តារាសម្តែងហុងកុង Simon Yam Tat-wah បានវិលត្រឡប់មកកាន់ហុងកុងវិញហើយ ក្រោយទទួលការវះកាត់របួសដែលទទួលរងអំឡុងការវាយប្រហារដោយកាំបិតកាលពីព្រឹកថ្ងៃសៅរ៍ចុងសប្តាហ៍មុន ពេលដែលលោកចូលរួមព្រឹត្តការណ៍ផ្សព្វផ្សាយនៅតំបន់ភាគខាងត្បូងប្រទេសចិន។
តារាសម្តែងជើងចាស់វ័យ៦៤ឆ្នាំម្នាក់នេះ បានធ្វើជាភ្ញៀវនៅក្នុងពិធីសម្ពោធន៍បើកហាងថ្មី Beijing Easyhomeនៅក្នុងទីក្រុង Zhongshan ខេត្តក្វាងទុង ពេលដែលជនវាយប្រហារម្នាក់ យកកាំបិតដេញចាក់លោកទាំងកម្រោលរួចមកនោះ។
លោកបានធ្វើដំណើរមកដល់ទីក្រុងហុងកុងនៅយប់ថ្ងៃសៅរ៍ ហើយត្រូវបានបញ្ជូនទៅកាន់មន្ទីរពេទ្យ Adventist ។
ក្រុមនគរបាលក្រុង Zhongshan បានផ្តល់អត្តសញ្ញាណថា ជនសង្ស័យមានឈ្មោះ Chenគឺជាអ្នកស្រុកវ័យ៥៣ឆ្នាំ ហើយត្រូវបានគេបញ្ជាក់ថា លោកមានជំងឺវិកលចារឹត។ ជនសង្ស័យម្នាក់នេះ ត្រូវបានឃាត់ខ្លួនបានភ្លាមៗនៅកន្លែងកើតហេតុផងដែរ។
ក្រុមនគរបាលបានអះអាងទៀតថា កាំបិតចិតបន្លែដែលត្រូវបានប្រើប្រាស់ក្នុងការវាយប្រហារនេះ បានធ្វើឲ្យលោក Yamមានរបួសប្រវែង៣សង់ទីម៉ែត្រ និងជម្រៅ៣សង្ស័យទីម៉ែត្រចូលទៅក្នុងពោះរបស់លោក ហើយលោកបានរងរបួសដៃផងដែរ។
ក្រុមហ៊ុន Emperor Entertainment Group របស់លោក បាននិយាយថា លោក Yamបានទទួលការវះកាត់នៅក្នុងមន្ទីរពេទ្យ Zhongshan ហើយនិងបានសម្រាកព្យាបាលនៅទីនោះ។
ពួកគេបានអះអាងថា របួសដោយសារកាំបិតនៅត្រង់ពោះរបស់គាត់បណ្តាលឲ្យខូចខាតសរីរាង្គខាងក្នុងរបស់គាត់នោះ ត្រូវបានវះកាត់ព្យាបាលរួចហើយៗរបួសត្រង់ប្រអប់ដៃស្តាំរបស់លោក ក៏ត្រូវបានព្យាបាលហើយដែរ។ បច្ចុប្បន្នលោកស្ថិតនៅក្នុងស្ថានភាពហ្នឹងហ្នវិញហើយ៕
