ជាថ្មីម្តងទៀត ឥណ្ឌាបានធ្វើការសាកល្បងប្រព័ន្ធអាវុធរបស់ខ្លួន។ កាលពីថ្ងៃអង្គារ គ្រាប់មីស៊ីលល្បឿនលឿនជាងសម្លេងប្រាម៉ូស ត្រូវបានធ្វើការសាកល្បងដោយកងកម្លាំងឥណ្ឌា។ ការសាកល្បងមីស៊ីលប្រាម៉ូសចុងក្រោយបង្អស់ គឺជាផ្នែកមួយនៃការសាកល្បងរយៈចម្ងាយដែលត្រូវបានពង្រីកក្នុងចម្ងាយប្រហែល ៤៥០គីឡូម៉ែត្រ។
ការសាកល្បងគ្រាប់មីស៊ីលប្រាម៉ូសដែលមានរយៈចម្ងាយឆ្ងាយលើកទីមួយត្រូវបានសាកល្បងប្រកបដោយជោគជ័យកាលពីថ្ងៃទី១១ ខែមីនា ឆ្នាំ ២០១៧ ដោយប្រើប្រាស់នូវយានស្វ័យប្រវត្តិចល័ត ដែលត្រូវបានដាក់ពង្រាយក្នុងគម្រោងពេញលេញ។
អង្គការស្រាវជ្រាវ និងអភិវឌ្ឍន៍ការពារជាតិឥណ្ឌា (DRDO) បានអះអាងថា កំណែទម្រង់ផ្សេងទៀតនៃមីស៊ីលនេះ ដែលអាចបាញ់បានក្នុងរយៈចម្ងាយ ៨០០គីឡូម៉ែត្រ កំពុងស្ថិតក្រោមការអភិវឌ្ឍ គ្រាប់មីស៊ីលនេះអាចត្រូវបានសាកល្បងក្នុងរយៈពេលមួយឆ្នាំ។
ចាប់តាំងពីការបោះឆ្នោតសភាឥណ្ឌាមក ឥណ្ឌាបានបាញ់សាកល្បងគ្រាប់មីស៊ីល BrahMos ដែលមានល្បឿនលឿនជាងសម្លេង បន្ទាប់ពីប៉ាគីស្ថានបានបាញ់សាកល្បងមីស៊ីល Shaheen-II ។ ពីរថ្ងៃក្រោយមក ឥណ្ឌាបានធ្វើតេស្តគ្រាប់បែកបំពាក់ក្បាលគ្រាប់ទម្ងន់ ៥០០គីឡូក្រាមនៅជិតព្រំដែនប៉ាគីស្ថាន៕
Home ព្រឹត្តិការណ៍ថ្មីៗ ឥណ្ឌាសាកល្បងមីស៊ីលរយៈចម្ងាយឆ្ងាយប្រាម៉ូស ខណៈដែលមានភាពតានតឹងជាមួយប៉ាគីស្ថាន