ឯកសារស្រាវជ្រាវថ្មីដែលបានចេញផ្សាយកាលពីកន្លងទៅ វីដេអូដែលថតបានដោយក្រុមពីឡុតកងទ័ពជើងទឹកសហរដ្ឋអាមេរិក ឃើញវត្ថុគ្មានអត្តសញ្ញាណមួយ ដែលអាចជា “ថាសហោះ”។
ការពើបប្រទះមិនអាចពន្យល់បាននេះ ដែលបានកើតឡើងអំឡុងពេលហោះហើរហ្វឹកហាត់ ចាប់ពីឆ្នាំ២០១៤ ដល់ឆ្នាំ២០១៥ មិនត្រឹមតែអង្កេតដោយពីឡុតប៉ុណ្ណោះទេ ប៉ុន្តែវាក៏ត្រូវបានកត់ត្រានៅក្នុងវីដេអូ ហើយនិងចាប់ជាប់ក្នុងប្រពន្ធ័រ៉ាដា ផងដែរ។
នៅចំណុចខ្លះ វត្ថុគ្មានអត្តសញ្ញាណទាំងនេះ ត្រូវបានអង្កេត ពេលវាហោះហើរក្នុងល្បឿនលឿនបំផុត លើរយៈកម្ពស់៣ម៉ឺនហ្វ៊ូត ដោយគ្មានមធ្យោបាយធ្វើឲ្យវាហោះទៅមុខនោះទេ។
ពីឡុតសរុបចំនួន៦នាក់ ដែលបានចុះចតនៅលើនាវាចម្បាំង U.S.S. Theodore Roosevelt បានរាយការណ៍ថា ពួកគេបានជួបហេតុការណ៍នេះដូចៗគ្នា។
លោកវរៈសេនីយ៍ឯក Danny Accoin ដែលស្ថិតនៅក្នុងចំណោមពីឡុតដែលបានប្រទះឃើញវត្ថុគ្មានអត្តសញ្ញាណទាំងនេះ បាននិយាយថា វាគ្មានស្លាបនោះទេ គ្មានកន្ទុយនោះទេ ហើយក៏គ្មានរោមនោះទេ។
វាទំនងជាបានដឹងពីវត្តមានរបស់ពួកយើង ដោយសារតែវាធ្វើចលនាជុំវិញពួកយើង។
សូមបញ្ជាក់ថា ឯកសារស្រាវជ្រាវដែលបានចាក់បញ្ចាំងនៅទូរទស្សន៍ History Channel ក៏រួមមានទាំងបទសម្ភាសន៍ជាមួយនឹងពីឡុតដែលបានពើបប្រទះ ហើយនិងវីដេអូគ្លីបស្តីពីវត្ថុគ្មានអត្តសញ្ញាណទាំងនោះផងដែរ៕
Home ព្រឹត្តិការណ៍ថ្មីៗ ក្រុមពីឡុតកងទ័ពជើងទឹកសហរដ្ឋអាមេរិកបានពើបប្រទះជាមួយថាសហោះអំឡុងពេលហោះហើរហ្វឹកហាត់