យ៉ាងហោចណាស់មានមនុស្ស ៧នាក់បានស្លាប់ និងមនុស្សជាច្រើននាក់ផ្សេងទៀតកំពុងបាត់ខ្លួន បន្ទាប់ពីទូកដឹកអ្នកទេសចរជនជាតិកូរ៉េខាងត្បូងចំនួន ៣៥នាក់បានលិចនៅទន្លេដានូបេក្នុងរដ្ឋធានីប៊ូដាផេស ប្រទេសហុងគ្រី។
ទូកដឹកអ្នកទេសចរបានលិចនៅជិតអគារសភាហុងគ្រីនៅវេលាម៉ោង ៩: ១៥នាទីយប់ម៉ោងក្នុងស្រុកកាលពីថ្ងៃពុធ។
ទូកដឹកអ្នកទេសចរណ៍ពីរជាន់មានឈ្មោះថា Hableany ឬហោថា Mermaid ត្រូវបានបុកដោយទូកមួយទៀតបណ្តាលឲ្យលិចតែម្តង។
ក្រសួងការបរទេសកូរ៉េខាងត្បូងបានបញ្ជាក់ថា មានជនជាតិកូរ៉េខាងត្បូងចំនួន ៣៣នាក់នៅលើទូក រួមទាំងនាវិកជនជាតិហុងគ្រី ២នាក់ផងដែរ។ ក្នុងនោះដែរ ក៏មានក្មេងៗមួយចំនួនផងដែរ។
អ្នកនាំពាក្យផ្នែកអ្នកសង្គ្រោះម្នាក់ប្រាប់ទូរទស្សន៍រដ្ឋថា មានមនុស្ស ១៤នាក់ហើយ ដែលត្រូវបានគេទាញចេញពីទឹករហូតមកដល់ពេលនេះ។ ទឹកជំនន់ និងចរន្តទឹកទន្លេដានូបេបានធ្វើឱ្យមានភាពលំបាកក្នុងការជួយសង្គ្រោះ ដោយអ្នកមុជទឹកនិយាយថា ទឹកទន្លេដានូបេគឺមានសីតណ្ហភាពប្រមាណ ១០ ទៅ ១២អង្សាសេប៉ុណ្ណោះ។
ទូកដែលលិចនោះមានប្រវែង ២៧ម៉ែត្រ កម្ពស់ ២ជាន់ អាចផ្ទុកមនុស្សរហូតដល់ ៦០នាក់ និងមានកម្លាំងម៉ាស៊ីន ១៥០សេះ ជាកម្មសិទ្ធរបស់ក្រុមហ៊ុន Panorama Deck Ltd។
ទូកនោះត្រូវបានដាក់បញ្ជូនទៅក្នុងសេវាកម្មតាំងពីឆ្នាំ ២០០៣ និងទទួលបានការថែទាំងជាទៀងទាត់។
ទូកនោះត្រូវបានផលិតដំបូងនៅសហភាពសូវៀត ហើយទូកនោះទទួលបានម៉ាស៊ីថ្មីរបស់ហុងគ្រីនៅទសវត្សទី៨០៕
Home ព្រឹត្តិការណ៍ថ្មីៗ មនុស្ស ៧នាក់បានស្លាប់ដោយការចរាចរណ៍ផ្លូវទឹកនៅរដ្ឋធានីប៊ូដាផេសប្រទេសហុងគ្រី