យោងតាមសារព័ត៌មាន Financial Times នៅថ្ងៃទី៣១ ឧសភានេះបានឲ្យដឹងថា លោកប្រធានាធិបតីសហរដ្ឋអាមេរិក ដូ ណលត្រាំនឹងគម្រាមកម្រិតលើការចែករំលែកព័ត៌មានសម្ងាត់ជាមួយអង់គ្លេស បើសិនប្រទេសនេះអនុញ្ញាតឲ្យក្រុមហ៊ុនហួវ៉េបង្កើតបណ្តាញហ្វាយជីក្នុងប្រទេសនេះ។ សារបែបនេះនឹងត្រូវធ្វើឡើងក្នុងកំឡុងពេលដំណើរទស្សនកិច្ចរបស់លោកនៅទីក្រុងឡុង នាសប្តាហ៍ក្រោយ។
មន្ត្រីអង់គ្លេស និងមន្ត្រីអាមេរិកបាននិយាយកាលពីថ្ងៃព្រហស្បតិ៍ថា ប្រធានាធិបតីអាមេរិកបានសម្រេចចិត្តលើកឡើងពីបញ្ហានេះ ក្នុងអំឡុងពេលទស្សនកិច្ចរយៈពេលបីថ្ងៃរបស់លោកទៅកាន់ចក្រភពអង់គ្លេស បន្ទាប់ពីកិច្ចប្រឹងប្រែងរបស់លោកក្នុងការបញ្ចុះបញ្ចូលមន្ត្រីមួយចំនួន នៅក្នុងចក្រភពអង់គ្លេស ដើម្បីរារាំងដល់ក្រុមហ៊ុនផ្គត់ផ្គង់របស់ចិន។
រដ្ឋបាលលោកត្រាំកំពុងចាត់វិធានការហាមឃាត់លើសម្ភារៈក្រុមហ៊ុនហួវ៉េពីបណ្តាញ 5G ហើយក៏កំពុងតែជម្រុញដល់ក្រុមសម្ព័ន្ធមិត្តឲ្យធ្វើដូច្នេះផងដែរ ដោយលោកបានព្រមានថា វាអាចត្រូវបានប្រើប្រាស់ដោយទីក្រុងប៉េកាំង ក្នុងការលួចយកការណ៍សម្ងាត់។
ចំណុចនេះ គឺជាចំណុចរសើបមួយរវាងលោកត្រាំ និងលោកស្រីមេ ដោយសារតែថ្មីៗនេះចក្រភពអង់គ្លេសកំពុងតែបោះជំហានទៅមុខជាមួយនឹងការអនុញ្ញាតឲ្យក្រុមហ៊ុនហួវ៉េដេញថ្លៃលើបណ្តាញទូរសព្ទចល័តជំនាន់ក្រោយរបស់អង់គ្លេស។ មន្ត្រីសេតវិមានមួយរូបនិយាយថា បញ្ហាហួវ៉េនឹងត្រូវលើកជារៀបវីរៈ។
មន្ត្រីនិយាយថា «លោកប្រធានាធិបតីកំពុងត្រៀមខ្លួនលើកឡើងម្តងទៀតថា ការជាប់ពាក់ព័ន្ធរបស់ចិនលើបណ្តាញ 5G អាចបង្កការប្រជែងដ៏ខ្លាំងក្លាដល់កិច្ចសហប្រតិបត្តិការស៊ើបការសម្ងាត់រួមរបស់អង់គ្លេស និងសហរដ្ឋអាមេរិក»។
ការហាមប្រាមបន្ថយការចែករំលែកព័ត៌មានសម្ងាត់ជាមួយអង់គ្លេស លេចឡើងខណៈដែលសហរដ្ឋអាមេរិក និងចិនកំពុងកាច់ដៃគ្នាលើបញ្ហាសង្គ្រាមពាណិជ្ជកម្ម ដែលនេះជាផ្នែកមួយនៃការទះកំភ្លៀង និងគៀបក ចិនឲ្យកាន់តែខ្លាំង។ សូមបញ្ជាក់ថា ក្រុមហ៊ុនហួវ៉េចិនកំពុងរងការគៀបសង្កត់យ៉ាងធ្ងន់ក ពីសំណាក់សហរដ្ឋអាមេរិក បន្ទាប់ពីក្រុមហ៊ុននោះហ៊ានល្មើសលើទណ្ឌកម្មរបស់សហរដ្ឋអាមេរិក៕លោកត្រាំគម្រាមកាត់បន្ថយការចែករំលែកព័ត៌មានសម្ងាត់ជាមួយអង់គ្លេស បើសិនប្រទេសនេះអនុញ្ញាតឲ្យក្រុមហ៊ុនហួវ៉េបង្កើតបណ្តាញហ្វាយជី
យោងតាមសារព័ត៌មាន Financial Times នៅថ្ងៃទី៣១ ឧសភានេះបានឲ្យដឹងថា លោកប្រធានាធិបតីសហរដ្ឋអាមេរិក ដូ ណលត្រាំនឹងគម្រាមកម្រិតលើការចែករំលែកព័ត៌មានសម្ងាត់ជាមួយអង់គ្លេស បើសិនប្រទេសនេះអនុញ្ញាតឲ្យក្រុមហ៊ុនហួវ៉េបង្កើតបណ្តាញហ្វាយជីក្នុងប្រទេសនេះ។ សារបែបនេះនឹងត្រូវធ្វើឡើងក្នុងកំឡុងពេលដំណើរទស្សនកិច្ចរបស់លោកនៅទីក្រុងឡុង នាសប្តាហ៍ក្រោយ។
មន្ត្រីអង់គ្លេស និងមន្ត្រីអាមេរិកបាននិយាយកាលពីថ្ងៃព្រហស្បតិ៍ថា ប្រធានាធិបតីអាមេរិកបានសម្រេចចិត្តលើកឡើងពីបញ្ហានេះ ក្នុងអំឡុងពេលទស្សនកិច្ចរយៈពេលបីថ្ងៃរបស់លោកទៅកាន់ចក្រភពអង់គ្លេស បន្ទាប់ពីកិច្ចប្រឹងប្រែងរបស់លោកក្នុងការបញ្ចុះបញ្ចូលមន្ត្រីមួយចំនួន នៅក្នុងចក្រភពអង់គ្លេស ដើម្បីរារាំងដល់ក្រុមហ៊ុនផ្គត់ផ្គង់របស់ចិន។
រដ្ឋបាលលោកត្រាំកំពុងចាត់វិធានការហាមឃាត់លើសម្ភារៈក្រុមហ៊ុនហួវ៉េពីបណ្តាញ 5G ហើយក៏កំពុងតែជម្រុញដល់ក្រុមសម្ព័ន្ធមិត្តឲ្យធ្វើដូច្នេះផងដែរ ដោយលោកបានព្រមានថា វាអាចត្រូវបានប្រើប្រាស់ដោយទីក្រុងប៉េកាំង ក្នុងការលួចយកការណ៍សម្ងាត់។
ចំណុចនេះ គឺជាចំណុចរសើបមួយរវាងលោកត្រាំ និងលោកស្រីមេ ដោយសារតែថ្មីៗនេះចក្រភពអង់គ្លេសកំពុងតែបោះជំហានទៅមុខជាមួយនឹងការអនុញ្ញាតឲ្យក្រុមហ៊ុនហួវ៉េដេញថ្លៃលើបណ្តាញទូរសព្ទចល័តជំនាន់ក្រោយរបស់អង់គ្លេស។ មន្ត្រីសេតវិមានមួយរូបនិយាយថា បញ្ហាហួវ៉េនឹងត្រូវលើកជារៀបវីរៈ។
មន្ត្រីនិយាយថា «លោកប្រធានាធិបតីកំពុងត្រៀមខ្លួនលើកឡើងម្តងទៀតថា ការជាប់ពាក់ព័ន្ធរបស់ចិនលើបណ្តាញ 5G អាចបង្កការប្រជែងដ៏ខ្លាំងក្លាដល់កិច្ចសហប្រតិបត្តិការស៊ើបការសម្ងាត់រួមរបស់អង់គ្លេស និងសហរដ្ឋអាមេរិក»។
ការហាមប្រាមបន្ថយការចែករំលែកព័ត៌មានសម្ងាត់ជាមួយអង់គ្លេស លេចឡើងខណៈដែលសហរដ្ឋអាមេរិក និងចិនកំពុងកាច់ដៃគ្នាលើបញ្ហាសង្គ្រាមពាណិជ្ជកម្ម ដែលនេះជាផ្នែកមួយនៃការទះកំភ្លៀង និងគៀបក ចិនឲ្យកាន់តែខ្លាំង។ សូមបញ្ជាក់ថា ក្រុមហ៊ុនហួវ៉េចិនកំពុងរងការគៀបសង្កត់យ៉ាងធ្ងន់ក ពីសំណាក់សហរដ្ឋអាមេរិក បន្ទាប់ពីក្រុមហ៊ុននោះហ៊ានល្មើសលើទណ្ឌកម្មរបស់សហរដ្ឋអាមេរិក៕
