ពិធីការិនីដែលមានឈ្មោះ អន រ៉ាស៊ីសុមេត្តា ហៅកញ្ញា ណូម័រ នោះបានចូលរោងជ័យក្រាបផ្ទឹមតាមប្រពៃណីខ្មែរជាមួយនឹងពិធីករទូរទស្សន៍ VJ សុភា ក្រោយពីបានស្វែងយល់ចិត្តមួយរយ:។
តារាសម្តែង និងជាពិធីការិនីទូរទស្សន៍រូបស្រស់ កញ្ញា ណូម័រ បានសម្រេចដឹកដៃគូស្នេហ៍ជាអ្នកសិល្បៈដូចគ្នាចូលរោងការក្រាបផ្ទឹមដល់កន្ទេលនៅថ្ងៃទី ២៨ ខែឧសភា ឆ្នាំ ២០១៩ កន្លងទៅហើយដែលរៀបចំទទួលភ្ញៀវចំនួន ៧០ តុ នៅឯមជ្ឈមណ្ឌល Capital Wedding Hall សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ។
តាមការរៀបរបស់អ្នកទាំងពីរពួកគេបានស្គាល់គ្នាជាង៣ឆ្នាំមកហើយ ដំបូងគ្រាន់តែ រាប់អានគ្នាធម្មតាទេ ប៉ុន្តែទើបតែមានចិត្តស្រលាញ់គ្នា១ឆ្នាំចុងក្រោយនេះប៉ុណ្ណោះ។ វីជេ សុភា លោកបញ្ជាក់ថា លោកស្គាល់គ្នា ក្នុងការងារ ដោយលោកគឺជាអ្នកគ្រប់គ្រងកម្មវិធីចំណែក ណូម័រ ជាពិធីការិនី ។ លោកថា ធ្វើការជាមួយគ្នាយូរៗទៅ ចេះសហការណ៍គ្នា ឃើញទង្វើល្អរៀងៗខ្លួន ចេះអត់ឱនឲ្យគ្នាទៅវិញទៅមក ក៏ចាប់ផ្ដើមបង្កើតជាស្នេហ៍ជាមួយគ្នាតែម្ដងទៅ។
