បុរសម្នាក់ដែលអះអាងថា ជាមនុស្សឆ្លងជាតិដល់ឆ្នាំ៣៧០០ បានធ្វើការព្រមានពីសង្គ្រាមដ៏អាក្រក់បំផុតរវាងមនុស្ស និងមនុស្សយន្ត។ លោកបាននិយាយថា លោកបានសម្លាប់មនុស្សយន្ត ដោយដៃរបស់លោក អំឡុងសង្គ្រាមដ៏អាក្រក់នោះ។ លោកបានអះអាងបែបនេះ អំឡុងបទសម្ភាសន៍ជាមួយទូរទស្សន៍ Apex TV គឺជាប៉ុស្តិ៍ក្នុង Youtube ដែលមានជំនាញខាងវិភាគ និងសំយោគលើទ្រឹស្តីនិយមចម្លែកជាច្រើន ហើយនិងមានអ្នក Subscribeជិត៨សែននាក់។
លោក Mike មានដើមកំណើតនៅក្រិក បានកើតនៅក្នុងប្រទេសបារាំង និងបានរស់នៅទីនោះរហូតដល់លោកអាយុ១៤ឆ្នាំ មុនពេលផ្លាស់ទៅរស់នៅក្នុងប្រទេសកាណាដា។ ពេលរស់នៅក្នុងប្រទេសកាណាដា លោកចាប់ផ្តើមចាប់អារម្មណ៍លើវិទ្យាសាស្ត្រ ហើយនិងបានចូលបម្រើការងារនៅក្នុងមន្ទីរពិសោធន៍សន្តិសុខជាតិកាណាដា នៅវ័យ១៨ឆ្នាំ ជាកន្លែងដែលលោកបានអះអាងថា លោកបានចូលរួមគម្រោង និងប្រតិបត្តិការសម្ងាត់ជាច្រើន។លោកបាននិយាយថា យើងបានធ្វើពិសោធន៍ជាមួយមាស៊ីនពេលវេលា។ យើងបានបញ្ជូនក្រុមងារបារជាច្រើនធ្វើដំណើរទៅកាន់អនាគត។ លោកបានចូលរួមជាមួយក្រុមមួយនេះ និងធ្វើដំណើរជាមួយពួកគេ។ លោកបាននិយាយថា នៅក្នុងឆ្នាំ៣៧០០ លោកបានធ្វើដំណើរ១៨លើក មាននូវមនុស្សយន្តជាច្រើនប្រភេទ ខ្លះគ្រាន់តែជាម៉ាស៊ីនប៉ុណ្ណោះ ប៉ុន្តែខ្លះទៀតដើរដោយប្រព័ន្ធខួរក្បាលសិប្បនិម្មិតរបស់មនុស្ស ហើយមនុស្សយន្តខ្លះទៀតមានរូបរាងដូចជាមនុស្សលោកសុទ្ធសាតតែម្តង។លោកបញ្ជាក់ថា មាននូវកងទ័ពមនុស្សយន្តផងដែរ ដែលមានកម្លាំងខ្លាំងក្លា និងមានអាវុធគ្រប់ដៃ ហើយនិងធ្វើការជាម៉ាស៊ីនពិឃាតមនុស្សយ៉ាងអស្ចារ្យ ហើយមនុស្សយន្តខ្លះ ថែមទាំងមានកាំភ្លើងឡាស៊ែក្នុងដៃថែមទៀតផង។ លោក Mikeបាននិយាយថា នៅក្នុងឆ្នាំ៣៧០០ សង្គ្រាមរវាងមនុស្ស និងមនុស្សយន្ត បានចាប់ផ្តើមឡើង ហើយវាគឺជាសង្គ្រាមមួយដែលគ្មាននរណាម្នាក់ធ្លាប់ឃើញពីមុនមកនោះទេ។ នៅថ្ងៃទី២០ ខែកញ្ញា ឆ្នាំ៣៧០០ មនុស្សយន្តទាំងអស់នៅលើផែនដី ចាប់ផ្តើមបើកការវាយប្រហាររបស់ពួកគេ។ ក្រោយរលកដំបូងនៃការវាយប្រហារ មនុស្សប្រហែល៣០ភាគរយ ត្រូវបានបំផ្លាញគ្មានសល់។ ពួកវាប្រើប្រាស់អ៊ីនធឺណេត និងប្រព័ន្ធ Wireless ដើម្បីទាក់ទងគ្នា ពេលបើកការវាយប្រហារព្រមគ្នា។ រឿងតែមួយគត់ដែលអាចសង្គ្រោះជីវិតមនុស្សភាគច្រើន គឺមនុស្សយន្ត មិនអាចរកឃើញលេខកូដ នៃប្រព័ន្ធវាយប្រហារមីស៊ីលនុយក្លេអ៊ែរ។ បើសិនជាពួកវារកឃើញពិតមែន ច្បាស់ណាស់ថាវាលែងក្លាយជាសង្គ្រាមទៀតហើយ តែផ្ទុយទៅវិញ វាក្លាយជាការប្រល័យពូជាសាសន៍ផ្តាច់ពូជមនុស្សតែម្តង៕Home ព្រឹត្តិការណ៍ថ្មីៗ មនុស្សឆ្លងជាតិអះអាងថា សង្គ្រាមដ៏អាក្រក់បំផុតបានផ្ទុះឡើងរវាងមនុស្ស និងមនុស្សយន្ត