និស្សិតសាកលវិទ្យាល័យម្នាក់មកពីរដ្ឋកាលីហ្វ័រញ៉ា សហរដ្ឋអាមេរិក បានរកឃើញលលាដ៏ក្បាលដាយណូស័រ Triceratopsអាយុកាល៦៥លាន នៅក្នុងទីក្រុង North Dakota ។
លោក Harrison Duran គឺជានិស្សិតជីវវិទ្យាឆ្នាំទី៥នៅសាកលវិទ្យាល័យកាលីហ្វ័រញ៉ា បានធ្វើការស្រាវជ្រាវជាមួយលោកសាស្ត្រាចារ្យ Michael Kjelland គឺជាអ្នកកំណាយប្រវត្តិសាស្ត្រដ៏មានបទពិសោធន៍ម្នាក់ និងជាសាស្ត្រាចារ្យនៅឯសាកលវិទ្យាល័យ Mayville State ស្ថិតនៅក្នុងទីក្រុង North Dakota ។
ក្រុមអ្នកជំនាញបាននិយាយថា ឆ្អឹងលលាដ៏ក្បាលនេះ មានអាយុកាលតាំងពីចុងសម័យផុតពូជសត្វដាយណូស័រ(១៤៥.៥លានឆ្នាំ-៦៦លានឆ្នាំ) ដែលមានអាយុកាលប្រហែលជា៦៥លានឆ្នាំមុន។
ពួកគេបានចាប់ផ្តើមកំណាយកាលពីថ្ងៃទី១ ខែមិថុនា ហើយលោក Duran បានរកឃើញកំណាយដ៏សំខាន់របស់លោកនៅថ្ងៃទី៤។
ពួកគេបាននិយាយថា ឆ្អឹងហ្វូស៊ីលនេះ ត្រូវបានរកឃើញក្រឡាប់ផ្ងា ដោយស្នែងខាងឆ្វេងរបស់វា រកឃើញមុនគេ។
ទោះបីជាយ៉ាងណាក៏ដោយ លោក Duran និងលោក Kjelland មិនបានប្រាប់ពីទីតាំងពិតប្រាកដនៃការកំណាយរបស់ពួកគេនោះឡើយ ប៉ុន្តែពួកគេមានជំនឿថា ឆ្អឹងជាច្រើនទៀត នឹងត្រូវរកឃើញនៅទីនោះ។ ពួកគេបានដាក់ឈ្មោះថ្មីឲ្យដាយណូស័រនេះថា Aliceនៅក្រោយឈ្មោះម្ចាស់ដី។
លោក Duran និងលោក Kjelland បានបង្កើតក្រុមហ៊ុនមិនរកប្រាក់ចំណេញ Fossil Excavatorsដើម្បីជីករក អភិរក្ស និងអប់រំមនុស្សពីហ្វូស៊ីល។
ពួកគេ បាននិយាយថា ពួកគេមានគម្រោងស្វែងរកសត្វដាយណូស័រ Aliceនេះបន្ថែមទៀត ហើយពួកគេត្រៀមនឹងបង្ហាញហ្វូស៊ីលដាយណូស័រមួយនេះផងដែរ៕
Home ព្រឹត្តិការណ៍ថ្មីៗ និស្សិតសាកលវិទ្យាល័យកាលីហ្វ័រញ៉ារកឃើញលលាដ៏ក្បាលដាយណូស័រ Triceratopsអាយុកាល៦៥លានឆ្នាំ