ម្តាយចិត្តខ្មៅដ៏ឫស្សាម្នាក់ បានជ្រមុចទឹកកូនស្រីអាយុ៤ឆ្នាំក្នុងអាងទឹករហូតដល់ឈ្លក់ទឹកស្លាប់យ៉ាងអណោចអធមជាទីបំផុត និងបានយកសាកសពកូនស្រី ដាក់លើតុកាហ្វេនៅក្នុងសួនច្បារ រួចដុតចោលយ៉ាងព្រៃផ្សៃបំផុត ដើម្បីបំបាត់ភស្តុតាង។
អ្នកស្រី Carly Ann Harris អាយុ៣៨ឆ្នាំ ត្រូវបានតុលាការកាត់ទោសពីបទសម្លាប់កូនស្រី Amelia Brooke Harris បន្ទាប់ពីឧប្បត្តិហេតុដ៏គួរឲ្យក្រៀមក្រំនេះ កើតឡើងនៅក្នុងផ្ទះរបស់គាត់ ស្ថិតនៅតំបន់ South Wales ចក្រភពអង់គ្លេស កាលពីថ្ងៃទី៨ ខែមិថុនា។
ក្រុមរដ្ឋអាជ្ញា បាននិយាយថា នៅវេលាម៉ោង៩ និង១៥នាទីយប់ អ្នកជិតខាងម្នាក់ បានឮសំឡេងដូចជាក្មេងស្រីស្រែកថា “ម៉ាក់ ម៉ាក់ ម៉ាក់”។ រយៈពេល៤៥នាទីក្រោយមក អ្នកស្រី Harris បានលេចមុខមក ហើយនិយាយថា “Ameliaបានទៅឋានសួគ៌ហើយ កុំងាកក្រោយ នាងបានទៅឋានសួគ៌ហើយ ទេពា្តបានយកនាងទៅហើយ”។ សាក្សីម្នាក់ បានឃើញតុកាហ្វេ និងឃើញជើងក្មេងស្រី ដែលត្រូវភ្លើងឆេះ។
ក្រុមចៅក្រម បានបញ្ជាក់ថា អ្នកស្រី Harris បានចាត់ទុកខ្លួនឯងថាជា “មនុស្សចម្លែក” បន្ទាប់ពីការចាប់ខ្លួនរបស់គាត់ ដោយគាត់បាននិយាយប្រាប់នគរបាលថា “ខ្ញុំសមតែស្លាប់”។
វែបសាយWales Onlineបានរាយការណ៍ថា ស្ត្រីជាម្តាយម្នាក់នេះ បានបដិសេធន៍មិនទទួលទោសលើករណីឃាតកម្ម និងសម្លាប់នោះទេអំឡុងការកាត់ទោលលើកមុនរបស់គាត់កាលពីខែសីហា។
ប៉ុន្តែអំឡុងសវនាការរបស់ក្រុមរដ្ឋអាជ្ញាធរនៅតុលាការ Newport Crown Court ព្រឹកនេះ ក្រុមចៅក្រម បានបញ្ជាក់ថា គាត់បានជ្រមុចក្មេងស្រី Amelia ទៅក្នុងទឹកដោយចេតនា។
រដ្ឋអាជ្ញា Michael Jones QC បាននិយាយថា អ្នកស្រី Harris បានដាក់កូនស្រីរបស់គាត់ទៅក្នុងអាងដែលមានទឹកពេញ ហើយនិងបានធ្វើឲ្យនាងលង់ទឹក មុនពេលយកកំណាត់រុំសពនាង។ បន្ទាប់មក នាងបានយកសពក្មេងស្រីតូចម្នាក់នៅទៅជាន់ក្រោម ដាក់សាកសពបស់នាងនៅលើតុកាហ្វេ ដែលស្ថិតនៅសួនច្បារខាងក្រោយផ្ទះ ហើយដុតវាចោល។
តុលាការបានបង្ហាញទៀតថា អ្នកស្រី Harris ត្រូវបានគេមើលឃើញគាត់ឈរនៅខាងក្រៅផ្ទះ ហើយនិងស្រែកទៅកាន់អ្នកជិតខាងថា “ព្រះជាម្ចាស់នឹងនៅជាមួយនឹងរូបនាង ។ ទេពា្ត បានមកយកនាងហើយ”។
លោក Jones បាននិយាយថា អ្នកជិតខាងបានទូរស័ព្ទទៅកាន់លេខ៩៩៩ នៅវេលាម៉ោងប្រហែល១០.និង១៥នាទីយប់។ សាកសពរបស់ក្មេងស្រី Amelia ដេកនៅលើតុ ហើយពួកគេអាចហិតខ្លិនឈ្ងៀមរបស់សាកសព ។ ក្រុមនគរបាលក៏បានមកដលកន្លែងកើតហេតុ និងធ្វើដំណើរទៅកាន់សួនច្បារ ក្រោយទទួលបានព័ត៌មានថា ម្តាយចិត្តឫស្សា បានដុតកូនរបស់ខ្លួន៕
Home ព្រឹត្តិការណ៍ថ្មីៗ ម្តាយចិត្តឫស្សា ជ្រមុជទឹកសម្លាប់កូនស្រីអាយុ៤ឆ្នាំ រួចដុតបំបែកសាកសព ដើម្បីបំបាត់ភស្តុតាង