យោងតាមសារព័ត៌មានរុស្ស៊ីស្ពុតនិក ចិន និងរុស្ស៊ីនឹងចុះហត្ថលេខារួមគ្នាលើការផលិតឧទ្ធម្ភាចក្រធុនធ្ងន់ ក្នុងរយៈពេល ៣០ទៅ ៦០ថ្ងៃ។ នេះបើតាមលោក Viktor Kladov ដែលជានាយកសហប្រតិបត្តិការអន្តរជាតិ និងគោលនយោបាយក្នុងតំបន់ នៅឯក្រុមហ៊ុនរដ្ឋរុស្ស៊ី Rostec ដែលបានប្រាប់សារព័ត៌មានរ៉យទ័រ។
លោកនិយាយថា កិច្ចសន្យាលើការផលិតឧទ្ធម្ភាចក្រនេះត្រូវបានរៀបចំរួចហើយឥឡូវនេះ វានឹងត្រូវចុះហត្ថលេខានៅខែក្រោយ ឬក្នុងរយៈពេល ២ខែទៀត។
លោកតាមនាយករូបនោះ ឧទ្ធម្ភាចក្រធុនធ្ងន់នឹងអាចផ្ទុកទម្ងន់បានរហូតដល់ ១៥តោន។ បន្ថែមលើសនេះ លោកថា រុស្ស៊ីគ្រោងនឹងបើករោងចក្រនៅប្រទេសឥណ្ឌា ដែលនឹងធ្វើការត្រួតពិនិត្យអាជ្ញាបណ្ណម៉ាស៊ីនឧទ្ធម្ភាចក្រ Mi-17៕
