អ្នកនាង ឱក សុគន្ធកញ្ញា បន្ទាប់ពីរៀបពិធីអាពាហ៍ពិពាហ៍ជាមួយស្វាមី ដែលត្រូវបានមហាជនស្គាល់ថាជាប្អូនប្រុសថៅកែហង្សមាសគឺលោក អ៊ឹង សុខលី រួចមក ។ ថ្មីៗនេះអ្នកនាងឱក សុគន្ធកញ្ញា បានបង្ហោះរូបថតយ៉ាងផ្អែមល្ហែមជាមួយស្វាមី នៅប្រទេសបារាំង ដែលធ្វើឲ្យ Fans ជាច្រើនមានការកោត សរសើរចំពោះក្តីស្នេហ៍ប្តីប្រពន្ធមួយគូនេះយ៉ាងខ្លាំង ។
យោងតាមអ៊ីនស្ត្រាក្រាមរបស់អ្នកនាង ឱក សុគន្ធកញ្ញា បានបង្ហោះយ៉ាងដូច្នេះថា ៖ នេះជាលើកទី៣ហើយ ដែលនាងជិះយន្ដហោះទៅលេងប្រទេសបារាំង គឺលើកទី១. ជាមួយម្ដាយជាទីគោរព, លើកទី២. ជាមួយប្អូនស្រី ជាទីស្រឡាញ់ និងលើកទី៣. ជាមួយស្វាមីដែលគឺពេញទៅដោយភាពកក់ក្តៅ និងក្តីស្រឡាញ់.....។
អ្នកនាង ឱក សុគន្ធកញ្ញា បានរៀបរាប់ថា ទម្រាំអាចមានថ្ងៃនេះ ទម្រាំអាចតស៊ូបានមកដល់ថ្ងៃនេះ ពួកយើងបានឆ្លងកាត់នូវ រឿងរ៉ាវ បញ្ហា និងការប្រឈមមុខជាមួយគ្នាច្រើនរាប់មិនអស់។ ពេលខ្លះ ក៏មានអារម្មណ៍ថា ទម្រាំតែអាចឆ្លងហួសនូវអារម្មណ៍តានតឹង និងស្រពាប់ស្រពោនបាន ស្ទើរតែចង់បោះបង់គ្រប់យ៉ាងចោលទៅហើយ តែចុងក្រោយ ពួកយើងក៏នៅតែអាចបន្តមកជាមួយគ្នា រហូតមានថ្ងៃនេះក៏ព្រោះតែយើងមានចិត្តមួយជាមួយគ្នានោះគឺចិត្តដែលមិនព្រមបោះបង់ចោលគ្នា។
តារាស្រីអ្នកនាង ឱក សុគន្ធកញ្ញា បន្តថា មិនថាស្ថិតក្នុងកាលៈទេសៈបែបណាមិនថាស្ថិតនៅក្នុងអារម្មណ៍បែបណា អ្វីដែលយើងអាចរក្សាបាននោះ គឺចង់មានថ្ងៃមួយគឺថ្ងៃនៃត្រើយសុភមង្គល ថ្ងៃដែលអាចកាន់ដៃគ្នាដើរចូលរោងមង្គលជ័យ មានលោកមេបា សាច់ញាតិបងប្អូន មិត្តភក្តិ ជិតឆ្ងាយ មកចូលរួមដឹងឮ និងឲ្យពរជ័យ។ ចាប់តាំងពីថ្ងៃស្រឡាញ់គ្នាដំបូង មិនថាជួបរឿងអ្វីក៏ដោយ ក៏ត្រូវតែអត់ឱនឱ្យគ្នាឱ្យបានច្រើន ស្ដាប់គ្នាឲ្យច្រើនជាងស្ដាប់អ្នកដទៃ និយាយគ្នាឱ្យមានហេតុ និងផល យល់ពីគ្នាឲ្យច្រើនជាងការដែលយល់តែចិត្តខ្លួនឯង កុំតឹងតែង កុំហួចហែងគ្នាហួសហេតុពេក បើកចិត្តទទួលយករាល់ចំណុចអវិជ្ជមានរវាងគ្នា។
អ្នកនាង ឱក សុគន្ធកញ្ញា និយាយទៀតថា ដើម្បីអាចផ្ដល់នូវមតិយោបល់ ហើយកែប្រែគ្នាទៅវិញទៅមកព្រោះថា អ្នកណាៗក៏ធ្លាប់ខុស ព្រោះលើលោកនេះ គ្មានឡើយមនុស្សដែលល្អឥតខ្ចោះសូម្បីតែយើងខ្លួនឯង គឺមានតែការព្យាយាមកែលំអគ្នា និងទទួលយករៀងៗខ្លួនទេទើបអាចដើរដល់ថ្ងៃនេះ អាចឆ្លងកាត់រឿងរ៉ាវគ្រប់យ៉ាងបានជាមួយគ្នា។ ហើយពីថ្ងៃនេះ តទៅថ្ងៃមុខ រហូតទៅ គឺត្រូវស្រឡាញ់គ្នា មើលថែគ្នា អត់ឱនឲ្យគ្នា ឲ្យដូចថ្ងៃដំបូងដែលយើងចាប់ផ្ដើម គ្រួសារមួយនេះ គឺមានតែពាក្យថា ក្ដីសុខ និងសុភមង្គល យើងនឹងធ្វើជាគំរូល្អសម្រាប់កូនចៅ កូនក្មួយយើងទៅថ្ងៃមុខ។
កុំភ្លេចថាមានមនុស្សច្រើនណាស់ចាំមើលយើង អ្នកខ្លះ គេមិនខ្វល់ទេថាយើងស្រឡាញ់គ្នាប៉ុនណា តែគេនឹងចាំតែមើលបំណាំ និងចាប់កំហុសរបស់យើងតែប៉ុណ្ណោះ តែទោះយ៉ាងនេះក្ដី អ្វីដែលយើងត្រូវមាន គឺរក្សាជំហរឱ្យបានល្អ សម្រាប់គ្រួសារដ៏ឧត្តុង្គឧត្តមរបស់យើង។ស្រឡាញ់គ្នាមិនប្រែ ពីថ្ងៃនេះ រហូតទៅ …..។
គួររំលឹកដែរថា នៅថ្ងៃមង្គលការឱក សុគន្ធកញ្ញា ហាក់ត្រូវបានមហាជននិងតារាសិល្បករជាច្រើន ចាប់អារម្មណ៍ច្រើនជាងតារាផ្សេងៗទៀត ព្រោះមានការតុបតែងឆាកយ៉ាងប្រណីត ហើយថែមទាំងមានសម្ដេចនាយករដ្ឋមន្ដ្រី និងសម្តេចកិត្តិព្រឹទ្ធបណ្ឌិត ព្រមទាំងមន្ដ្រីធំៗរបស់រដ្ឋាភិបាលមួយចំនួនទៀត បានចូលរួមផងដែរ។
Home សិល្បៈកម្សាន្ត អ្នកនាង ឱក សុគន្ធកញ្ញា បង្ហោះសារថ្មីធ្វើឲ្យអ្នកគាំទ្រមើលហើយចង់ឡើងជាតិស្ករ