បុរសឈ្មោះ Arun Rajasingh អាយុ ៣៤ឆ្នាំ រស់នៅទីក្រុង Chennai ភាគខាងត្បូងប្រទេសឥណ្ឌា បានកើតជំងឺហ្សែនដ៏កម្រមួយតាំងពីកំណើត ដោយធ្វើឲ្យជើងខាងស្ដាំរីកធំដូចជើងដំរី មានទម្ងន់ជិត១០០គីឡូក្រាមឯណោះ។
លោកបានប្រឹងរស់ខ្លាំងណាស់ ពេលជួបរឿងរ៉ាវដ៏អាក្រក់បែបនេះ នៅក្នុងឆាកជីវិតរបស់លោក។
គ្រូពេទ្យបាននិយាយប្រាប់ឪពុកម្តាយរបស់គាត់ថា គាត់នឹងត្រូវស្លាប់រយៈពេលប៉ុន្មានសប្តាហ៍ ក្រោយពេលគាត់កើត តែផ្ទុយទៅវិញ លោកនៅតែអាចទ្រាំរស់មកទល់នឹងពេលបច្ចុប្បន្ន ហើយនិងបានរៀបចំមហាវិទ្យាល័យវិស្វកម្មថែមទៀតផង។
លោក Arun បានបើកក្រុមហ៊ុនខាងព័ត៌មានវិទ្យាផ្ទាល់ខ្លួនមួយ និងធ្លាប់ធ្វើការជាច្រើនកន្លែងទៀត មុនកើតជំងឺមិនគួរឲ្យជឿមួយនេះ។
ក្រុមវេជ្ជបណ្ឌិតឥណ្ឌាក៏កំពុងងឿងឆ្ងល់ចំពោះជើងរបស់គាត់ ដែលចេះតែបន្តរីកធំធាត់យ៉ាងរហ័សនាប៉ុន្មានឆ្នាំចុងក្រោយនេះ។ ជំងឺនេះបានធ្វើឲ្យជើងទាំងពីររីកធំ តែធំមិនស្មើគ្នានោះទេ ដែលធ្វើឲ្យគាត់មិនអាចដើររួចឡើយ។
បច្ចុប្បន្ននេះ គាត់ជួបផលលំបាកយ៉ាងខ្លាំង ដោយត្រូវអង្គុយលើរទេះរុញ ដើម្បីប្តូរទីតាំង ប៉ុន្តែត្រូវមានអ្នកជួយស្លៀកពាក់ និងជូនទៅបន្ទប់ទឹកជាដើម។ ទោះបីជាមានការព្យាបាលដោយចាប់សរសៃ និងលេបថ្នាំពេទ្យបន្ថយភាពឈឺចាប់តាមជើងក្ដី តែគ្រូពេទ្យមិនទាន់រកឃើញវិធីព្យាបាលនៅឡើយទេ។
លោកមិនអស់សង្ឃឹមនោះទេ លោកបានធ្វើការជាមួយគ្រូពេទ្យមកពីទូទាំងពិភពលោក ដើម្បីរកវិធីសាស្ត្រព្យាបាលជើងធំដូចដំរីរបស់គាត់។
លោក Arun បាននិយាយថា ពេលខ្លះលោកមានបញ្ហាផ្លូវចិត្ត និងពេលខ្លះបាក់ទឹកចិត្តក៏មាន ប៉ុន្តែលោកមិនអស់សង្ឃឹមនោះទេ ហើយលោកនៅតែរំពឹងថា ថ្ងៃណាមួយ គ្រូពេទ្យនឹងអាចព្យាបាលបានជាក់ជាពុំខាននោះឡើយ៕
