លោកNick Jonas ដែលជាតារាសម្តែង និងចម្រៀងដ៏ល្បីម្នាក់របស់អាមេរិក អាចនឹងឡើងដណ្តើមតំណែងប្រធានាធិបតីសហរដ្ឋអាមេរិកនាពេលខាងមុខនេះ ក្រោយពេលដែលភរិយា និងជាតារាសម្តែងស្រីដ៏ល្បីរបស់ឥណ្ឌា នាង Priyanka Chopraបានប្រកាសឲ្យដឹងថា នាងនឹងជំរុញលើកទឹកចិត្តស្វាមីរបស់នាង ឲ្យពិចារណាលើការប្រឡូកចូលវិស័យនយោបាយមួយនេះ។
នៅក្នុងបទសម្ភាសន៍មួយ នាង Chopra បាននិយាយថា នាងពេញចិត្តឲ្យតារាចម្រៀងក្នុងក្រុម “Sucker”ម្នាក់នេះ ប្រឡូកចូលឆាកនយោបាយ ពេលដែលលោកចង់ឲ្យមានការផ្លាស់ប្តូរនោះ។
នាងបាននិយាយប្រាប់កាសែតអង់គ្លេស The Sunday Times ថា “ខ្ញុំចង់ឲ្យលោក Nickដណ្តើមតំណែងប្រធានាធិបតី”។ នាងមិនចូលចិត្តរឿងពាក់ព័ន្ធនឹងនយោបាយទេ ប៉ុន្តែនាងដឹងច្បាស់ថា យើងទាំង២នាក់ ពិតជាចង់ឲ្យមានការផ្លាស់ប្តូរមែន។
នាង Chopra បានបន្តថា នាងខ្លួនឯងផ្ទាល់ក៏ចង់ក្លាយជានាយករដ្ឋមន្ត្រីឥណ្ឌាដែរ។ នាងមិនដែលនិយាយថាទេ ម្តងណាឡើយ។
នាងបានទទួលស្គាល់ថា នាងបានព្យាយាមប្រឡូកចូលឆាកនយោបាយពេញមួយជីវិតរបស់នាង វាគឺជារឿងល្អខ្លាំងណាស់ ក្នុងការគិតគូររឿងនយោបាយនាពេលសព្វថ្ងៃនេះ។
ពាក់ព័ន្ធនឹងអំណះអំណាងរបស់នាង Chopra នេះដែរ បានធ្វើឲ្យមានការចោទសួរថាតើ លោក Nick Jonas នឹងឡើងឈរឈ្មោះឬ ដើម្បីប្រកួតប្រជែងជាមួយតារាចម្រៀងរ៉េប Kanye West នៅការបោះឆ្នោតប្រធានាធិបតីសហរដ្ឋអាមេរិក ឆ្នាំ២០២០នាពេលខាងមុខនេះ? សាកគិតមៃមើល! បើសិនជានាយករដ្ឋមន្ត្រីឥណ្ឌា និងប្រធានាធិបតីសហរដ្ឋអាមេរិក គឺជាគូស្នេហ៍តារាវិញ តើវានឹងអស្ចារ្យបែបណាទៅវិញ?
Home សិល្បៈកម្សាន្ត តារាសម្តែងស្រីឥណ្ឌា Priyanka Chopra ចង់ឲ្យស្វាមី Nick Jonas ឡើងដណ្តើមតំណែងប្រធានាធិបតីសហរដ្ឋអាមេរិក