក្រុមហ៊ុនប្រេងរបស់រដ្ឋវ៉េណេស៊ុយអេឡា លោក Bolton ត្រូវបានគេថតរូបកាន់ក្រដាសច្បាប់ពណ៌លឿងដែលអានថា «ទាហាន ៥ពាន់នាក់ ទៅកាន់ប្រទេសកូឡុំប៊ី ដែលជាប្រទេសមួយស្ថិតនៅជាប់ព្រំដែនវ៉េណេហ្ស៊ុយអេឡាតែម្តង»។
នៅពេលដែលត្រូវបានសួរថាតើថាតើការបញ្ជូនកងទ័ពទៅកាន់កូឡំប៊ីស្ថិតក្នុងការពិចារណាឬយា់ងណា អ្នកនាំពាក្យសេតវិមានបាននិយាយថា «ដូចដែលប្រធានាធិបតីបានលើកឡើងហើយថា ជម្រើសទាំងអស់ គឺស្ថិតនៅលើតុចរចា»។
ទោះបីជាយ៉ាងណាក៏ដោយ មន្ត្រីមួយរូបដែលបាននិយាយក្នុងលក្ខខណ្ឌមិនបញ្ចេញឈ្មោះបានឲ្យដឹងថា ពួកគេមិនបានឃើញពីការគាំទ្រណាមួយលើកំណត់ត្រារបស់លោកបុថុននោះទេ។
ថ្មីៗនេះ សហរដ្ឋអាមេរិកបានប្រកាសពីការដាក់ទណ្ឌកម្មបន្ថែមទៀត ទៅលើរដ្ឋាភិបាលប្រទេសនេះ។ ធនាគារចក្រភពអង់គ្លេសបានបិទខ្ទប់មាសម៉ាឌូរ៉ូ ១,២ពាន់លានដុល្លារមិនឲ្យដកចេញបាន ខណៈដែលមាសជាង ១ពាន់លានដុល្លារនេះត្រូវបានសហរដ្ឋអាមេរិកស្នើឲ្យបង្វែរទៅគណបក្សប្រឆាំងវិញ។ សហរដ្ឋអាមេរិកក៏គ្រោងនឹងដាក់ទណ្ឌកម្មប្រេងលើប្រទេសនេះផងដែរ ដើម្បីបន្សាបអំណាចលោកម៉ាឌូរ៉ូ។ ក្រោមការដាក់ទណ្ឌកម្មនេះ ក្រុមហ៊ុនអាមេរិកអាចបន្តទិញប្រេងរបស់ប្រទេសវ៉េណេស៊ុយអេឡាបាន ប៉ុន្តែការទូទាត់ត្រូវតែដាក់ក្នុងគណនីមួយ ដែលម៉ាឌូរ៉ូមិនអាចដកយកបាន។
ការប្រកាសទណ្ឌកម្មថ្មីរបស់អាមេរិកបានធ្វើឡើងបន្ទាប់ពីលោកម៉ាឌូរ៉ូនៅតែបន្តមិនព្រមចុះចេញពីអំណាច ខណៈដែលកំពុងប្រឈមមុខទៅនឹងសម្ពាធពីសេតវិមាន។ សហរដ្ឋអាមេរិកសង្ឃឹមថា ទណ្ឌកម្មនេះនឹងបង្កើនកិច្ចខិតខំប្រឹងប្រែង ដើម្បីបំបែកឆន្ទៈកងកម្លាំងដែលបន្តគាំទ្ររបបមួយនេះ។
ទន្ទឹមនេះ អ្នកវិភាគព្រមានថា សហរដ្ឋអាមេរិកអាចនឹងធ្វើអន្តរាគមន៍កម្លាំងយោធានៅក្នុងប្រទេសនេះ ប្រសិនបើវិបត្តិមនសុ្សធម៌នៅក្នុងប្រទេសនេះ នៅតែបន្ត។
សហរដ្ឋអាមេរិកធ្លាប់ព្យាយាមផ្តួលរំលំរបបសង្គមនិយមវ៉េណេហ្ស៊ុយអេឡាម្តងហើយ កាលពីឆ្នាំ ២០០២ ដែលដឹកនាំដោយប្រធានាធិបតី Hugo Chavez ។ ការប៉ុនប៉ងនេះធ្វើឡើងដោយសារតែប្រទេសនេះមាននិន្នាការប្រឆាំងទៅនឹងអាមេរិក ប៉ុន្តែការប៉ុងប៉ងកាលនោះបានទទួលបរាជ័យ។
ពាក់ព័ន្ធទៅនឹងរឿងវ៉េណេហ្ស៊ុយអេឡានេះដែរ រុស្ស៊ីបានព្រមានសហរដ្ឋអាមេរិកអំពីការបញ្ជូនកងកម្លាំងចូលអន្តរាគមន៍នៅក្នុងប្រទេសនេះ។ នៅថ្ងៃទី២៩ មករានេះ សារព័ត៌មាន News Week បានសរសេរថា រុស្ស៊ី និងអ៊ីរ៉ង់ជួបចរចាគ្នាស្តីពីវិបត្តិវ៉េណេហ្ស៊ុយអេឡា និងបានព្រមានឲ្យសហរដ្ឋអាមេរិកនៅឲ្យឆ្ងាយពីការចូលអណ្តរាគមន៍ទៅលើប្រទេសនេះ។
កាលពីបីថ្ងៃមុននេះ រុស្ស៊ីត្រូវបានគេរាយការណ៍ថា បានបញ្ជូនកងកម្លាំងយោធាជាប់កិច្ចសន្យា ឬហៅថាទាហានស៊ីឈ្នួលទៅកាន់ប្រទេសនេះ ៤០០នាក់។ សារព័ត៌មាន The New York Times បានសរសេរថ្មីៗនេះថា កងកម្លាំងស៊ីឈ្នួលរុស្ស៊ី ៤០០នាក់កំពុងស្ថិតនៅក្នុងប្រទេសវ៉េណេហ្ស៊ុយអេឡា។ យ៉ាងណាមិញ សារព័ត៌មានស្ពុតនិករបស់រុស្ស៊ីបានសរសេរទាត់ចោលរបាយការណ៍ដែលថា កងកម្លាំងទាហានរបស់ខ្លួនមានវត្តមាននៅវ៉េណេហ្ស៊ុយអេឡា។ ប្រភពដដែលបានស្រង់សម្តីក្រសួងការបរទេសដែលបានលើកឡើងដោយបដិសេធនូវការលើកឡើងបែបនោះ។
កាលពីខែមុន រុស្ស៊ីបានបញ្ជូនកងកម្លាំងយោធារបស់ខ្លួនទៅកាន់ប្រទេសនេះ ដោយមានយន្តហោះទម្លាក់គ្រាប់បែកយុទ្ធសាស្ត្រធន់ធ្ងន់ផងដែរ៕
Home ព្រឹត្តិការណ៍ថ្មីៗ អាមេរិកត្រៀមបញ្ជូនកងទ័ព ៥ពាន់នាក់ទៅកាន់កូឡំប៊ីជាប់ព្រំដែនវ៉េណេហ្ស៊ុយអេឡា ដើម្បីផ្តួលរំលំរដ្ឋាភិបាលវេណេហ្ស៊ុយអេឡា