យុទ្ធនាការតាមអនឡាញអញ្ជើញអ្នកចង់ដឹងចង់ឮពីមនុស្សក្រៅភពឲ្យពាក់មួកសំណរបស់ពួកគេ និងវាយប្រហារមកលើតំបន់៥១ បច្ចុប្បន្នបានសុះសាយយ៉ាងខ្លាំងតាមអ៊ីនធឺណេត។
ព្រឹត្តការណ៍ 'Storm Area 51, They Can't Stop All of Us' តាម Facebook ត្រូវបានកំណត់ធ្វើឡើងនៅថ្ងៃទី២០ ខែកញ្ញាខាងមុខនេះ ហើយវាបានធ្វើឲ្យទាក់ទាញអ្នកចង់ដឹងចង់ឮពីថាសហោះ១.៣លានដុល្លារ។
ក្រុមហ៊ុនមួយឈ្មោះ Area15ដែលប្រតិបត្តិការផ្សារទំនើបនៅក្នុងតំបន់នោះ និងមានបទពិសោធន៍ខាងផ្សាយផ្ទាល់ព្រឹត្តការណ៍ មានផែនការធ្វើឲ្យសុះសាយនូវការវាយប្រហារមកលើមូលដ្ឋានយោធាដ៏សម្ងាត់មួយនេះរបស់អាមេរិក ក្រោយភាពមន្ទិលសង្ស័យរបស់ក្រុមនាយកពួកគេ បានឆាបឆួលហើយនោះ។
ក្រុមហ៊ុនមួយនេះ បានសរសេរនៅលើ Facebook និង Twitterថា “យល់ព្រម! ឥឡូវយើងក៏ឆ្ងល់ណាស់ដែរចំពោះអ្វីនឹងកើតឡើងនៅថ្ងៃទី២០ ខែកញ្ញា ពេលដែលវាយប្រហារមកលើតំបន់៥១”។
ពួកគេបន្តថា “យើងនឹងផ្សាយផ្ទាល់ព្រឹត្តការណ៍នៅតំបន់៥១ ដើម្បីមើលថាតើមានអ្វីកើតឡើងខ្លះ ហើយជាការពិតណាស់ថា សម្លៀកបំពាក់ការពារខ្លួន និងមួកសំណត្រូវការជាចាំបាច់”។
មនុស្សងប់ងល់ទាំងនេះ បានចូលទៅកាន់សង្គមព័ត៌មាន ដើម្បីចែករំលែកក្តីរំភើបរីករាយរបស់ពួកគេនៅព្រឹត្តការណ៍មួយនេះ ដោយអ្នកខ្លះថែមទាំងបង្ហោះរូបភាពថ្លុកមានចលនានៃអន្តរប្រតិកម្មមនុស្សក្រៅភពរបស់ពួកគេថែមទៀតផង។
ពួកគេបានអះអាងថា “យើងនឹងជួបគ្នានៅមជ្ឈមណ្ឌលមនុស្សក្រៅភពតំបន់៥១ ហើយនិងព្យាយាមរកសម្រុកចូលរបស់ពួកយើង”។
សូមបញ្ជាក់ថា មជ្ឈមណ្ឌលមនុស្សក្រៅភពតំបន់៥១ គឺជាចំណត់ឡានធំនៅលើផ្លូវ Interstate 95 ដែលជិះប្រហែល១ម៉ោងពីតំបន់ Nevada Test and Training Range ។
ថ្វីត្បិតតែមានផែនការរៀបចំព្រឹត្តការណ៍ដ៏គួររំភើបចិត្តនេះយ៉ាងណាក្តី អ្នកនាំពាក្យយោធាសហរដ្ឋអាមេរិក បានធ្វើការព្រមានរួចហើយចំពោះអ្នកដែលចង់វាយឆ្មក់ថាសហោះ។
អ្នកនាំពាក្យម្នាក់របស់ពួកគេ បាននិយាយប្រាប់ Dailymailថា តំបន់៥១ គឺជាកន្លែងហ្វឹកហាត់កណ្តាលវាល សម្រាប់កងទ័ពអាកាសសហរដ្ឋអាមេរិក ហើយយើងសូមធ្វើការរារាំងទាំងស្រុងជនរូបណា ដែលព្យាយាមចង់ចូលតំបន់មួយនេះ ជាកន្លែងដែលយើងហ្វឹកហាត់កងកម្លាំងប្រដាប់អាវុធអាមេរិក ហើយកងទ័ពអាកាសសហរដ្ឋអាមេរិក ត្រៀមខ្លួនរួចរាល់ក្នុងការការពារអាមេរិក និងអចលនទ្រព្យរបស់ពួកគេ៕
Home ព្រឹត្តិការណ៍ថ្មីៗ ព្រឹត្តការណ៍វាយប្រហារមកលើតំបន់៥១នឹងមានការផ្សាយផ្ទាល់ទូទាំងវែបសាយ ក្រោយទាក់ទាញ់អ្នកចង់ដឹងរឿងថាសហោះ១.៣លាននាក់