ឃាតករល្មោភកាមទេពមួយរូប បានសារភាពថា រូបលោកពិតជាបានសម្លាប់នារីវ័យក្មេង៤នាក់ និងក្មេងស្រីអាយុ១៥ឆ្នាំម្នាក់ ហើយនិងបានកប់សាកសពរបស់ពួកគេនៅក្នុងផ្ទះ និងសួនច្បារខាងក្រោយផ្ទះរបស់ខ្លួនតែម្តង។
ជនសង្ស័យ Julius Mndawe អាយុ២៥ឆ្នាំ បាននិយាយប្រាប់ក្រុមអ្នកស៊ើបអង្កេតថា រូបគេ បានរួមភេទជាមួយនឹងជនរងគ្រោះទាំងនោះ ដែលរួមទាំងនារីម្នាក់ដែររូបគេបានស្គាល់តាម Facebookមុនពេលដែលសម្លាប់ពួកគេចោល។
ក្រុមនគរបាលបានអះអាងថា ជនសង្ស័យ Mndawe បានចាប់រំលោភ ហើយបន្ទាប់មកក៏ធ្វើឲ្យជនរងគ្រោះថប់ដង្ហើមស្លាប់ មុនពេលសាកសពរបស់ពួកគេ ត្រូវបានរកឃើញនៅក្នុងផ្នូររ៉ាក់ ក្នុងផ្ទះរបស់គាត់ស្ថិតនៅក្នុងទីក្រុង Hazyview ប្រទេសអាហ្វ្រិកខាងត្បូង។
ដំបូងឡើយ លោក Mndawe បានរត់គេចចេញតាមបង្អួច ពេលដែលក្រុមនគរបាល បានវាយឆ្មក់មកលើផ្ទះរបស់គាត់ ប៉ុន្តែម្តាយរបស់គាត់ បានប្រគល់ខ្លួនឲ្យក្រុមនគរបាលវិញ កាលពីសប្តាហ៍មុន។
កាសែតDaily Sun បានរាយការណ៍ថា ជនរងគ្រោះទាំងអស់នោះ រួមមាន នាង Tokkie Tlakaអាយុ២៤ឆ្នាំ នាង Banele Khoza អាយុ១៥ឆ្នាំ នាងNoxolo Mdluli អាយុ១៩ឆ្នាំ នាង Felicia Shabanguអាយុ១៧ឆ្នាំ និងនាង Nomthandazo Mdluli អាយុ១៩ឆ្នាំ។
យោងតាមការអះអាងរបស់ក្រុមនគរបាល បានឲ្យដឹងថា លោក Mndawe ត្រូវបានចាប់ខ្លួនបានកាលពីសប្តាហ៍មុន ក្រោមការចោទប្រកាន់ពីបទចាប់រំលោភនារីម្នាក់ក្នុងចំណោមនារីរងគ្រោះទាំងអស់នេះ ប៉ុន្តែក្រោយមក លោកបានសារភាពថា លោកបានសម្លាប់នាង និងនារីរងគ្រោះ៤នាក់ផ្សេងទៀត។
លោកបានចង្អុរកន្លែងដែលគាត់បានសម្លាប់ និងចាប់រំលោភ ហើយនិងលាក់បាំងសាកសពរបស់ពួកនាង។
លោកវរសេនីយ៍ឯក Mtsholi Bhembe គឺជាអ្នកនាំពាក្យក្រុនគរបាលអាហ្វ្រិកខាងត្បូង បាននិយាយកាសែត TimesLiveថា សាកសពដំបូង គឺជានារីម្នាក់ដែលបានបាត់ខ្លួនកាលពីខែឧសភា ត្រូវបានគាស់ចេញកាលពីរយៈពេល៣សប្តាហ៍មុន។
លោកបន្តថា ជនសង្ស័យ បាននិយាយថា គាត់ស្គាល់នាងតាម Facebook ហើយក្រោយមកពួកគេក៏រកកន្លែងជួបគ្នា ។ គាត់បាននិយាយទៀតថា ក្រោយពីពួកគេរួមភេទរួច នាងក៏បានទារលុយពីរូបគេ រួចក៏ចេញទៅបាត់ទៅ។ នៅថ្ងៃបន្ទាប់ នាងក៏ត្រឡប់មកទៀត ដើម្បីទារលុយពីរូបគេបន្ថែមទៀត ជាហេតុធ្វើឲ្យជម្លោះកើតឡើង ហើយរូបគេក៏បានសម្លាប់នាងចោលតែម្តង៕
Home ព្រឹត្តិការណ៍ថ្មីៗ ពិតជាសាហាវមែន! រំលោភសម្លាប់នារីវ័យក្មេងអស់៥នាក់ រួចយកសាកសពទៅកប់ក្នុងផ្ទះខ្លួនឯងទៀត