សារព័ត៌មាន NHK របស់ជប៉ុនបានចេញផ្សាយនៅថ្ងៃទី២០ មីនានេះថា ជប៉ុនគ្រោងនឹងធ្វើការអភិវឌ្ឍគ្រាប់មីស៊ីលប្រដែតរយៈចម្ងាយឆ្ងាយ និងរយៈចម្ងាយមធ្យម។ គ្រាប់មីស៊ីលជប៉ុនទាំងពីរនេះ នឹងត្រូវបានប្រើប្រាស់ ដើម្បីពង្រឹងសមត្ថភាពការពារជាតិរបស់ខ្លួន នៅលើប្រជុំកោះដាច់ស្រយាលរបស់ខ្លួននៅភាគខាងលិច និងតំបន់ដែលស្ថិតនៅក្បែរតំបន់ប៉ាស៊ីហ្វិក។
រដ្ឋមន្ត្រីក្រសួងការពារជាប៉ុន លោក Takeshi Iwaya បានបង្ហាញផែនការនេះនៅក្នុងសន្និសីទព័ត៌មានមួយ នៅថ្ងៃអង្គារនេះ។
លោកបាននិយាយថា នាវាចម្បាំងបរទេសឥឡូវនេះត្រូវបានបំពាក់ដោយអាវុធប្រឆាំងនឹងយន្តហោះចម្បាំងរយៈចម្ងាយឆ្ងាយ។ លោក Iwaya បាននិយាយថា លោកចង់ឃើញមីស៊ីលដែលមានរយៈចម្ងាយឆ្ងាយ ត្រូវបានដាក់ពង្រាយនៅលើយន្តហោះរបស់ជប៉ុន ដើម្បីធានាសុវត្ថិភាពដល់កងកម្លាំងស្វ័យការពារជប៉ុន។លោក Iwaya បានបន្ថែមទៀតថា ការស្រាវជ្រាវ និងការអភិវឌ្ឍន៍មីស៊ីលធុនស្រាល បានចាប់ផ្តើមរួចទៅហើយ។
រដ្ឋមន្ត្រីក្រសួងការពារជាតិបាននិយាយថា កាំជ្រួចមីស៊ីលក្នុងស្រុកត្រូវបានប្រើប្រាស់សម្រាប់យន្តហោះចម្បាំងថ្មី ដែលនឹងជំនួសយន្តហោះចម្បាំង F2 ឬស្មើនឹង F-16 ដែលនឹងចូលនិវត្តន៍ក្នុងឆ្នាំ ២០៣០ ។ អ្នកវិភាគមើលឃើញថា ជប៉ុនកំពុងប្រែមុខមាត់យោធារបស់ខ្លួនឲ្យក្លាយទៅជាមហាអំណាចដ៏រឹងមាំមួយ នៅចំពោះមុខចិន បន្ទាប់ពីការប្រកាសទិញយន្តហោះចម្បាំងស៊េរីទំនើប F-35 របស់អាមេរិករាប់រយគ្រឿង។
សូមបញ្ជាក់ផងដែរថា កាលពីម្សិលម្ង៉ៃ ជប៉ុនត្រូវបានគេរាយការណ៍ថា បានចាប់ដៃគ្នាអភិវឌ្ឍន៍ប្រព័ន្ធរ៉ាដា Agis ដើម្បីប្រឆាំងទៅនឹងអាវុធល្បឿនលឿនជាងសម្លេងចិន និងរុស្ស៊ី ខណៈដែលជប៉ុនកំពុងតែរកការគម្រាមកំហែងពីសំណាក់ចិន រុស្ស៊ី និងកូរ៉េខាងជើង។ ក្រៅពីនេះ ប៉ុន្មានសប្តាហ៍មុន ជប៉ុនបានប្រកាសពីការដាក់តម្លើងប្រព័ន្ធមីស៊ីល Agis Ashore ផងដែរ៕
Home ព្រឹត្តិការណ៍ថ្មីៗ ក្តៅៗ! ជប៉ុនគ្រោងនឹងអភិវឌ្ឍន៍គ្រាប់មីស៊ីលនុយក្លេអ៊ែរចម្ងាយឆ្ងាយ និងមធ្យមដើម្បីប្រឆាំងចិន