កាសែត The Times of Israel បានចេញផ្សាយថា លោកនាយករដ្ឋមន្ត្រីអ៊ីស្រាអែល បេនចាមីន នេតាន់យ៉ាហ៊ូកាត់ផ្តាច់ដំណើរទស្សនកិច្ចរបស់លោកទៅកាន់សហរដ្ឋអាមេរិកនៅថ្ងៃចន្ទនេះ បន្ទាប់ពីមានគ្រាប់រ៉ុក្កែតហោះចេញពីតំបន់ហ្កាហ្សា ដែលទំនងជាធ្វើឡើងដោយស្នាដៃក្រុមហាម៉ាស់ បានបាញ់ទៅលើសំណង់អាគារអ្នកស្រុកមួយនៅភាគកណ្តាល ដែលបានបណ្តាលឲ្យមានមនុស្ស ៧នាក់រងរបួស ក្នុងនោះក៏មានទារកពីរនាក់ផងដែរ។
លោកណេតាន់យ៉ាហ៊ូបាននិយាយនៅក្នុងវីដេអូមួយដែលចេញផ្សាយដោយកាសែតវ៉ាស៊ីនតោនប៉ុស្តិ៍ថា "ប៉ុន្មាននាទីមុនខ្ញុំបានបញ្ចប់កិច្ចប្រជុំ និងការពិគ្រោះយោបល់ជាមួយមេបញ្ជាការនៃកងកម្លាំងអ៊ីស្រាអែល។ លោកបានប្ដេជ្ញាថា: «នេះជាការវាយប្រហារឧក្រិដ្ឋមកលើអ៊ីស្រាអែល ហើយយើងនឹងឆ្លើយតបដោយកម្លាំង»។
លោកបាននិយាយថា លោកនឹងស្នាក់នៅរដ្ឋធានីវ៉ាស៊ីនតោន ក្នុងរយៈពេលយូរល្មម ដើម្បីជួបជាមួយប្រធានាធិបតីសហរដ្ឋអាមេរិក លោក ដូ ណលត្រាំនៅព្រឹកថ្ងៃចន្ទនេះ ម៉ោងនៅក្នុងស្រុក។ ហើយភ្លាមៗនោះ លោកត្រលប់មកប្រទេសអ៊ីស្រាអែលវិញ ដើម្បីត្រួតពិនិត្យការឆ្លើយតបរបស់លោកជាមុនសិន។
លោកនេតានយ៉ាហ៊ូគ្រោងនឹងជួបលោកត្រាំនៅថ្ងៃចន្ទនេះនៅសេតវិមាន ដើម្បីចុះហត្ថលេខាលើការទទួលស្គាល់អធិបតេយ្យភាពអ៊ីស្រាអែល នៅក្នុងតំបន់ហ្គោឡានហាយ។
សូមបញ្ជាក់ថា ការលុបចោលកិច្ចប្រជុំជាមួយលោកត្រាំនេះ ត្រូវបានសម្រេចពីលោកនាយករដ្ឋមន្ត្រីអ៊ីស្រាអែល បេនចាមីន នេតាន់យ៉ាហ៊ូ ក្រោយអ៊ីស្រាអែលរងការវាយប្រហារដោយគ្រាប់រ៉ុក្កែតមួយគ្រាប់ ដែលបានបាញ់ទម្លាក់ទៅលើអគារមួយនៅភាគកណ្តាល។ ជាធម្មតាប្រព័ន្ធការពារមីស៊ីល អាយ អិនដូម មានសកម្មភាព ប៉ុន្តែចំឡែកតែនៅថ្ងៃនេះ ប្រព័ន្ធការពារអ៊ីស្រាអែលមិនមានសកម្មភាព។ មិនទាន់ឃើញមានការប្រកាសទទួលស្គាល់ថា ការបាញ់គ្រាប់មីស៊ីលនេះជាស្នាដៃអ្នកណាទេ ប៉ុន្តែទំនងជាស្នាដៃរបស់ក្រុមចលនាហាម៉ាស់៕
