អាមេរិកខាងជើងៈ រឿង “អាឡាដាំង”របស់ក្រុមហ៊ុនផលិតកម្ម Disney រកបានប្រាក់ចំណូលខ្ពស់មិន នឹកស្មានដល់ ប្រមាណ ជា១០៥លានដុល្លារនៅអាមេរិកខាងជើង អំឡុងពេលចាក់បញ្ចាំងរយៈពេល៤ថ្ងៃដំបូងនៅចុងសប្តាហ៍អំឡុងទិវារបុណ្យជាតិ Memorial Day ។
វាគឺប្រាក់ចំណូលសរុបនាចុងសប្តាហ៍អំឡុងទិវារបុណ្យជាតិ Memorial Day ខ្ពស់បំផុតទី៦ ដោយបានផ្តួលការចាក់បញ្ចាំងនាចុងសប្តាហ៍ឆ្នាំ២០១១ ដែលរកបានប្រាក់ចំណូល១០៣.៤លានដុល្លាររបស់ខ្សែភាពយន្ត “The Hangover Part II”។ ប្រាក់ចំណូលសរុបខ្ពស់ជាងគេបំផុត បានកើតមានឡើងកាលពីឆ្នាំ២០០៧ ពេលដែខ្សែភាពយន្ត“Pirates of the Caribbean: At World’s End” រកបាន១៣៩លានដុល្លារសម្រាប់ការចាក់បញ្ចាំងរយៈពេល៤ថ្ងៃដំបូងអំឡុងចុងសប្តាហ៍ទិវាបុណ្យជាតិ Memorial Day ។
សូមបញ្ជាក់ថា ខ្សែភាពយន្តដែលរកបាន៥០២លានដុល្លារនៅការដាក់បញ្ចាំងទាំងទាំងពិភពលោកនេះ មានការចូលរួមសម្តែងដោយតារាល្បីៗជាច្រើនដួងដូចជា តារាសម្តែងកាណាដា Mena Massoud ដើរតួជា “អាឡាដាំង” តារាសម្តែងអាមេរិក Will Smithដើរតួចជា ទេវរក្ស“ជីនូ” តារាសម្តែងស្រីអង់គ្លេស Naomi Scott ដើរតួជា “ចាស្ម៊ីន” និងតារាសម្តែងហូឡង់ Marwan Kenzari ដើរតួចជា “ចាហ្វា”។
ពាក់ព័ន្ធនឹងការសម្តែងក្នុងរឿងនេះដែរ លោកWill Smithបាននិយាយថា ដំបូងឡើយលោកមានការព្រួយបារម្ភភិតភ័យខ្លាំងចំពោះការសម្តែងជាតួអង្គទេវរក្ស “ជីនូ”នៅក្នុងខ្សែភាពយន្តហោះរឿង “អាឡាដាំង” ក្រោយពីការសម្តែងមួយនេះ ធ្វើឡើងដោយអតីតតារាសម្តែង Robin Williams កាលពីរយៈពេល២៥ឆ្នាំមុន ប៉ុន្តែនៅទីបញ្ចប់ បែរជាលោកពេញចិត្តនឹងការសម្តែងតួអង្គមួយនេះទៅវិញ។ឮ
លោក Smith បាននិយាយថា អ្វីដែលលោក Robin Williams បានធ្វើជាមួយតួរអង្គមួយនេះ គាត់បានបន្សល់ទុកចម្លោះប្រហោងច្រើនត្រូវបំពេញបន្ថែមពីលើតួអង្គជីនូ។ ហេតុដូច្នេះហើយលោក ចាប់ផ្តើមសម្តែងរាងភិតភ័យបន្តិច ប៉ុន្តែក្រោយមក លោកបែរជាចាប់ផ្តើមសម្តែងតួអង្គមួយនេះ ជាមួយនឹងភាពសប្បាយរីករាយ និងជំនឿចិត្តខ្ពស់ទៅវិញ៕
