រយៈពេលប៉ុន្មានម៉ោងក្រោយពេលគេប្រកាសក្ស័យធន់កាលពីសប្តាហ៍មុន នាងKatie Price ដែលជាតារាម៉ូដែល និងចម្រៀងម្នាក់របស់អង់គ្លេស បានចេញពីក្រុងក្នុងសម្លៀកបំពាក់នៅតែឡូយឆាយដូចមុនដដែល។
វាបានក្លាយជាស្ថានភាពដ៏លំបាកមួយសម្រាប់នាង ក្នុងការលាក់បាំងការឈឺចាប់របស់នាង ពេលដែលនាងបង្ហាញខ្លួនជាសាធារណៈ ក្រោយពេលដែលអាណាចក្រមុខជំនួញរបស់នាង បានដួលរលំគ្រាំងដោយមិនចាំបាច់ខ្យល់បក់បែបនេះ។
ជោគវាសនាសរបស់តារារៀបការ៣លើកវ័យ៤១ឆ្នាំម្នាក់នេះ ត្រូវបានគេប្រកាសនៅក្នុងតុលាការ Insolvency and Companies Court ស្ថិតនៅក្នុងទីក្រុងឡុងដ៍ ក្រោយរសៀលថ្ងៃអង្គារសប្តាហ៍មុន ពោលគឺរយៈពេលជិត១ឆ្នាំក្រោយពីនាងគេចផុតពីស្ថានភាពស្រដៀងគ្នានេះ ពេលដែលនាងសុខចិត្តសងប្រាក់បំណុល១២.០០០ផោនក្នុង១ខែ។
បើសិនជាមិនអាចសងប្រាក់តាមការសន្យានេះ ការក្ស័យធន់មិនអាចចៀសផុតបានឡើងសម្រាប់នាង Katieដែលធ្លាប់មានលុយ៤៥លានផោននោះ។
ថ្វីត្បិតតែជួបស្ថានការណ៍ដ៏ដុនដាបបែបនេះ នាងKatieបាននិយាយយ៉ាងទទួចថា រឿងល្អបំផុតនឹងអាចកើតឡើងចំពោះរូបនាង។ ជាងនេះទៅទៀត អ្នកដំណើរនៅលើរថភ្លើងដែលធ្វើដំណើរជាមួយនាងតាមផ្លូវចេញពីស្ថានីយ៍រថភ្លើង King's Cross ទៅកាន់ស្ថានីយ៍ Ebbsfleet ក្នុងសង្កាត់ Kent កាលពីល្ងាចថ្ងៃចន្ទ បានស្តាប់ឮពេញត្រចៀកគ្រប់ៗពេលនាងនិយាយថា នាងអត់ខ្វល់នោះទេ។
កាន់កំប៉ុងស្រា និងបានចាត់ទុកអតីតប្តី និងជាអតីតារាចម្រៀងប៉ុប គឺលោក Peter Andre ថាជាមនុស្សអាក្រក់បំផុតមិនធ្លាប់ដែលជួបពីមុនមកនោះ នាង Katieបាននិយាយថា នាងជាមនុស្សគ្រាន់បើជាង។ វាល្អសម្រាប់រូបនាង ពីព្រោះថានាងអត់ខ្វល់ពីអ្វីនោះទេ។
រយៈពេល១ថ្ងៃក្រោយពេលប្រកាសការក្ស័យធន់នេះ អតីតប្តីទី២របស់នាង ដែលជាអតីតកីឡាវាយដាក់ទ្រុង Alex Reid បានឡើងតុលាការប្តឹងនាងថែមពីលើមួយទៀត។ គាត់បានប្តឹងរឿងដែលនាងបានចាក់វីដេអូសិចរបស់គាត់ដល់ទូរទស្សនិកជនម្នាក់ កាលពីខែមករា ឆ្នាំមុន។
ទោះបីជានាង Katieត្រូវបានគេបញ្ជាឲ្យបង់ប្រាក់១៥០.០០០ផោនជាថ្លៃខូចខាតដល់កេរ្តី៍ឈ្មោះអតីតកីឡាករវ័យ៤៦ឆ្នាំម្នាក់នេះក្តី បច្ចុប្បន្ន លោក Reid បានប្តឹងទាមទារបំណុលដែលនាងនៅជំពាក់៨០០.០០០ផោន។
នាង Katie បាននិយាយថា នាងរកក្ស័យធន់រយៈពេល១ឆ្នាំមកហើយៗឥឡូវក៏វាកើតឡើងម្តងទៀត។ វានឹងមិនបញ្ឈប់រូបនាងត្រឹមហ្នឹងនោះទេ។ នាងនៅធ្វើការងារ នាងនៅរកលុយបាន ហើយនាងនៅមានផ្ទះ ៕
