(ទីក្រុងវ៉ ស)៖ សារព័ត៌មាន Defense News នៅថ្ងៃទី៣០ ឧសភានេះបានឲ្យដឹងថា រដ្ឋមន្ត្រីការពារជាតិប៉ូឡូញ លោក Mariusz Blaszczak បានប្រកាសកាលពីថ្ងៃទី២៨ ឧសភាថា ក្រសួងរបស់លោកបានបញ្ជូនសំណើទិញយន្តហោះចម្បាំងជាផ្លូវការទៅកាន់សហរដ្ឋអាមេរិក ដើម្បីទទួលបានយន្តហោះចម្បាំងបំបាំងកាយ F-35A ចំនួន ៣២គ្រឿង។
ក្រសួងនេះមានគោលបំណងប្រើប្រាស់យន្តហោះចម្បាំងស៊េរីទំនើបជំនាន់ទី៥ របស់អាមេរិកជំនួសឲ្យយន្តហោះចម្បាំងហួសសម័យរបស់សូវៀតប្រភេទ Sukhoi Su-22 និង Mikoyan MiG-29។ ការទិញនេះ គឺជាផ្នែកមួយនៃកម្មវិធីទំនើបកម្មយោធារបស់ប៉ូឡូញ ដែលទីក្រុងវ៉ ស គ្រោងនឹងចំណាយ ៤៨លានដុល្លារទៅលើអាវុធថ្មីទាំងនេះនៅឆ្នាំ ២០២៦។
កាលពីខែមេសា លោក Blaszczak បាននិយាយថាកិច្ចព្រមព្រៀងទិញយន្តហោះចម្បាំង F-35 នឹងត្រូវចុះហត្ថលេខាមិនយូរទៀតនោះទេ ខណៈដែលគណៈរដ្ឋមន្ត្រីប៉ូឡូញកំពុងចរចាស្របគ្នាជាមួយទីក្រុងវ៉ាស៊ីងតោនស្តីពីការដាក់ពង្រាយកងទ័ពសហរដ្ឋអាមេរិកជាអចិន្ត្រៃនៅក្នុងទឹកដីប៉ូឡូញ។ ប៉ូឡូញបើកដៃឲ្យសហរដ្ឋអាមេរិកកសាងមូលដ្ឋានយោធាដ៏ធំនៅក្នុងប្រទេសរបស់ខ្លួន ដោយផ្តលទឹកប្រាក់ ២ពាន់លានដុល្លារដល់គម្រោងសាងសង់បន្ទាយត្រាំ។
ការកសាងមូលដ្ឋានយោធានៅលើទឹកដីប៉ូឡូញនេះ ធ្វើឡើងដើម្បីប្រឆាំងទៅនឹងរុស្ស៊ី ដែលកំពុងពង្រីកឥទ្ធិពលគម្រាមកំហែងយ៉ាងខ្លាំងដល់បណ្តាប្រទេសនៅជាប់ព្រំដែន។ ប៉ូឡូញមើលឃើញពីការឈ្លានពានរបស់រុស្ស៊ីទៅលើអ៊ុយក្រែន ទើបបានជាប៉ូឡូញសុខចិត្តចំណាយប្រាក់ដាក់មូលដ្ឋានទ័ពអាមេរិក។ វត្តមានក្រុមយន្តហោះចម្បាំងបំបាំងកាយនៅប៉ូឡូញ កំពុងបញ្ជូនសារគម្រាមយ៉ាងខ្លាំងដល់ប្រព័ន្ធការពារមីស៊ីលរុស្ស៊ីគ្រប់ជាន់ថ្នាក់ចាប់ពី S-300 ដល់ S-700។ យន្តហោះចម្បាំងបំបាំងកាយជំនាន់ទី៥ និងយន្តហោះទម្លាក់គ្រាប់បែកបំបាំងកាយ B-1 និង B-2 អាចបិទរាដារុស្ស៊ីបានទាំងស្រុង។ យ៉ាងណាមិញ បើតាមការអួតក្តែងៗរបស់រុស្ស៊ី យន្តហោះបំបាំងកាយអាមេរិកមិនរត់មិនរួចត្រឹម S-400 មិនតែប៉ុណ្ណោះ S-កាន់តែធំកម្លាំងកាន់តែខ្លាំង តួយ៉ាង S-700 អាចបាញ់កម្ទេចភពមួយទាំងមូលចោលបាន។ ផ្ទុយពីការអះអាង អ៊ីស្រាអែលប្រើត្រឹមយន្តហោះចម្បាំងស៊េរីទាប F-16 វាយជាង ២០០ដង ទើបឃើញខែល S-200 បាញ់ធ្លាក់ម្តង។ ហើយចាប់តាំងពី S-300 បញ្ជូនទៅស៊ីរីប៉ុន្មានខែមកនេះ ស្ងាត់ដូចចោរលួចសេះ មិនដែលឃើញ S-300 ណាបាញ់ F-16 ត្រូវសោះ។ ជាការសន្និដ្ឋាន កុំថាឡើយ S-300 400 ចង់ S-700 ទៀតក៏បាញ់យន្តហោះចម្បាំងបំបាំងកាយមិនត្រូវដែរ បើចាប់រលកសញ្ញាមិនបានផងហ្នឹង៕
Home ព្រឹត្តិការណ៍ថ្មីៗ ប៉ូឡូញបញ្ជូនសំណើរទិញយន្តហោះចម្បាំង F-35 ជាផ្លូវការ ដើម្បីចង់សាកកម្លាំង S-700 របស់រុស្ស៊ីដែលអួតថាបាញ់កម្ទេចភពបាន