ការកាត់ក្តីផ្តាច់ព្រ័ទ្រ សម្រាប់ករណីប្រើប្រាស់គ្រឿងញៀនរបស់នាង Hwang Ha Naដែលជាអតីតគូដណ្តឹងរបស់លោក Park Yoo-chun គឺជាតារាងសម្តែងប្រុសកូរ៉េខាងត្បូង បានធ្វើឡើងនៅឯតុលាការស្រុក Suwon District កាលពីថ្ងៃទី១០ ខែកក្កដា កន្លងទៅ។
ក្រុមរដ្ឋអាជ្ញាបានបញ្ជាក់ថា ចុងចោទ បានទិញ និងប្រើប្រាស់គ្រឿងញៀន ប្រភេទ Philopon ជាច្រើនលើកច្រើនសារ ហើយយើងសូមស្នើសុំឲ្យតុលាការឲ្យកាត់ទោសនាងជាប់ពន្ធនាគាររយៈពេល២ឆ្នាំ និងពិន័យជាប្រាក់២.២០០.៥៦០វ៉ុន ស្មើនឹង១.៨៦២ដុល្លារ។
មេធាវី របស់នាង Hwang Ha Na បានស្នើសុំការសណ្តោះប្រណីពីចៅក្រម ដោយលោកអះអាងថា ដោយបានឃាត់ខ្លួនកាលពីខែមេដា នាងបានស្នាក់នៅក្នុងមន្ទីរឃុំឃាំងរយៈពេលជាង៣ខែមកហើយ ដើម្បីសិក្សាពីកំហុសខ្លួនឯង។ យើងសូមស្នើសុំការកាត់ទោសពាក់ព័ន្ធនឹងការអនុញ្ញាតឲ្យនាងរស់នៅដោយសុវត្ថិភាពជាមួយគ្រួសាររបស់នាង។មេធាវីរបស់នាង បានបន្តទៀតថា ថ្វីត្បិតតែមានជម្លោះពាក់ព័ន្ធនឹងការចោទប្រកាន់ វាគួរតែជារឿងផ្សេងគ្នារវាងការចោទប្រកាន់ និងការចងចាំរបស់នាង Hwang Ha Na ដោយសារតែនាងបានសារភាពទោសកំហុសរបស់នាងអស់ទៅហើយ។
សូមបញ្ជាក់ថា នាង Hwang Ha Na ត្រូវបានចោទប្រកនា់ថាបានចាក់ថ្នាំញៀនប្រភេទ Philopon ជាច្រើនលើក នៅផ្ទះរបស់នាងស្ថិតនៅក្នុងទីក្រុងសេអ៊ូល ចន្លោះខែឧសភា និងខែមិថុនា ឆ្នាំ២០១៥ ខែកញ្ញា ឆ្នាំ២០១៥ និងចន្លោះខែកុម្ភះ និងខែមីនា ឆ្នាំ២០១៩ ជាមួយអតីតមិត្តប្រុស Park Yoochun ។
ដោយឡែក នៅការកាត់ទោសរបស់គាត់ លោក Park Yoochun ត្រូវបានតុលាការសម្រេចឲ្យជាប់ពន្ធនាគាររយៈពេល១០ខែ និងព្យួរទោស២ឆ្នាំ ក៏ដូចជាពិន័យជាប្រាក់១.៤លានវ៉ុន ស្មើនឹង១.១៨២ដុល្លារ៕
Home សិល្បៈកម្សាន្ត អតីតគូដណ្តើមតារាប្រុសកូរ៉េ Park Yoo-chun ត្រូវបានតុលាការកាត់ទោសឲ្យជាប់គុក២ឆ្នាំ ពាក់ព័ន្ធនឹងការប្រើប្រាស់គ្រឿងញៀន