ថ្វីត្បិតតែវាគឺជារឿងផ្ទាល់ខ្លួនយ៉ាងណាក្តី ប៉ុន្តែទិនហ្វី (Stephen Chow) បានក្លាយជាកម្មវត្ថុនៃពាក្យចចាមអារាមច្រើនណាស់ ពិសេសគឺពាក់ព័ន្ធនឹងជីវិតស្នេហារបស់លោក។
កាលពីខែមករា ឆ្នាំ២០១៩កន្លងទៅ ពាក្យចចាមអារាមជាច្រើនបានលើកឡើងថា លោកបានក្លាយជាឪពុកលួចលាក់សម្រាប់កូនទី៣របស់តារាស្រីកូនកាត់អូស្ត្រាលី Cecilia Cheung របស់ហុងកុង ហើយបច្ចុប្បន្ននេះក៏ផ្ទុះពាក្យចចាមអារាមថា លោកបានលួចទៅរៀបការជាមួយគូស្នេហ៍ថ្មីដែលជាស្រីក្មេងស្ងាត់ៗថែមទៀតផង។
ចាប់តាំងពីកាត់ផ្តាច់ទំនាក់ទំនងគ្រួសារជាមួយមិត្តស្រីចាស់វស្សា និងជាទាយាទសំណង់ Yu Wenfeng កាលពីឆ្នាំ២០១០មកនោះ តារាសម្តែង និងជាផលិករខ្សែភាពយន្តដ៏ល្បីម្នាក់នេះ បានរក្សាភាពនៅលីវរបស់លោករហូត។
ពាក្យចចាមអារាមចាប់ផ្តើមកក្រើកជាថ្មីម្តងទៀត កាលពីថ្ងៃចន្ទ ពេលដែលអតីតអ្នកយកព័ត៌មានកម្សាន្តម្នាក់នៅហុងកុង បានអះអាងថា លោកទីនហ្វី បានរៀបការរួចហើយ។
អ្នកកាសែតរូបនេះ បានអះអាងថា ដោយសារតែមានការលើកទឹកចិត្តពីភរិយាក្រោយរបស់លោក លោកទិនហ្វី ប្រែក្លាយជីវិតថ្មីរបស់លោកបានហើយ។
ដោយឡែក ក្រុមអ្នកលេងអ៊ីនធឺណេត ក្រោយពេលលេចឮព័ត៌មានមួយនេះ ពួកគេបានសម្តែងនូវការត្រេកអរយ៉ាងខ្លាំងចំពោះលោកទិនហ្វីន ដែលជីវិតរបស់លោកហាក់ស្ថិតនៅក្នុងស្ថានភាពអាថ៌កំបាំងនោះ។
ទោះបីជាយ៉ាងណាក៏ដោយ ភាពស្រពិចស្រពិលនៅតែកើតមានឡើងចំពោះពាក្យចចាមអារាមនេះ ហើយនិងសំណើរសុំបញ្ជាក់ការពិត។
ពាក់ព័ន្ធនឹងពាក្យចចាមអារាមនេះដែរ លោកស្រី Karen Mok ដែលជាតារាសម្តែងជើងចាស់ហុងកុងដែរនោះ បានទទួលស្គាល់ថា លោកស្រី ទទួលបានដំណឹងមួយនេះដែរ តែការពិតយ៉ាងណានោះ ទាល់តែសួរលោកទិនហ្វីផ្ទាល់៕