យោងតាមសារព័ត៌មានស្ពុតនិករុស្ស៊ីនៅថ្ងៃទី១៣ កុម្ភៈនេះថា កងកម្លាំងយោធារុស្ស៊ីនឹងចាប់ផ្តើមបង្កើតអាវុធដោយផ្អែកលើគោលការណ៍រាងកាយ និងផ្អែកលើប្រព័ន្ធសម្រាប់តាមដានវត្ថុនៅក្រោមទឹក។ នេះបើតាមការិយាល័យរបស់ឧបនាយករដ្ឋមន្ត្រីរុស្ស៊ី លោក យូរី បូរីសូវ ដែលទទួលបន្ទុកលើឧស្សាហកម្មការពារជាតិ។
បើតាមការិយាល័យលោកបូរីសូវ ក្រុមហ៊ុនផលិតអាវុធរុស្ស៊ី Military Innovation Technopolis Era នឹងផ្តោតទៅលើការបង្កើតថ្មីជាច្រើនដូចជាការបង្កើតយានអវកាសតូច អាវុធដែលផ្អែកលើគោលការណ៍រាងកាយថ្មី វេទិការព័ត៌មានផែនដីយោធា ប្រព័ន្ធស្តាប់សម្លេងក្រោមទឹកសម្រាប់តាមដាន និងអភិវឌ្ឍន៍បច្ចេកវិទ្យាស៊ើបការណ៍សិប្បនិមិត្តសម្រាប់ឧស្សាហកម្មយោធា។
លោក Borisov នឹងធ្វើទស្សនកិច្ចទៅកាន់ក្រុមហ៊ុនរបច្ចេកវិទ្យានៅថ្ងៃពុធនេះ ដើម្បីរៀបចំសន្និសីទស្តីពីកិច្ចសហប្រតិបត្តិការរវាងក្រសួងការពារប្រទេសរុស្ស៊ី និងសាកលវិទ្យាល័យ និងក្រុមហ៊ុនការពារនានា លើការស្រាវជ្រាវដែលបានអនុវត្តនៅក្នុងបច្ចេកវិទ្យានេះ។
កាលពីខែវិច្ឆិកា ប្រធានាធិបតីរុស្ស៊ី លោក វ្ល៉ាឌីមៀរ ពូទីន បានផ្តល់ការវាយតម្លៃកម្រិតខ្ពស់ដល់ក្រុមហ៊ុនយោធារុស្ស៊ីថ្មី នៅភាគខាងត្បូងនៃទីក្រុងអាណាប៉ា ដែលគ្រោងនឹងចាប់ផ្តើមធ្វើការឲ្យអស់ពីលទ្ធភាពនៅចុងឆ្នាំ ២០១៩នេះ ហើយសហគ្រាសឧស្សាហកម្មការពារជាតិ ដែលត្រូវបានណែនាំនេះ នឹងបង្កើតទំនាក់ទំនងជិតស្និទជាមួយមជ្ឈមណ្ឌលច្នៃប្រឌិតថ្មី។
ការឈានជើងប្រឡូកលើវិស័យយោធារបស់រុស្ស៊ីនេះ បានលេចឡើងបន្ទាប់ពីសហរដ្ឋអាមេរិកបានប្រកាសដកខ្លួនចេញពីសន្ធិសញ្ញានុយក្លេអ៊ែររុស្ស៊ី។ ក្រុមអ្នកជំនាញបានលើកឡើងថា ការដកខ្លួនចេញពីសន្ធិសញ្ញានេះ អាចនឹងនាំទៅរកការប្រណាំងប្រជែងផ្នែកសព្វាវុធនាពេលអនាគត៕
Home ព្រឹត្តិការណ៍ថ្មីៗ កងកម្លាំងយោធារុស្ស៊ីនឹងអភិវឌ្ឍន៍គ្រឿងសព្វាវុធ ដោយផ្អែកលើគោលការណ៍រាងកាយ