កូរ៉េខាងត្បូង៖ យោងតាមសេចក្តីរាយការណ៍ពីទីភ្នាក់ងារព័ត៌មាន Yanhap News បានឲ្យដឹងថា នាង Goo Hara ដែលជាតារាសម្តែងដ៏ល្បីម្នាក់របស់កូរ៉េខាងត្បូង និងជាអតីតសមាជិកក្នុងក្រុមតារាងចម្រៀងស្រី Kara ត្រូវបានគេបញ្ជូនទៅកាន់មន្ទីរពេទ្យ ក្រោយការប៉ុនប៉ងធ្វើអត្តឃាត បន្ទាប់ពីអតីតមិត្តប្រុសរបស់នាង គំរាមទម្លាយវីដេអូលើគ្រែរបស់ពួកគេនោះ។
តារាចម្រៀងរូបនេះ ត្រូវបានគេប្រទះឃើញសន្លប់នៅក្នុងគេហដ្ឋានរបស់នាងស្ថិតនៅតំបន់ជាយក្រុង Cheongdam ស្ថិតក្នុងរដ្ឋធានីសេអ៊ូល កាលពីថ្ងៃទី២៦ ខែឧសភា ដោយអ្នកចាត់ការរបស់នាង បានទៅមើលនាង ពេលដែលនាងមិនបានលើកទូរស័ព្ទរបស់គាត់។ នាងស្ថិតនៅក្នុងបន្ទប់មួយដែលពោពេញដោយផ្សែង។
នាងបានផ្ញើសារឲ្យហេតុផងដែរដល់ក្រុមអ្នកគាំទ្ររបស់នាងមុននេះ ក្រោយបង្ហោះសារអក្សរ “Annyeong” លើផេក Instagram របស់នាង គឺជាពាក្យមួយអាចមានន័យថា “សួស្តី ឬលាហើយ”។
ទោះបីជាយ៉ាងណាក៏ដោយ តារាងចម្រៀងនៅក្នុងក្រុម K-pop ម្នាក់នេះ ត្រូវបានគេរាយការណ៍ស្ថិតនៅក្នុងស្ថានភាពនឹងនវិញហើយ បើទោះបីជានាងមិនទាន់ដឹងខ្លួនក៏ដោយ។
សូមបញ្ជាក់ថា នាង Goo Hara បានជាប់ផុងទៅក្នុងរឿងរ៉ាវបណ្តឹងជាច្រើនជាមួយនឹងអតីតមិត្តប្រុសរបស់នាង គឺលោក Choi Jong Bum ដែលនាងបានចោទប្រកាន់ថា បាវាយធ្វើបាបនាង និងគំរាមបញ្ចេញវីដេអូរួមភេទរបស់ពួកគេ។ នាងត្រូវបានគេចោទប្រកាន់ផងដែរថា បានវាយដំមកលើអតីតមិត្តប្រុសរបស់នាង ។
ដោយឡែក កុងត្រារបស់តារាស្រីវ័យ២៨ឆ្នាំម្នាក់នេះ ជាមួយនឹងទីភ្នាក់ងាររបស់នាង បានបញ្ចប់កាលពីដើមឆ្នាំនេះ ហើយនាងមិនត្រូវបានគេផ្តល់កុងត្រាថ្មីនោះទេ។ កាលពីខែធ្នូកន្លងទៅ នាងបានជួបជាមួយក្រុមអ្នកគាំទ្ររបស់នាងនៅប្រទេសជប៉ុន៕
Home សិល្បៈកម្សាន្ត តារាចម្រៀងស្រីកូរ៉េ Goo Hara ប៉ុនប៉ងធ្វើអត្តឃាតក្រោយអតីតមិត្តប្រុសគំរាមទម្លាយវីដេអូលើគ្រែរបស់ពួកគេ