ចាប់តាំងពីរូបថតលើគ្រែរបស់នាង Elaine Yiu ដែលជាតារាសម្តែងដ៏ល្បីម្នាក់របស់ហុងកុង និងអតីតមិត្តប្រុស Raymond Young បានសាយភាយពេញអ៊ីនធឺណេតរួចមក តារាសម្តែងស្រីម្នាក់នេះ បានប្រឈមនឹងការចោទប្រកាន់ថា នាងគឺជាស្រីផិតប្តី។
ថ្វីត្បិតតែនាងបានបញ្ជាក់ថា នាងមានទំនាក់ទំនងស្នេហាជាមួយលោក Raymond នៅពេលនោះនាងនៅលីវយ៉ាងណាក្តី ក៏នាង Elaine ពិតជាមិនអាចដកខ្លួនចេញពីរឿងអាស្រូវដ៏អាក្រក់មួយនេះបានដែរ។
នៅក្នុងវីដេអូលើគ្រែរយៈពេល៥នាទី ដែលបានបែកធ្លាយតាមអនឡាញកាលពីពេលថ្មីៗនេះ គេឃើញស្ត្រីម្នាក់នៅក្នុងវីដេអូគ្លីបនេះ ដូចគ្នាបេះបិទនឹងនាង Elaine ។
ទោះបីជាយ៉ាងណាក៏ដោយ ក្រោយពីវីដេអូមួយនេះ ទទួលបានការចាប់អារម្មណ៍យ៉ាងឆាប់រហ័សនោះ ក្រុមអ្នកប្រើប្រាស់អ៊ីនធឺណេត បានចេញមុខជួយការពារនាង Elaine ដោយពួកគេបាននិយាយថា វីដេអូមួយនេះ មានតាំងពីច្រើនឆ្នាំមកហើយ។ ពួកគេអះអាងថា មុខមាត់ស្រដៀងគ្នារវាងស្ត្រីក្នុងវីដេអូ និងនាង Elaine គ្រាន់តែរឿងចៃដន្យប៉ុណ្ណោះ។
ដោយប្រកែកថា ស្ត្រីនៅក្នុងវីដេអូមិនមែនជាងរូបនាងនោះ នាង Elaine បានបញ្ជាក់ថា នាងបានឆ្លើយតបនូវអ្វីដែលនាងគួរឆ្លើយតបអស់ហើយ មនុស្សនៅក្នុងវីដេអូនេះ មិនមែនជានាងនោះទេ។ អរគុណអ្នករាល់គ្នាដែលជួយខ្វាយខ្វល់។
នាងបន្តថា នាងសង្ឃឹមថា ក្រុមអ្នកប្រើប្រាស់អ៊ីនធឺណេត លែងចែករំលែកវីដេអូមួយនេះតាមអនឡាញតទៅទៀត ពីព្រោះថា មនុស្សនៅក្នុងវីដេអូ មិនមែនជារូបនាងនោះទេ។ នាងសង្ឃឹមថា អ្នករាល់គ្នា នឹងបញ្ឈប់ចែករំលែកវា ហើយការពារមនុស្សនៅក្នុងវីដេអូនេះ។ នាងសង្ឃឹមផងដែរថា សារព័ត៌មាន នឹងចុះផ្សាយព័ត៌មានវិជ្ជមានជាងនេះ និងផ្សាយព័ត៌មានណាដែលផ្តល់ផលល្អដល់អ្នករាល់គ្នាជំនួសវិញ៕
Home សិល្បៈកម្សាន្ត តារាសម្តែងស្រី Elaine Yiuបដិសេធន៍ថា ស្ត្រីនៅក្នុងវីដេអូលើគ្រែ មិនមែនជារូបនាងនោះទេ