ក្រុមអយ្យការ បានស្នើសុំឲ្យលោក Choi Jong Bum គឺជាអតីតមិត្តប្រុសរបស់តារាចម្រៀង និងសម្តែងកូរ៉េខាងត្បូង Goo Haraដែលត្រូវបានចោទប្រកាន់ពីបទបំពានលើរាងកាយ និងការបំភិតបំភ័យនោះ ជាប់គុក៣ឆ្នាំ។
កាលពីថ្ងៃទី២៥ ខែកក្កដា តុលាការស្រុកកណ្តាលសេអ៊ូល បានបើកសវនាការកាត់ក្តីផ្តាច់ព្រ័ត្រ សម្រាប់លោក Choi Jong Bum បន្ទាប់ពីការកាត់ទោសលើកទី៣កាលពីដើមខែនេះ ជាពេលដែលនាង Goo Hara ឡើងធ្វើជាសាក្សីផងដែរ។
ក្រុមអយ្យការ បានពន្យល់ថា ឧក្រិដ្ឋកម្មនេះ ផ្តើមចេញពីរឿងតូចតាចដែលធ្វើឲ្យជនរងគ្រោះ គឺជាតារាស្រីល្បី មានស្លាកស្នាមដែលគ្មានថ្ងៃនឹងអាចព្យាបាលជាសះស្បើយ។ បទឧក្រិដ្ឋគំរាមទម្លាយវីដេអូសិចដោយសារតែកំហឹង គឺត្រូវតែកាត់ទោសឲ្យធ្ងន់ធ្ងរបំផុត មិនសំខាន់ថា ជនរងគ្រោះគឺជាតារាល្បី ឬមិនល្បីនោះទេ។
លោក Choi Jong Bum ត្រូវបានចោទប្រកាន់ពីបទបំពានច្បាប់ករណីពិសេសពាក់ព័ន្ធនឹងការដាក់ទោសឧក្រិដ្ឋកម្មផ្លូវភេទ(លួចថតរូបអាសអាភាសដោយគ្មានការយល់ព្រម) ការបំពានលើរាយកាយ ការបំភិតបំភ័យ ការបង្ខិតបង្ខំ និងការបំផ្លិចបំផ្លាញទ្រព្យសម្បត្តិ។
ទោះបីជាយ៉ាងណាក៏ដោយ លោក Choi Jong Bum នៅតែបដិសេធន៍រាល់ទោសកំហុសទាំងអស់ ក្រៅពីការបំផ្លិចបំផ្លាញទ្រព្យសម្បត្តិ។
ក្រុមអយ្យការ បានអះអាងថា ថ្វីត្បិតតែទម្ងន់ទោសឧក្រិដ្ឋកម្មរបស់គាត់មានសណ្ឋានធ្ងន់ធ្ងរយ៉ាងណាក្តី ចុងចោទ មិនបានសុំការលើកលែងទោសនោះ លោកគ្មានបង្ហាញនូវការសោកស្តាយសូម្បីតែបន្តិច ហើយថែមទាំងអះអាងថា លោករងផលប៉ះពាល់ខ្លាំងជាងនាង Goo Hara ទៅទៀត។ ឧក្រិដ្ឋកម្មរបស់លោកធ្ងន់ធ្ងរខ្លាំងណាស់ ។
សូមបញ្ជាក់ថា សាលក្រមចុងក្រោយសម្រាប់លោក Choi Jong Bum នឹងធ្វើឡើងនៅថ្ងៃទី២៩ ខែសីហា ខាងមុខនេះ៕
Home សិល្បៈកម្សាន្ត អយ្យការស្នើសុំឲ្យកាត់ទោសអតីតមិត្តប្រុសតារាស្រីកូរ៉េ Goo Haraឲ្យជាប់គុក៣ឆ្នាំលើករណីបំពានរាងកាយ និងគំរាមទម្លាយវីដេអូសិច