(ទីក្រុងចាកាតា)៖ អតីតនាយករដ្ឋមន្ត្រីម៉ាឡេស៊ី លោកណាជីប រ៉ាហ្សាក់ នៅថ្ងៃចន្ទនេះបានធ្វើសំណើចុងក្រោយ សុំឲ្យមានការពន្យាពេលកាត់ក្តីក្នុងសំណុំរឿងអាស្រូវមូលនិធិ 1MDB។
លោក Najib នឹងត្រូវកាត់ទោសជាលើកដំបូងនៅថ្ងៃអង្គារជុំវិញការចោទប្រកាន់ថា លោកបានជាប់ពាក់ព័ន្ធក្នុងការលួចទ្រព្យសម្បត្តិរបស់រដ្ឋាភិបាលម៉ាឡេស៊ី 1MDB នៅក្នុងការលួចបន្លំមួយ ដែលធ្វើឲ្យមានការភ្ញាក់ផ្អើលដល់ពិភពលោក។
លោកណាជីបត្រូវបានចោទថាបានលួចយកលុយរាប់ពាន់លានដុល្លារ ពីមូលនិធិនេះ ដែលត្រូវបានបង្កើតឡើងដើម្បីជួយអភិវឌ្ឍសេដ្ឋកិច្ចម៉ាឡេស៊ី ហើយចំណាយលើអ្វីគ្រប់យ៉ាងពីអចលនទ្រព្យទៅជាស្នាដៃសិល្បៈដ៏មានតម្លៃថ្លៃ។ចាប់តាំងពីអស់អំណាច លោកណាជីបត្រូវបានគេចាប់ខ្លួនម្តងហើយម្តងទៀត និងទទួលរងការចោទប្រកាន់សរុបចំនួន ៤២ករណីដែលទាក់ទងនឹងមូលនិធិ 1MDB ប៉ុន្តែលោកណាជីបបានបដិសេធ។
ការកាត់ក្តីដែលនឹងចាប់ផ្តើមនៅថ្ងៃអង្គារស្អែកនេះ គឺស្ថិតនៅលើបទចោទប្រកាន់ចំនួន ៧ករណី ទាក់ទងនឹងការចោទប្រកាន់ថា លោក Najib បានប្រមូលប្រាក់ ៤២ លានរីងហ្គីត (១០,៣ លានដុល្លារអាមេរិក) ពី SRC International ដែលជាអតីតអង្គភាពនៃមូលនិធិ 1MDB ។
ប៉ុន្តែមេធាវីរបស់គាត់បានដាក់ពាក្យស្នើសុំពន្យារពេលក្នុងការរង់ចាំការប្តឹងឧទ្ធរណ៍ទាក់ទងនឹងបច្ចេកទេសទាក់ទងនឹងការចោទប្រកាន់រវាងតុលាការផ្សេងៗ។ តុលាការឧទ្ធរណ៍គ្រោងនឹងដាក់ពាក្យសុំនៅថ្ងៃច័ន្ទនេះ៕
Home ព្រឹត្តិការណ៍ថ្មីៗ អតីតនាយករដ្ឋមន្ត្រីម៉ាឡេស៊ី លោក ណជីប រ៉ាហ្សាក់ធ្វើសំណើរចុងក្រោយឲ្យពន្យាពេលកាត់ក្តីជុំវិញមូលនិធិ 1MDB