រថក្រោះទំនើបចុងក្រោយរបស់រុស្ស៊ី ត្រូវបានធ្វើទំនើបកម្មនៅក្នុងវិធីមួយ ដែលនឹងជួយសម្រួលដល់អ្នកបើករបស់ខ្លួន។ នេះបើតាមសារព័ត៌មាន News Week នៅថ្ងៃទី៩មីនានេះ។
ប្រព័ន្ធក្រោះ Armata ដែលគាំទ្ររថពាសដែកធុនធ្ងន់ដូចជារថក្រោះថ្មីធុន T-14 ឥឡូវនេះបានបន្ថែមបង្គន់មួយ ដើម្បីជួយសម្រួលដល់ការបញ្ចេញចោល ដោយមិនចាំបាច់ត្រូវបង្ហាញគេខ្មាស់ នៅពេលកំពុងប្រយុទ្ធ។ លោក Ilya Baranov ដែលជានាយកនៃគុណភាព និងបច្ចេកវិទ្យានៅឯការិយាល័យដឹកជញ្ជូនអគារ Urals បានពិពណ៌នាការច្នៃប្រឌិតនេះថាជាគុណភាពដ៏ធំធេងនៃការធ្វើឲ្យជីវិតបុគ្គលិកប្រសើរឡើង។
លោកបារ៉ាណូវបានប្រាប់ទីភ្នាក់ងារសារព័ត៌មានរុស្ស៊ី Tass ថា «បញ្ហាដ៏ធំមួយសម្រាប់ពួកគេគឺថា ពួកគេមិនអាចបន្ថយតួនាទីធម្មជាតិរបស់ពួកគេបាននោះទេ។ លោកថា មានតែ Armata ដែលបានដោះស្រាយភាពលំបាកទ្វេដងនេះ»។
លោកបន្ថែមទៀតថា «តាំងពីដំបូងមករថក្រោះនេះផ្តល់នូវលទ្ធភាពសម្រាប់នាវិកអនុវត្តបេសកកម្មប្រយុទ្ធយូរអង្វែង ហេតុដូច្នេះហើយទើបគេហៅថាប្រព័ន្ធទ្រទ្រង់ជីវិត ឬគ្រាន់តែនិយាយបន្ទប់ទឹកតែប៉ុណ្ណោះ»។
ទោះជាយ៉ាងណាក៏ដោយ បង្គន់មិនមែនជាលក្ខណៈតែមួយគត់ដែលធ្វើឱ្យ T-14 ជំនាន់ក្រោយក្លាយជាសត្រូវដ៏គួរឱ្យខ្លាចនោះទេ។ បន្ថែមពីលើគ្រាប់បែកផ្លោងកំណត់គោលដៅដែលមានថាមពលខ្ពស់ និងគ្រាប់ផ្ទុះនៅលើអាកាស ដែលអាចបាញ់ដោយកាណុង ១២៥មីលីម៉ែត្រ រថក្រោះនេះអាចត្រូវបានបំពាក់ជាមួយកាំភ្លើងម៉ាស៊ីន PK 7,62 មីលីម៉ែត្រ និងប្រវែង 12,7 មីលីម៉ែត្រដោយប្រើតេលេ។ ខណៈដែលស្ថិតក្រោមការវាយប្រហារពីសំណាក់សត្រូវ ប្រព័ន្ធសកម្ម Afghanit នឹងមានសកម្ម ភាព ដែលអាចបាញ់ស្ទាក់គ្រាប់រ៉ុក្កែត និងគ្រាប់កាំភ្លើងប្រឆាំងរថក្រោះដទៃទៀត។
រថក្រោះ T-14 ត្រូវបានដាក់ណែនាំជាលើកដំបូងនៅក្បួនដង្ហែរទិវាជ័យជំនះឆ្នាំ ២០១៥ របស់ទីក្រុងម៉ូស្គូ ដែលរំឭកខួប ៧០ឆ្នាំ ចាប់តាំងពីសហភាពសូវៀតបានទទួលជ័យជំនះលើអាល្លឺម៉ង់។
រុស្ស៊ីបានលេចឡើងជាមហាយក្សយោធានៅលើពិភពលោកតាមរយៈកម្លាងរថក្រោះដ៏សម្បើម ដែលបង្កឲ្យមានការព្រួយបារម្ភពីសំណាក់សម្ព័ន្ធមិត្តសហរដ្ឋអាមេរិក៕