សារព័ត៌មាន Reuters បានរាយការណ៍ថា មន្ត្រីធនាគារជាន់ខ្ពស់មួយរូបនៅក្នុងប្រទេសអាមេរិចខាងត្បូង បានបង្ហាញថា មាសបម្រុងប្រហែល ១៥តោននឹងត្រូវបានលក់ទៅឱ្យអេមីរ៉ាតអារ៉ាប់រួម នៅក្នុងប៉ុន្មានថ្ងៃខាងមុខនេះ ដើម្បីប្តូរយកលុយអឺរ៉ូ។
ថ្លែងក្នុងនាមអនាមិក មន្ត្រីរូបនេះបាននិយាយថា មាសប្រហែល ៣តោនត្រូវបានដឹកយកទៅលក់នៅថ្ងៃទី ២៦ ខែមករា ហើយនៅចុងខែកុម្ភៈនេះ មាសសរុបចំនួន ២៩តោននឹងត្រូវបញ្ជូនទៅកាន់ប្រទេសមជ្ឈឹមបូព៌ា។ ក្រុមហ៊ុនដែលពាក់ព័ន្ធនឹងប្រតិបត្តិការទាំងនោះមិនត្រូវបានគេលើកឡើងទេ។
តាមរបាយការណ៍នេះបានរាយការណ៍ថា យន្ដហោះដែលបានប្រតិបត្តិការដោយរុស្ស៊ីបានមកដល់វេណេហ្ស៊ុយអេឡាដើម្បី យកមាសបម្រុង។
សារព័ត៌មាន Novaya Gazeta បានរាយការណ៍ថា យន្តហោះ Boeing 757 ដែលជាកម្មសិទ្ធិរបស់ក្រុមហ៊ុន Yerofei របស់រុស្ស៊ី បានហោះហើរពីទីក្រុងម៉ូស្គូទៅកាន់ទីក្រុងការ៉ាស់តាមទីក្រុងឌូបៃ ក្រោយមានពាក្យចចាមអារាមថា យន្តហោះនេះត្រូវបានដឹកជញ្ជូនមាសដែលមានទឹកប្រាក់ចំនួនប្រមាណ ៨៤០លានដុល្លារពីធនាគារជាតិវ៉េណេស៊ុយអេឡា។
ការជញ្ជូនមាសប្តូរយកប្រាក់នេះ បានកើតឡើងចំពេលដែលប្រទេសនេះកំពុងតែប្រឈមទៅនឹងវិបត្តិសេដ្ឋកិច្ចធ្ងន់ធ្ងរ ក្រោយការរួមរឹតដោយសម្ពាធយ៉ាងខ្លាំងពីអន្តរជាតិ។ សហរដ្ឋអាមេរិក ដែលគាំទ្រលោកជាន់ហ្កៃដូ ជាប្រធានាធិបតីនៃប្រទេសនេះ បានព្រមានដល់បណ្តាធនាគារ និងក្រុមហ៊ុនពាណិជ្ជកម្មមិនឲ្យទទួលទិញមាសម៉ាឌូរ៉ូ។
ព្រឹទ្ធសភាអាមេរិក លោក Marco Rubio បានព្រមានស្ថានទូតអេមីរ៉ាត់អារ៉ាប៊រួមប្រចាំរដ្ឋធានីវ៉ាស៊ីនតោនថា ដែកណាដែលនាំចេញមាសម៉ាឌូរ៉ូនឹងត្រូវប្រឈមជាមួយទណ្ឌគម្មអាមេរិក។ ថ្មីៗនេះ ធនាគារអង់គ្លេសបិទខ្ទប់មាសម៉ាឌូរ៉ូ ១,២ពាន់លានដុល្លារមិនឲ្យដកចេញ៕
